Suda boğulmaların artmasının iki əsas səbəbi...

Tarix: 06.08.2015 / 02:28
Bölmə: Sosial

Aqşin Əliyev: "Panika və qorxu hissi suda batmağa səbəb olur"

"Dənizdə edilən birinci səhv hərəkət - yanındakının üzmə hazırlığına əmin olmadan onu dənizə itələmək"

Hər il yay fəsli gələndə vətəndaşlar kütləvi şəkildə dəniz sahillərinə, çimərliklərə üz tutur. Çünki həyat mənbəyi olan su hövzələri sahilindəki çimərliklər həm də yayda insanların istirahəti, sərinliyi və günəş şüalarını qəbul etməsi üçün ideal istirahət məkanı hesab edilir.

Hər mövsümdə çimərlikdəki xilasetmə xidmətləri insanların təhlükəsizliyini nəzərə alaraq bu sahəyə diqqətini artırsalar da, vətəndaşların çimərliklərdə, su hövzələrində təhlükəsizliyini qorumaq üçün bəzi qaydalara riayət etməsi lazımdır.

Son bir neçə gün ərzində dənizdə batanların sayı yol qəzaları qurbanlarının sayından az deyil. Dövlət Sularda Xilasetmə Xidmətinin yaydığı məlumata görə, avqustun 4-də Bakı şəhəri, Qaradağ rayonunda 1 nəfər, Bakı şəhəri, Sabunçu rayonunda 2 nəfər, bundan başqa, Sumqayıt şəhərində isə 1 nəfər dənizdə çimərkən batmaq təhlükəsi ilə üzləşib. Bütün hallarda, vətəndaşlar Fövqəladə Hallar Nazirliyinin dalğıc-xilasediciləri tərəfindən xilas edilib.

Həmin gün Sumqayıtda dənizdə batan iki gəncin həyatını isə xilas etmək mümkün olmayıb. Sumqayıt şəhərində 1996-cı il təvəllüdlü Həmidov Elnur Etibar oğlunun və 1997-ci il təvəllüdlü Tanrıverdiyev Anar Xalid oğlunun dənizdə (ən yaxın xilasetmə məntəqəsindən 800-1000 metr aralıda yerləşən nəzarətsiz ərazidə) batması haqqında məlumat daxil olub. E.Həmidovun və A.Tanrıverdiyevin meyiti "Corat" sularda xilasetmə məntəqəsinin xilasediciləri tərəfindən tapılıb çıxarılaraq aidiyyəti üzrə təhvil verilib.

Üzgüçü Aqşin Əliyevin sözlərinə görə, onun yanına əksəriyyət yaxşı üzməkdən çox dənizdə batmamaq üçün gəlir. Halbuki, batmağın yaxşı üzməklə heç bir əlaqəsi yoxdur: "Azyaşlıların təlimi daha rahat olur. Çünki onlar böyüklərə nisbətən daha ürəkli, daha qorxusuz davranır və fikirləri gözəl üzməkdə olur. Gənclər sudan qorxur, amma bir o qədər də özlərini qorxusuz göstərirlər. Bunun ilk sübutu öyrənməyə gələn gənclərin bir-birini itələyib xəbərsiz suya atmalarıdır. Dənizdə də edilən birinci səhv hərəkət budur - yanındakının üzmə hazırlığına əmin olmadan onu dənizə itələmək. Su nə qədər dayaz olur-olsun, insanın panikaya düşməsi, özünü itirməsi an məsələsidir. İkinci ən böyük səhv batan insanın çabalamasını gözləməkdir. Bunu isə filmlərdən yadda saxlayıblar. İnsanlar elə düşünür ki, batan insan mütləq çabalayacaq, qışqıracaq. Belə olsaydı, demək olar ki, batan insanların sayı yarıbayarı azalardı".

Həmsöhbətimizin dediyinə görə, üzməyə gələn insanlarda əsas olan onun özünə güvənməsidir. Özünə güvən insanın sudan qorxmaması üçün vacibdir: "İkincisi, suda düzgün nəfəs almaq da vacibdir. Dənizdə üzən insanlar başını dik qaldıraraq nəfəs almağa çalışır ki, bu da onların boğulmasına şərait yaradır. Qarşıdan gələn su buruna və ağıza dolur, nəfəs almağı çətinləşdirir. Baş yana əyilib nəfəs alınmalıdır".

Müsahibimizin dediyinə görə, dərinliyi bilinməyən suya baş vurmaq olduqca təhlükəlidir: "Hovuzda üzməyə gələn insan daim ayağının altında yer olduğunu hiss edir və bunu beyninə həkk edir. Dənizə getdikdə də bu fikir beynində qalır və bir də onda ayılır ki, ayaq yerə dəymir. Panika, qorxu və nəticədə batmaq risqi. Bəzən bir-birilə zarafat etmək istəyən gənclər suyun altından digərinin ayağını çəkir, başını suya basır və bu kimi zarafatlar edir. Yaxud özünü ətrafındakılara göstərmək məqsədilə üzünü qaldırmadan üzür və bir də başını qaldırdıqda dərinlikdə olduğunu hiss edir. Əslində heç kim batmaq istəmir. Bilərək ölümə getmir. Batma 1 dəqiqənin içində olur və ölməmək üçün mümkün qədər sakit olmaq, panikaya qapılmamaq lazımdır".

"Batan insana yardım məqsədilə hər insan köməyə qaçmamalıdır"- deyən üzgüçü bildirdi ki, hətta ən yaxşı üzgüçülər belə o an batma təhlükəsi yaşaya bilər. Ona görə mümkün qədər yaxşı üzə bilən, özünü itirməyən insan kömək etməlidir ki, batan adam onu suyun altına çəksə, vəziyyətdən çıxış yolu tapa bilsin: "Suda boğulmalar quru boğulmalar sayılır. Əksər boğulmalarda ağ ciyərlər su ilə dolmur. Boğulan insan özünə gəldikdən sonra ya çimməyə davam edir, ya da hadisənin şokunu adlatmağa çalışır.

Amma bu səhvdir. Boğulma hər necə olur-olsun, nəticədə boğulan insan həkimə müraciət etməlidir. Bütün bədbəxt hadisələrdə olduğu kimi, suda boğulmadan qorunmağın ən yaxşı üsulu onun profilaktikasıdır. Uşaqlardan söhbət getdiyi halda bu daha aktualdır. Kiçik uşaqlar heç zaman su ilə doldurulmuş vannada təkbaşına qoyulmamalıdır. İstər hovuz olsun, istərsə də dəniz, uşaqlar çimərkən onlara nəzarət olunmalıdır".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...