"Yeni Bakı" Masazırı kütləvi ölüm mənbəyinə çevirdi

Tarix: 22.07.2015 / 03:17
Bölmə: Sosial

Masazır camaatı kanalizasiya sularını vedrələrlə "Yeni Bakı"nın ofisinə boşaltmağa hazırlaşır

Kənd kütləvi ölüm təhlükəsi ilə üzləşib

Telman Zeynalov: "Kanalizasiya xəttinin partlaması ekologiyaya ziyandır"

Adil Qeybulla: "Kanalizasiyanın ətrafa yayılması vəba kimi təhlükəli epidemiyanın yaranmasına səbəb ola bilər"

Masazır bələdiyyəsi - Maşallah Abışov: "Partlayan kanalizasiya xətti..."

Masazır qəsəbəsinin sakinləri etiraz aksiyası keçirməyə hazırlaşır. Bu barədə qəsəbə sakinləri redaksiyamıza müraciət edərək bildiriblər. Sakinlər qeyd edir ki, bir həftədir çətin günlər keçirirlər. Buna səbəb isə Yeni Bakının 500-lük kanalizasiya xəttinin 8 atmosfer təzyiq altında partlamasıdır. Kanalizasiya xəttinin partlaması nəticəsində bütün zir-zibil ətrafa yayılıb.

Həmin ərazidə 1-2 metr hündürlüyündə "fontan" əmələ gəlib. Ən təhlükəlisi isə odur ki, ərazidə su xətti də var. Artıq sakinlərdən azyaşlı bir qız uşağının infeksiyadan xəstələndiyi və ağır vəziyyətdə xəstəxanaya aparıldığı deyilir. Sakinlər bildirir ki, bir həftədir problem həllini gözləyir. Artıq səbri tükənən əhali isə artıq ciddi ölçü götürməyi, aksiya keçirməyi düşünür. Aksiya olaraq Novxanı yolunu bağlamağı düşünürlər, ciddi ölçü kimi isə həmin çirkab suyundan vedrələrə doldurub Yeni Bakının ofisinə boşaltmaq gündəmdədir. Məsələnin ciddiliyini nəzərə alıb, ilk olaraq Masazır bələdiyyəsinə müraciət etdik.

Bələdiyyənin sədr müavini Maşallah Abışov "Bakı-Xəbər"ə açıqlamasında problemi təsdiqləyərək qeyd etdi ki, partlayan kanalizasiya xətti Yeni Bakı yaşayış kompleksinin xəttidir: "Həmin xətt iyunun 19-dan etibarən bərpa olunub. Su idarəsinin nümayəndələri və müavin Ramiz müəllim də hazırda həmin ərazidədir. Yığılan su xüsusi nasoslarla çəkiləcək".

Ekoloji Proqnozlaşdırma Mərkəzinin rəhbəri Telman Zeynalov bildirdi ki, kanalizasiya xəttinin partlaması ekologiyaya ziyandır: "Kanalizasiya borusu zədələnən zaman ətrafa üfünət iyi yayılır.

Və əhali həmin qoxudan narahat olur. Eyni zamanda, bu cür xoşagəlməz hadisə həmin ərazidə olan yaşıllığa da zərər yetirir. Yəni ağacların tez bir zamanda quruyub məhv olmasına səbəb olur". Həmsöhbətimizin fikrincə, Bakının kanalizasiya problemi birdəfəlik həll olunmalıdır. 1950-ci illərdə tikilən xətlərin istifadə müddəti artıq başa çatıb. Digər tərəfdən, kanalizasiya xətləri maksimum 800-900 min mənzil üçün nəzərdə tutulub. İndi Bakı şəhərində mənzillərin sayı 2 milyona yaxındır. Kanalizasiya xətlərindən kənar axıdılan sular potensial qrunt sularıdır.

Tibbi ekspert, professor Adil Qeybulla bizimlə söhbətində qeyd etdi ki, kanalizasiya xətti daim nəzarət altında olmalıdır: "Əvvəla bu, infrastrukturun mühüm hissəsidir. Ən əsası onu qeyd edim ki, kanalizasiya xətti yaşayış ərasində partlayarsa, bunun fəsadı çox ağır olar. Kanalizasiyanın ətrafa yayılması vəba kimi təhlükəli epidemiyanın yaranmasına səbəb ola bilər. Eyni zamanda, bağırsıq çöpü və digər infeksion xəstəliklərin yaranmasına gətirər. Kanalizasiya suyunun içməli su ilə təmasına qətiyyən yol vermək olmaz. Müvafiq qurumlar elə etməlidir ki, hansı ərazidə kanalizasiya xətti partlayıbsa, həmin borudan axan zir-zibil içməli suya qarışmasın. Belə bir hal baş verərsə, həmin ərazidə karantin elan edilməlidir. Əhali təcrid olunmalıdır. Bu tədbirləri aidiyyəti qurumlar yerinə yetirməlidir".

Qeyd edək ki, yazı ilə bağlı Yeni Bakı Yaşayış Kompleksi ilə əlaqə saxlamağa cəhd göstərdik. Apardığımız araşdırma nəticəsində aydın oldu ki, Yeni Bakı Yaşayış Kompleksinin internet saytı yoxdur. Sakinlər bildirir ki, "Yeni Bakı"nın ofisinə getsələr də, oradakı işçi qızlar "camaata əlavə doza veririk" deyərək onları hətta ələ salıblar.

Sonda Maşallah Abışovun diqqətinə çatdırırıq ki, sözügedən xətt nəinki ayın 19-da təmir edilməyib, hətta dünən - iyulun 21-də bu yazını yazdığımız dəqiqələrdə də həmin çirkab "fontanı" öz işində idi.

Mövzunu davam etdirəcəyik.

Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...