Həzi Aslanov qəsəbəsinin sakinləri işıq problemi ilə üzləşib...

Tarix: 05.08.2015 / 02:09
Bölmə: Sosial

İlqar Abbasov küçəsinin sakinləri redaksiyamıza müraciət edib

Redaksiyamıza Xətai rayonu, Həzi Aslanov qəsəbəsi, İlqar Abbasov küçəsi ünvanında yaşayan sakinlər adından Ruhiyyə Məmmədova müraciət edib. İlqar Abbasov 51-də yaşayan Ruhiyyə xanım yazır ki, ötən ildən işıq problemi ilə üzləşiblər.

Şikayətçi qeyd edir ki, bu problem keçən ilin yayından başlayıb və sakinləri narahat edir: "İşıqda daim zəifləmələr, elektrik cərəyanında enib-qalxmalar olurdu. Kompyuter tez-tez sönür, kondisioner soyutmaq əvəzinə ilıq hava verirdi. Usta çağırdıq ki, bəlkə kondisionerdə nasazlıq var. Məlum oldu ki, işıqdakı problemlər və hədsiz aşağı gərginlik üzündən kondisioner normal işləmir. Keçən yay Xətai Rayon İşıq İdarəsinə dəfələrlə zəng etsək də, hər dəfə bizə dedilər ki, Həzi Aslanov qəsəbəsində yarımstansiya tikilir, problemlər bununla əlaqədardır. Tikilib qurtarandan sonra yarımstansiya qəsəbəmizdə olduğu üçün heç bir problem daha olmayacaq. Yarımstansiya tikilib qurtardı, qışda açılışı da oldu, cənab Prezident özü açılışa gəlmişdi. Bu il yay girəndən həmin problem yenidən baş qaldırıb. Bütün qonşular gileylənir, şəxsən mənim paltaryuyan maşınım yanıb, təmirə 120 manat pul tələb olunur ki, bu da mənim aylıq əməkhaqqımın az qala yarısı edir. Oğlum tələbədir, pullu fakültədə təhsil alır, onun təhsil haqqını ödəmək üçün bank krediti ödədiyim üçün yeni bir kredit altına girib təzə paltaryuyan almaq imkanım da yoxdur".

R.Məmmədova bildirir ki, işıq probleminin həlli üçün İşıq İdarəsi əməkdaşları heç bir tədbir görmür. Onun yazdığına görə, işıqla bərabər su problemi də sakinləri ciddi narahat edir: "Üç aydan çoxdur gecə saat 12-dən sonra səhər saat 6-ya kimi suyumuz kəsilir. Olimpiada zamanı dedilər ki, Olimpiadaya görə suya qənaət olunur. Olimpiada çoxdan qurtarıb, su hələ də hər gecə kəsilir. Qışda buz kimi hamama girib qazın zəif gəlməsi üzündən dona-dona gözləyirik ki, su heç olmasa 28 dərəcə (!) isinsin, çimə bilək. Qışın günü 28 dərəcəyə də şükr edirik. Yayda da kondisionerin üzünə baxırıq ki, bir az küləkləsin, ölməyək".

R.Məmmədova qeyd edir ki, həm işıq, həm də su sarıdan sakinlərin narahatlığına son qoyulacağı günü gözləyirlər. Şikayətçi bildirir ki, İlqar Abbasov küçəsinin sakinləri problemlərinin həllini gözləyir: "Sakinlər nə kondisioner, nə pataryuyan, nə də kompyuter işlədir. Çünki işıq çox zəifdir. Arada cərəyan güclü gələndə də texniki cihazları yandırır. Şikayətimizə isə baxan yoxdur. Çoxsaylı müraciətimiz cavabsız qalıb. Ümid edirəm ki, qəzetinizdə bu problem işıqlandırıldıqdan sonra aidiyyəti qurum məsələyə reaksiya verəcək".

R.Məmmədova ümid edir ki, Həzi Aslanov qəsəbəsi sakinlərinin qəzetimizdə işıqlandırılan problemi tezliklə aidiyyəti qurumlar tərəfindən həll ediləcək və sakinlər kommunal çətinlikdən birdəfəlik xilas olacaq.

Xəbər xidməti

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...