Azərbaycanda oğlan və qız uşaqlarının say nisbətində maraqlı fakt...

Tarix: 25.07.2015 / 02:51
Bölmə: Sosial

Aytəkin Kamranqızı: "Son illər

Azərbaycanda oğlan-qız ayrıseçkiliyinə

üstünlük vermə xüsusiyyəti daha da güclənib"

Nazir Quliyev: "Valideynlərin oğlanlarla qızlar arasında seçim etməsi düzgün

ailə planlaşdırmamasından irəli gəlir"

Övlad ayrıseçkiliyi qəribə görsənsə də, günümüzdə də mövcuddur. Cəmiyyətimizdə belə bir fikir var: oğlan nəslin davamçısıdır, ailə üçün əsasdır, varisdir. Buna görə də ailələrdə daha çox oğlan uşaqlarının doğulmasına üstünlük verilir. Ailələrin əksəriyyəti düşünmədən, heç bir məntiqə söykənmədən qız uşaqlarından imtina edir.

Çox vaxt kiminsə oğlu olanda onu təbrik edir, gözaydınlığı verirlər. Ancaq qız övladı olanda bu təbriklərin sayı xeyli azalır. Bütün bunların nəticəsi olaraq statistikaya nəzər salsaq görərik ki, son illərdə oğlanların sayı qızlara nisbətən xeyli artıb. Çünki hamı oğlunun olmasını istəyir. İndiyə qədər hər zaman Azərbaycanda sayca qadınların kişilərdən çox olduğu bildirilirdi. Ancaq son 20 ilin göstəriciləri nəticəni tam əksinə dəyişir. Elə valideynlər də var ki, qız övladının olmasını daha çox istəyir. Buna səbəb kimi yaşlananda onlara daha çox qayğı göstərənin qız övladı olmasını əsas gətirirlər.

Açıqlanan statistik rəqəmlərə görə, Azərbaycanda yaşı 18-dək olan uşaqlar arasında oğlanların sayı qızların sayından 12,75 faiz çoxdur. Dövlət Statistika Komitəsindən mediaya verilən məlumata görə, 2015-ci ilin əvvəlinə olan məlumata əsasən, Azərbaycanda 2562,8 min 18 yaşadək uşaq var. Onların 1368,7 min nəfəri kişi, 1194,1 min nəfəri qadındır.

Ölkədə yaşı 18-dək olan uşaqların 1275,6 min nəfəri şəhər yerlərində yaşayır. Onların da 680,2 min nəfəri kişi, 595,4 min nəfəri isə qadındır.

18 yaşadək uşaqların 1287,2 min nəfəri kənd yerlərində yaşayır ki, onların da 688,5 min nəfəri kişi, 598,7 min nəfəri qadındır.

Sosioloq Aytəkin Kamranqızı bizimlə söhbətində bildirdi ki, oğlan uşaqlarının sayının artmasının əsas səbəbi qız uşaqlarının abort edilməsidir: "Qız uşaqlarının azalmasının başlıca səbəblərindən biri uşağın cinsiyyəti bəlli olandan sonra onların abort edilərək götürülməsidir. Rəsmi statistikaya görə, il ərzində 25-33 min uşaq abort etdirilir. Lakin qeyri-rəsmi statistikada ildə 100 mindən çox uşağın abort olunduğu bildirilir. Doğulan uşaqlar arasında gender disbalansı yaranması ciddi demoqrafik problemə səbəb olacaq. Yəni vəziyyət bu cür davam edərsə, cəmiyyətimiz yaxın 10-15 ilə ciddi problemlə qarşılaşacaq. Mövcud normaya görə, hər doğulan 106 oğlana 100 qız uşağı olmalıdır".

A.Kamranqızı onu da əlavə etdi ki, son illər Azərbaycanda oğlan-qız ayrıseçkiliyinə üstünlük vermə xüsusiyyəti daha da güclənib: "Çünki hazırda yeni qurulan ailələr maksimum iki uşaq istədiklərindən, onlardan heç olmasa birinin oğlan olmasına tərəfdardırlar. Təbii ki, bunun üçün də ailələr müxtəlif vasitələrdən istifadə edir. Vəziyyət belə davam etsə, bir neçə ildən sonra oğlanlarımız evlənməyə qız tapmayacaq. Bu məsələ sırf ailələrin istəklərindən irəli gəldiyindən, cəmiyyətdə oğlanların qızlardan üstün tutulmasının sosial səbəbi yoxdur. Çünki ölkəmizdə qadın-kişi bərabərlyi mövcuddur. Azərbaycanda çoxlu qız uşağına malik elə ailələr var ki, onlar bunu özlərinə dərd etmirlər. Doğrudan da əsas məsələ oğlan, ya da qız övladın doğulması deyil, uşağın sağlam dünyaya gəlməsidir".

Uşaq Hüquqları üzrə QHT Alyansı İdarə Heyətinin sədri Nazir Quliyev valideynlərin oğlanlarla qızlar arasında seçim etməsini düzgün ailə planlaşdırmasının aparılmamasında və düşüncə tərzində görür: "Milli adət-ənənəyə uyğun olaraq oğlan uşaqlarına üstünlük verilir. Çünki Azərbaycanda oğlan nəslin davamçısı, "düşmən çəpəri" anlamında qəbul edilir. Bəzi ailələr isə bunu oğlanı böyütməyin qızdan asan olması ilə izah edirlər. Amma elə hallar da olur ki, bir qızın əldə etdiyi nailiyyəti əksər halda hər oğlan qazana bilmir. Bu da uzun illərdir psixoloji vəziyyətin yaranmasına gətirib çıxarıb. Məhz bu səbəbdən ailələrin psixologiyası dəyişməli, ailə dəyərləri təbliğ olunmalıdır.

Alimlər iddia edir ki, yeni doğulanlar arasında oğlanların qızlarla nisbətdə çoxluq təşkil etməsinə müasir tibbi vasitələr daha çox təsir göstərir. Son illər əksər qadınlar hamiləliyin ikinci-üçüncü aylarında ultrasəs müayinəsinə (USM) düşərək gələcək körpələrinin cinsini müəyyənləşdirir və buna uyğun müvafiq qərar qəbul edir. Yəni onların çoxu bətnlərindəki körpənin qız olduğunu biləndən sonra onu abort etdirir. Bu cür əməliyyatlar yeni doğulan körpələr arasında oğlanların üstünlük təşkil etməsində mühüm rol oynayır".

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...