Azərbaycanda boşanmadan sonrakı qısqanclıqdan törəyən qətl cinayətləri...

Tarix: 01.08.2015 / 02:03
Bölmə: Sosial

Könül Vaqifqızı: "Qısqanc insanlar boşandıqdan sonra daha aqressiv münasibət göstərir"

"Boşanmaq özü bir mədəniyyətdir və tərəflər boşanma prosesində o qaydaları gözləməyi bacarmalıdır"

Azərbaycanda boşanan ailələrin sayı artır. Bundan sonra bir sıra mənfi hallar ortaya çıxır. Bəzən tərəflərdən biri barışmaq istəsə də, digər tərəf buna razı olmur. Yaxud da boşandıqdan sonra qadın və ya kişi başqası ilə münasibətdə olur.

Bu kimi hallar sonradan faciəli nəticələrlə yekunlaşa bilər. Bunun nəticəsidir ki, son vaxtlar boşanan arvadını öldürən, döyən, müxtəlif xəsarətlər yetirən kişilər və ya ərini bıçaqlayan qadınların sayı artır. Bu cür hadisələrdən ən dəhşətlilərindən biri bu günlərdə baş verib.

Kürdəmir rayonunun Sığırlı kəndində 1984-cü il təvəllüdlü Rüstəmov Elman Polad oğlu keçmiş həyat yoldaşı, 1992-ci il təvəllüdlü Mütəllimova Gülər Ramiz qızının başını kəsərək qətlə yetirib. İyunun 29-da keçmiş qayınanasının evinə gələn E.Rüstəmov burada 23 yaşlı Gülərlə mübahisə edib və daha sonra onun başını kəsib. Hadisədən sonra E.Rüstəmov 1 yaşlı övladını götürərək uzaqlaşıb. E.Rüstəmov polis tərəfindən saxlanıb. İlkin dindirmə zamanı o bildirib ki, keçmiş həyat yoldaşı haqqında xoşagəlməz sözlər eşitdiyinə görə bu əməli törədib.

Qeyd edək ki, E.Rüstəmovla G.Mütəllimova bir müddət əvvəl rəsmən boşanıb. Bundan sonra E.Rüstəmov yenidən ailə həyatı qurub. G.Mütəllimovaya gəlincə, o, anası ilə tək yaşayırmış. 23 yaşlı qızın atası xeyli əvvəl vəfat edibmiş.

Qeyd edək ki, buna bənzər oxşar hallar tez-tez müşahidə olunur. Kişilər rəsmən ayrıldığı keçmiş həyat yoldaşını qısqanır və ya onun azad, müstəqil həyatına tab gətirmədikləri üçün qadını öldürür.

Psixoloq Könül Vaqifqızı bizimlə söhbətində bildirdi ki, ailə qurmamışdan öncə gəncləri maarifləndirmək lazımdır. "Ailə hansı formada qurulur", "Problem olanda necə həll etməliyik" kimi istiqamətlərdə insanlar maariflənməlidir. Eyni zamanda boşanma prosesinə tərəflər nə cür mövqe tutmalıdır, buna da aydınlıq gətirilməlidir. Cütlük bərabər ailəni davam etdirə bilmirsə, bu zaman qarşılıqlı razılaşma əsasında boşanma barəsində addım atılmalıdır. Bundan sonra tərəflər bir-birilə münasibətlərini davam da etdirə, ara-sıra əlaqə saxlaya da bilər. Övladları varsa, tərəflər uşaqların taleyi ilə maraqlanmalıdır. Dolayısı ilə boşanmaq özü bir mədəniyyətdir və tərəflər boşanma prosesində o qaydaları gözləməyi bacarmalıdır".

Qısqanc insanların boşandıqdan sonra daha aqressiv münasibət göstərməsinə gəlincə, psixoloq bunları dedi: "Qısqanc insanlar boşandıqdan sonra daha aqressiv münasibət göstərir. Bəzən kişi ayrıldığı həyat yoldaşını qısqanır. Əgər rəsmən ayrılıblarsa, artıq qadın və kişi həyat yoldaşı deyil. Onlar qərar qəbul etməkdə müstəqildir. Bu zaman biri digəri ilə savaşmaqdansa, öz psixoloji durumunun qeydinə qalmağı daha məqsədəuyğun olardı. Əgər ifrat qısqanclıq varsa, ilk növbədə bu müalicə edilməlidir. İndi ailələrdə qısqanclıq zəminində şiddət, ayrılma və ölümlə bitən hallara rast gəlirik. Bu onu göstərir ki, qısqanclıq ailələrimizdə artıq ciddi bir problem kimi nəzərə alınmalıdır.

Bəzən boşananlar dost münasibətində qaldıqda belə bir fikir yaranır ki, tərəflərdən hansısa barışıq olmasını istəyir və buna görə münasibətləri saxlayır. Tərəflər rəsmən boşanandan bir-iki il sonra bəzən münasibətlər yenidən bərpa olunur. Ailə psixoloqları çox zaman burada həmin ayrılan cütlüklərə məsləhət görür ki, ayrıldıqları şəxslə yenidən rəsmi nikaha daxil olmağa tələsməsinlər. Bəzən rəsmi nikah ailəni birləşdirməyə yox, ayrılmağa da gətirib çıxarır. Arxayınlıq, rahatlıq yaradır".

Günel CƏLİLOVA

bey-gelin-nishan-uzuk

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...