Az əvvəl Bakıda dayandırılmış avtobus marşrut xətlərinin taleyi necə olacaq...

Tarix: 25.07.2015 / 01:47
Bölmə: Sosial

Şahin Camalov: "Marşrut xətləri bərpa olunmasa, sentyabrda metroda sıxlıq bir neçə dəfə artacaq"

"Yaşlı və xəstə olan paytaxt sakinləri bundan əziyyət çəkir"

Məlum olduğu kimi, Avropa Oyunları ərəfəsində Bakının bir sıra marşrut xətləri ləğv edildi. Əsasən də mərkəz istiqamətində hərəkət edən avtobuslar xəttən çıxarıldı. Məsələn, o vaxtdan Şəhidlər Xiyabanı istiqamətində hərəkət edən bütün marşrutlar dayandırılıb.

Artıq iki aya yaxındır ki, Milli Məclisdə, Dövlət Tele-Radio Komitəsində, Milli Təhlükəsizlik Nazirliyində, Müdafiə Nazirliyində, Mərkəzi Klinikada, yaxınlıqda yerləşən otel və institutlarda işləyən minlərlə insan hər gün dayanacaqdan işə, işdən dayanacağa kilometrlərlə yol getməli olur. Bakının ilin ən isti günlərini yaşadığı nəzərə alınarsa, həmin insanların hansı əziyyətlərlə üzləşdiyini təsəvvür etmək çətin deyil.

Oxşar problem paytaxtın bir çox məhəllələrində də yaşanır. Oyunlar ərəfəsində 10 marşrut fəaliyyəti dayandırdı. Bunlar - 1, 14, 20, 25, 53, 69, 86, 90, 125, 194 saylı marşrutlar idi. İstiqaməti dəyişən marşrutlar isə 2, 15, 120, 70 və 82 saylı xətlər idi. O vaxt əhali marşrutların ləğvini və hərəkət istiqamətinin qısaldılmasını müvəqqəti çətinlik kimi qiymətləndirirdi. Nəqliyyat Nazirliyinin rəsmiləri bildirirdilər ki, oyunlar bitəndən sonra hər şey əvvəlki qaydasına düşəcək. Ancaq Avropa Oyunlarının başa çatmasından bir ay keçməsinə baxmayaraq, vəziyyət hələ də dəyişməyib. Ümumiyyətlə, həmin xətlərin nə vaxt bərpa olunacağı barədə heç nə deyilmir. Nəzərə alsaq ki, dərslərin başlanmasına iki aydan da az vaxt qalıb, o üzdən məsələyə indidən aydınlıq gətirilməlidir. Çünki həmin marşrut xətləri bərpa olunmasa, paytaxt nəqliyyatında görünməmiş sıxlıq yaşanacaq.

Sözügedən məsələ ilə bağlı fikirlərini "Bakı-Xəbər"lə bölüşən "Təhlükəsiz Yol" Alyansının koordinatoru Şahin Camalovun sözlərinə görə, müvafiq qurumlar maksimum tez bir zamanda bu məsələyə aydınlıq gətirməlidir: "Hesab edirəm ki, nəqliyyat sisteminin optimallaşdırılması çərçivəsində həmin xətlərin bir qismi mütləq bərpa olunmalıdır. Hər halda, müvafiq qurumlar məsələni daha yaxşı bilir. Hansı marşrut xətləri bərpa olunmayacaqsa, bunun səbəbləri ictimaiyyətə izah olunmalıdır. Əvvəllər əsas gətirirdilər ki, bir sıra marşrut xətləri bir-birini təkrarladığı üçün fəaliyyəti dayandırılıb. Maraqlıdır, bəs indi nə baş verir?! Oyunlardan sonra faktiki olaraq bağlanan xətlərdən heç birinin fəaliyyəti bərpa olunmayıb. Halbuki, bir çox kateqoriyadan olan paytaxt sakinləri bundan əziyyət çəkir. Xüsusən də yaşlı və xəstə olan vətəndaşlar. Oyunların yüksək səviyyədə keçməsi fonunda, hesab edirəm ki, həmin xətlər bərpa olunmalı idi. Onsuz da əvvəlki illərlə müqayisədə bir-birini təkrarlayan mərşrut xətlərinin sayı xeyli azalıb. Əhalinin də tələbatını nəzərə almaq lazımdır.

Rayonlardan paytaxta işləməyə gələn on minlərlə vətəndaş var ki, hər gün səhər işə, axşam isə evə qayıdır. Başqa bir tərəfdən, dərs mövsümünün yaxınlamasını da nəzərə almaq lazımdır. Marşrut xətləri bərpa olunmasa, sentyabrda metro nəqliyyatında sıxlıq bir neçə dəfə artacaq. Bu da müəyyən fəsadların yaranmasına yol açacaq".

Vidadi ORDAHALLI

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...