Çimərlik çəkələyində avtomobil idarəçiliyinin qadağan olunmasında ciddi əsaslar var

Tarix: 01.08.2015 / 02:11
Bölmə: Sosial

"Müvafiq qurumlar sözügedən məsələ ilə bağlı narahatdılarsa, o zaman yaxşı olardı ki, bu, qanunvericilikdə öz əksini tapsın"

Şahin Camalov: "Doğrudan da çəkələklə avtomobili idarə etmək problem yaradır və qəza risqini artırır"

Çəkələklə avtomobil idarə edənlərə qarşı sərt cəzalar tətbiq olunacaq. Bunu mətbuata açıqlamasında Daxili İşlər Nazirliyi Bakı Şəhər Baş Polis İdarəsinin Dövlət Yol Polisi İdarəsinin (BŞDYPİ) İctimai qurumlarla əlaqə bölməsinin rəisi, polis polkovniki Vaqif Əsədov deyib.

O bildirib ki, son 10 gündə çəkələklərlə avtomobil idarə edən sürücülər tərəfindən 11-ə yaxın yol-qəza hadisəsi törədilib. V.Əsədov bu cür halların yolverilməz olduğunu deyib və sürücüləri avtomobil idarə edərkən daha diqqətli olmağa çağırıb: "Yay mövsümü ilə əlaqədar olaraq yüngül ayaqqabılar, çəkələklər geyinib avtomobil idarə edirlər. Çəkələklə avtomobil idarə etmək çox təhlükəlidir. Qeyd edim ki, çimərliklərdən şəhər istiqamətinə və ya əksinə yollarda baş vermiş qəzaların təhlilinə nəzər salanda görürük ki, əksər hadisə məhz sürücülərin çəkələklərdən istifadə etməsi nəticəsində baş verib".

V.Əsədov belə hallarla rastlaşdıqları halda sürücülərə ən yüksək cəzaların veriləcəyini istisna etmir. Şöbə rəisi bildirib ki, artıq çimərlik və istirahət zonaları istiqamətində polis gücləndirilmiş iş rejimində çalışır: "Bununla əlaqədar bir daha qeyd edirəm ki, sürücülər belə addımlar atmasınlar. Biz reydlərə başlayacağıq. Bu cür hallarla rastlaşdığımız zaman heç kəsə göz yuman deyilik. Çəkələklərlə avtomobil idarə edən sürücülərə qarşı müvafiq tədbirlər görüləcək. Sürücülərin məsuliyyətə cəlb olunması əsas deyil, əsas bunun mahiyyətini anlamaqdır".

Həqiqətən də avtomobillərin çəkələklə idarə olunması qəza risqini artırır. Belə olan halda bunun məhdudlaşdırılması zərurəti ortaya çıxır. Maraqlıdır, ekspertlərin sözügedən məsələyə münasibəti necədir?

Məsələyə münasibət bildirən "Təhlükəsiz Yol" Alyansının koordinatoru Şahin Camalovun sözlərinə görə, çəkələklə maşın sürmək təhlükəlidir, amma qanunvericilikdə bunun məhdudlaşdırılması öz əksini tapmayıb: "Qanunvericilikdə çəkələklə avtomobilin idarə olunmasının yolverilməz olduğu öz əksini tapmayıb. Həmçinin, İnzibati Xətalar Məcəlləsində bununla bağlı hər hansı müddəa yoxdur. Belə olan halda, bunun məhdudlaşdırılması bir qədər çətindir. Müvafiq qurumlar sözügedən məsələ ilə bağlı narahatdılarsa, o zaman yaxşı olardı ki, bu, qanunvericilikdə öz əksini tapsın. Statistik göstəricilər çəkələklə idarə olunan avtomobillərdə qəzaların çox baş verdiyini göstərirsə, o zaman bu, qanunla mütləq məhdudlaşdırılmalıdır. Hesab edirəm ki, qanunvericilik təşəbbüsü ilə çıxış etmək lazımdır. Belə olan halda, hüquq-mühafizə orqanları daha uğurla belə hallara qarşı mübarizə apara bilər. Təkcə tövsiyə etməklə belə halların qarşısını almaq mümkün deyil. Fikrimcə, insanlar da bunu başa düşməlidir. Çünki doğrudan da çəkələklə avtomobili idarə etmək problem yaradır və qəza risqini artırır. Ona görə ki, çəkələklə avtomobil idarə edəndə bu, əyləc və qaz pedallarının vaxtında basılmasına maneə törədir. Təcrübədə mən də bunu görmüşəm. O üzdən, bunun qanunvericiliklə tənzimlənməsi daha məqsədəuyğundur".

Vidadi ORDAHALLI

yol76

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...