Biçin sonrası taxıl sahəsinə od vuran fermerlərə xəbərdarlıq edildi

Tarix: 07.08.2015 / 02:32
Bölmə: Sosial

Vahid Məhərrəmov: "Qanunvericilikdə bu kimi tədbirlərin həyata keçirilməsi öz əksini tapmalıdır"

"Sözügedən məsələdə, inzibati tədbirlərlə yanaşı, maarifləndirmə işinin də aparılmasına ehtiyac var"

Taxıl sahələrinin biçindən sonra yandırılması torpaqda üzvi maddələrin itirilməsinə, torpaq mikroflorasının məhv edilməsinə, bütövlükdə torpaq münbitliyinin kəskin surətdə azalmasına səbəb olur. Məlum olduğu kimi, bu barədə Kənd Təsərrüfatı Nazirliyinin fermerlərə müraciətində bildirilir.

Müraciətdə qeyd olunur ki, samanın yandırılması nəticəsində torpağın həyat qabiliyyəti pisləşir, milyon illər ərzində formalaşmış faydalı mikroorqanizmlər məhv olur ki, onun da bərpa olunması üçün əlavə resurslar və uzun müddət tələb olunur: "1 hektar sahədə samanın yandırılması nəticəsində 40-50 kq azot, 70-80 kq fosfor, 90-100 kq-a qədər kalium elementi və 1-1,5 ton humus itirilir ki, bu itkini kompensasiya etmək üçün torpağın hər hektarına 10-15 ton həcmində üzvi gübrə verilməsi tələb olunur". Eyni zamanda biçindən sonra taxıl sahələrinin yandırılması növbəti ildə həmin sahədə becəriləcək bitkilərin məhsuldarlığının 20-30 faiz azalmasına səbəb olur. Qeyd edilənləri nəzərə alaraq, Kənd Təsərrüfatı Nazirliyi məhsul istehsalçılarına taxıl sahələrindən samanı yandırmadan çıxarmalarını və yaxud xırdalayaraq mulça halında əkin sahələrinə verib şum və digər torpaq becərmə əməliyyatları aparmalarını tövsiyə edir.

Bütövlükdə, biçindən sonra taxıl sahələrinin yandırılması birinci dəfə deyil baş verir. Zaman-zaman torpaq sahibləri biçindən sonra sahələri yandırıb. Dəfələrlə bunun zərərli olması barədə xəbərdaredici xarakterli məlumatlar getsə də, görünən odur ki, bir çoxları buna məhəl qoymaq istəmir.

Maraqlıdır, taxıl sahələrinin biçindən sonra yandırılması ilə əlaqədar qanunda hansısa inzibati məsuliyyətin nəzərdə tutulması problemin həllinə kömək edə bilərmi?

Məsələyə münasibət bildirən kənd təsərrüfatı üzrə mütəxəssis Vahid Məhərrəmov, prinsipcə, bunun tərəfdarı olduğunu bildirdi: "Biçindən sonra əkin sahələrinin yandırılmasının qarşısı mütləq alınmalıdır. Qanunvericilikdə bu kimi tədbirlərin həyata keçirilməsi öz əksini tapmalıdır. Bir neçə il əvvəl fermerlərdən izahat alırdılar ki, onlar əkin sahələrinə cavabdehdir. Yəni baş verə biləcək yanğının qarşısının alınması onların üzərinə düşür. Əvvəllər belə hallar bir qədər geniş yayıldığı üçün görülən tədbirlər çərçivəsində bunun qarşısı alındı. Ancaq son vaxtlar sözügedən problem yenidən aktuallaşıb. Bu da onunla bağlıdır ki, yanğınlara qarşı əvvəlki kimi tələb yoxdur. Bundan istifadə edən müəyyən torpaq sahibləri öz işlərini asanlaşdırmaq üçün məqsədyönlü şəkildə biçilmiş sahələri yandırır. Çalışırlar ki, bitki qalığını yandırıb dərhal əkin həyata keçirsinlər. Təəssüflər olsun ki, bir sıra hallarda qanun qəbul olunur, amma onun həyata keçirilməsi arzuolunan səviyyədə olmur. Digər bir problem ondan ibarətdir ki, biçilmiş zəmilərin yandırılmasının mahiyyətini çoxları anlamır. Anlamırlar ki, bu zaman nəinki torpağın humus qatı, o cümlədən bir sıra üzvü maddələr də məhv olur. Onları bərpa etmək illərlə vaxt tələb edir. Ona görə də bu məsələdə inzibati tədbirlərlə yanaşı, maarifləndirmə işinin də aparılmasına ehtiyac var".

Vidadi ORDAHALLI

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...