Biruşaqlı ailələrdə boşanmaların artım səbəbi...

Tarix: 23.07.2015 / 02:32
Bölmə: Sosial

Könül Vaqifqızı: "Ailələrin dağılmasının səbəblərindən biri kişilərin davranışıdır"

"Təkuşaqlı ailələrin boşanmasının bir səbəbi də cütlüklərin evlənməzdən öncə ayrılacağını planlaşdırmasıdır"

Ölkəmizdə boşanma statistikası acınacaqlı vəziyyətdədir. Açıqlanan statistikaya görə, yanvar-may ayları ərzində 5300 boşanma faktı qeydə alınıb. Məlumatlara görə, Azərbaycanda 1 uşağı olan ailələrdə boşanma hallarının sayı son 24 ildə ən yüksək həddə çatıb.

Dövlət Statistika Komitəsinin yaydığı məlumata görə, bir uşağı olan ailələrdə ən çox boşanma halı 1990-cı ildə qeydə alınıb. Həmin il Azərbaycanda bir uşağı olan 2045 ailə boşanıb. Sonrakı illərdə bu göstərici azalmağa doğru dəyişsə də, 2011-ci ildən sonra bu say getdikcə artmağa başlayıb. Ötən il isə 1 uşağı olan ailələrdə olan boşanmaların sayı 1990-cı ildən də yüksək səviyyəyə çatıb. 2013-cü ildə Azərbaycanda bir uşağı olan 1921 ailə boşandığı halda, 2014-cü ildə bu rəqəm 2798-ə çatıb.

Ötən il həm də 18 yaşadək iki və daha çox uşağı olan ailələrdə boşanma halları artıb. 2013-cü ildə Azərbaycanda 1837, 2014-cü ildə isə 2450 belə ailədə boşanma qeydə alınıb.

Təkuşaqlı ailələrdə boşanma faktının artması barədə ekspertlərin fikrini öyrəndik.

Psixoloq Könül Vaqifqızı "Bakı-Xəbər"ə açıqlamasında qeyd etdi ki, tək uşağı olan ailələrdə boşanmaların artmasının səbəbi müxtəlifdir: "Bu səbəblərdən biri sosial şəbəkələrdir. Azərbaycanda sosial şəbəkələrdən bir çox hallarda məntiqli faydalanmağı bacarmırlar. Xüsusilə də "Odnoklasnik", "WhatsApp", "Facebook" və bu kimi şəbəkələr bir çox hallarda ailədaxili münaqişələrə səbəb olur. Tipik Azərbaycan ailələri üçün sosial şəbəkələr bir çox hallarda başağrısı olur. Çünki xanımlara və kişilərə sosial şəbəkədə verilən azadlıq da fərqli olur. Sosial şəbəkələrdən istifadə edən qadınlar və ya kişilər anlamalıdırlar ki, hər dostluq göstərənlə dostluq etmək, hər mesaj yazanla danışmaq məcburiyyətində deyillər. Bir çox hallarda sadə "salam, necəsiz xanım?" mesajına cavab verən azərbaycanlı xanım əri tərəfindən zorakılığa məruz qalır. Çünki o, yad insanla ünsiyyətdə olub və ailə dəyərlərini alçaldıb. Ümumiyyətlə, ailəli xanımlar, xüsusilə uşaqlı xanımların sosial şəbəkələrdən davamlı istifadə etməsi məntiqəuyğun deyil. Çünki ailə və uşağın qayğıları imkan verməz ki, gün ərzində sən sosial şəbəkələrdəki insanlara və ya tanımadığın insanlara vaxt sərf edərək onların da qayğısına qalasan".

Həmsöhbətimiz onu da əlavə etdi ki, boşanmaların artmasının bir səbəbi də iqtisadi-maliyyə problemləridir: "Həmçinin, anlaşılmazlıq, qısqanclıq, əmlak məsələləri, valideynlərin ailəyə müdaxiləsi, cinsi problemlər də xüsusi yer tutur. Bu günlərdə psixoloji yardım üçün müraciət edən xanım dedi ki, əri narkomandır və buna görə də boşanmaq istəyir. Onun dediyinə görə, bir uşağı var və ailəsini dağıtmaq istəmirdi. Buna görə də dəfələrlə ərini müalicə etdirərək narkotiklərdən ayırmaq istəyib. Fəqət, alınmayıb və ərinin ailəsi də ona zərrə qədər yardım etməyib, arxa durmayıb.

Ailələrin dağılmasının səbəblərindən biri də kişilərin davranışıdır. Bəzi kişilər ailə qurduqda ilk uşaqları olandan sonra onların ailəyə və xanıma qarşı münasibəti dəyişir. Daha doğrusu, ilk baxışdan normal ailə başçısı olan kişi kənarda "sevgi" arayır, məşuqə saxlayır, vaxtını onunla keçirməyə səy göstərir və bəzi hallarda isə arvadını boşayaraq yeni ailə qurmaq istəyir".

Həmsöhbətimiz onu da əlavə etdi ki, təkuşaqlı ailələrin boşanmasının bir səbəbi də cütlüklərin evlənməzdən öncə ayrılacağını planlaşdırmasıdır: "Yəni bəzi qızlar "bir uşağım olsun" istəyi ilə ailə qurur. Həmin qadınlar üçün ailə əsas deyil. Onlar üçün əsas önəmli məsələ ana olmaq istəyidir. Uşaqları olandan sonra qurulan izdivaca son qoyulur. Bu cür boşanmalar öncədən planlaşdırılır".

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...