Tikinti sektorunda əmək mühafizəsi ilə bağlı böyük nəticə əldə edilib

Tarix: 28.07.2015 / 02:24
Bölmə: Sosial

Sahib Məmmədov: "Son illər təhlükəsiz iş şəraitinin formalaşdırılması sahəsində xeyli irəliləyiş var"

"İstehsalatda bədbəxt hadisələrin əksəriyyəti qeyri-formal əmək sektorunda baş verir"

Bu ilin yanvar-iyun aylarında Azərbaycanda istehsalatla əlaqəli 66 bədbəxt hadisə qeydə alınıb. Əmək və Əhalinin Sosial Müdafiəsi Nazirliyindən verilən məlumata görə, bu, ötən ilin eyni dövrü ilə müqayisədə 42 faiz azdır.

İstehsalatla əlaqəli bədbəxt hadisələr nəticəsində dünyasını dəyişənlərin sayı 50 faiz azalaraq 20-yə, xəsarət alanların sayı isə 49 faiz azalaraq 46-ya düşüb. 2014-cü ilin ilk 6 ayında istehsalatla əlaqəli qrup halında 16 bədbəxt hadisə baş verdiyi halda, bu il belə hadisə baş verməyib.

ƏƏSMN yanında Dövlət Əmək Müfəttişliyi Xidməti (DƏMX) tərəfindən həyata keçirilən dövlət nəzarəti tədbirlərinin mühüm bir istiqaməti iş yerlərində işçilər üçün sağlam və təhlükəsiz əmək şəraitinin yaradılmasına yönəlib. 2015-ci ilin birinci yarımilində bu istiqamətdə dövlət nəzarəti tədbirləri gücləndirilməklə, eyni zamanda əməyin mühafizəsinə dair təbliğat-maarifləndirmə işləri davam etdirilib. İşəgötürənlərin əməyin mühafizəsinə diqqətinin artırılması üçün yanvarın 26-dan fevralın 5-dək "Təhlükəsiz iş ongünlüyü", aprel ayında "Təhlükəsiz iş aylığı" keçirilib. Bu tədbirlər çərçivəsində işəgötürənlərin əməyin mühafizəsi ilə bağlı dolğun şəkildə məlumatlandırılması, habelə istehsalat qəzası risqi yüksək olan iş yerlərində əməyin mühafizəsi vəziyyətinin araşdırılaraq aşkar olunan nöqsanların aradan qaldırılması üçün müvafiq işlərin görülməsi təmin edilib.

Hər bir işəgötürən işçidən yaxşı iş tələb edir və bu onun haqqıdır. Lakin bu hüquqla yanaşı, işəgötürənin üzərinə işçilərin əmək təhlükəsizliyinin təmin edilməsi kimi məsuliyyətli vəzifə də düşür. Təəssüf ki, bəzən şirkətlərin, bəzən isə elə təhlükəsizliyə ehtiyacı olan işçilərin özlərinin bu məsələyə laqeyd yanaşması hallarına rast gəlirik. İllər öncə bu sahədə vəziyyət daha acınacaqlı olsa da, indi müəyyən işlər görülür və problemin həlli istiqamətində uğurlu addımlar atılır. Lakin buna baxmayaraq, problemlər hələ də qalmaqdadır. Sağlam və təhlükəsiz əmək şəraitinin yaradılmasına nail olmaq, istehsalatda bədbəxt hadisələrin qarşısını almaq üçün tək ölkəmizdə deyil, dünyada da mübarizə aparılır.

Bütün bu deyilənlərin fonunda, ekspertlər bu ilin 6 ayında istehsalatla əlaqəli bədbəxt hadisələrin azalmasını necə dəyərləndirir?

Əməh Hüquqlarının Müdafiəsi Liqasının rəhbəri Sahib Məmmədovun fikrincə, son illər təhlükəsiz iş şəraitinin formalaşdırılması sahəsində xeyli irəliləyiş var: "Bizdə ən çox bədbəxt hadisə tikinti sektorunda baş verir. 8-10 il bundan öncə hər yoldan ötən MMC yaradaraq tikinti aparırdı. Tikintiyə isə təcrübəsiz insanlar cəlb edilirdi, heç bir təhlükəsizlik, əməyin mühafizəsi qaydalarına əməl olunmurdu. İndi artıq iri şəhərlərdə tanınmış tikinti şirkətləri təhlükəsizliklə bağlı işləri həyata keçirir. Tamamilə olmasa da, o şirkətlərdə təhlükəsizliklə bağlı vəziyyət bir qədər yaxşılaşıb. Dövlət Əmək Müfəttişliyi Xidmətinin potensialı artırılıb, Dünya Bankının maliyyəsi ilə təcrübəsi artırılıb, avadanlıqla təchiz olunub. Bir sözlə, nəzarətdə effektivlik artıb. 2011-ci ilin yanvarından etibarən istehsalatda bədbəxt hadisə və peşə xəstəlikləri hallarında icbari sığorta haqqında qanun tətbiq olunur. Yəni işçilərin təhlükəsizliyi ilə bağlı müsbət addımlar atılıb. Amma mənfi tərəflər də var. Azərbaycanda qeyri-formal əmək sektoru yüksək səviyyədədir. İstehsalatda bədbəxt hadisələrin əksəriyyəti qeyri-formal əmək sektorunda baş verir. Belə yerlərdə nə əmək müqaviləsi var, nə də işçilərin sığortası".

Vidadi ORDAHALLI

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...