Saxta hamiləlik testləri...

Tarix: 25.07.2015 / 02:20
Bölmə: Sosial

Nailə Hüseynova: "Hamiləlik testləri arasında saxtasına da rast gəlmək mümkündür"

"Qadınların hamilə olub-olmaması xüsusi qan testi ilə müəyyən edilir"

Ana olmaq hər bir qadının arzusudur. Qadınlar hamiləliyi hiss etdikləri gündən dünyaya gələcək körpənin arzusu ilə yaşamağa başlayır, onunla bağlı xəyallar qurur. Hamiləliyin necə keçəcəyini düşünür, hətta doğuş qorxusu da yaşayırlar. Ancaq bəzən heç də hər şey düşündüyümüz kimi olmur.

Qadınlar hamilə olduqlarını zənn etdikləri an ilk olaraq hamiləlik testi alırlar. Bu testə uyğun olaraq hərəkət edirlər. Sidik testə düşdükdən sonra 1 zolaq mütləq görünməlidir. Testin nəticəsi əksər hallarda 5 dəqiqə ərzində qiymətləndirilir. Bu müddət ərzində testdə 2-ci zolaq çıxmayıbsa, nəticə mənfi sayılır (yəni hamiləlik yoxdur). Testin nəticəsinə görə 1 xətt hamilə, 2 xətt isə hamilə deyildir deməkdir. Bu günlərdə sosial şəbəkədə hamiləlik testi ilə bağlı maraqlı bir şəkil paylaşılıb. Sosial şəbəkə istifadəçisi olan bir xanım hamiləlik testinin damcı yerinə portağal suyu damızdırıb. 5 dəqiqə sonra testin nəticəsi pozitiv olub. Yəni testdə 2 xətt görünüb. Onda belə çıxır ki, portağal hamilədir... Bu hadisədən sonra hamiləlik testinə inam azalıb. Hamiləlik testləri düzgün nəticə göstərir, ya yanlış?

Məsələ ilə bağlı həkim-ginekoloq Nailə Hüseynovaya müraciət etdik. O bizimlə söhbətində dedi ki, qadınların hamilə olub-olmamasını laboratoriyalar vasitəsilə təyin etmək olar. Yəni xüsusi qan testi ilə qadının hamilə olub-olmadığı müəyyən olunur. Bu qan testinin adı XQ-dir: "Orqanizmdə olan bütün qan böyrəklərdən keçir və burada təmizlənir. Nəticədə XQ qandan böyrəklərə, böyrəklərdən isə sidiyə düşür və burada testin köməyi ilə təyin olunur. Qadın öz orqanizminə qarşı diqqətlidirsə, o, hamiləliyi hətta test istifadə etmədən təyin edə bilər. Təbii ki, hamiləliyin ən əsas simptomu menstruasiyanın gecikməsidir. Lakin belə gecikmə hormonal pozulmalar, bəzi ginekoloji xəstəliklər zamanı da mümkündür".

Həmsöhbətimiz qeyd etdi ki, bəzən qadınlar daha bahalı hamiləlik testi alır ki, düzgün nəticə əldə etsin: "Amma mən deyərdim ki, bahalı və ucuz hamiləlik testləri eyni işləyir və testin qiyməti onun dəqiq olub-olmadığına təsir etmir. Testlər arasında saxtası da olur. Bu hala rast gəlmək mümkündür. Testi günün istənilən vaxtı etmək olar. Lakin ən yaxşısı sübh tezdən etməkdir. Çünki gecə yuxusundan sonra sidik daha qatılaşdığından, XQ sidikdə daha çox olur. Qadın test etdikdən əvvəl çoxlu maye qəbul edibsə, test yanlış mənfi nəticə göstərə bilər. Sidik testə düşdükdən sonra 1 zolaq mütləq görünməlidir. Bu kontrol zolaqdır. Kontrol zolaq çıxmırsa və ya solğun çıxırsa, deməli, hamiləlik testi xarabdır və ya onun yararlıq müddəti bitib. Bu halda aptekdən təzə test almaq lazımdır. Testin nəticəsi əksər hallarda 5 dəqiqə ərzində qiymətləndirilir. Bu müddət ərzində testdə 2-ci zolaq çıxmayıbsa, nəticə mənfi sayılır. Vaxt keçdikcə, hava və s. xarici təsirlər nəticəsində test yanlış nəticə göstərə bilər. Bəzən elə hal olur ki, qadın hamilə testi alarkən aptekdə çalışan xanımdan bunun düzgün nəticə göstərib-göstərməyəcəyini soruşur. Aptekdə çalışan xanım isə and-aman edir ki, hamiləlik varsa, test bunu mütləq göstərəcək. Qadın test edir, nəticədə 2 xətt görsənir. Sonra qadın hamilə olduğunu düşünüb sevinə-sevinə həkimə müayinə olunmağa gəlir. O zaman bəlli olur ki, test yanlış nəticə görsədib, qadın hamilə deyil. Bu kimi hallarla çox rastlaşmışıq. Qadın hormonal müalicə alan zaman hamiləlik testi yanlış müsbət nəticə verə bilər. O ki qaldı portağal məsələsinə, çox güman ki, həmin qadının istifadə etdiyi test yanlış olub, ya da portağalda mayalanma gedir... (həkim gülür)".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...