Evlənənlərdən məcburi tibbi arayış - gənclərdə qorxulu xəstəliklər tapılıb

Tarix: 16.07.2015 / 02:28
Bölmə: Sosial

Rasif Bağırov: "Bu, gələcək nəslin sağlamlaşdırılması baxımından mühüm rol oynayır"

"Əhali arasında sözügedən məsələ ilə bağlı geniş maarifləndirmə işi aparılmalıdır"

Məlum olduğu kimi, ailə qurmaq istəyən gənclər Nazirlər Kabinetinin qərarı ilə iyunun 1-dən məcburi tibbi müayinədən keçirilir. Bu qaydaların qüvvəyə minməsindən artıq bir ay yarım vaxt ötür. Səhiyyə Nazirliyinin məlumatına əsasən, bir ay ərzində 1200-ə yaxın cütlük müayinədən keçib. Gün ərzində Bakıda 100-120, regionlarda isə 360 nəfər tibbi müayinəyə cəlb edilir.

Məlumata görə, bu ilin 5 ayı ərzində nikaha girən 8 min şəxsdə aparılan tibbi müayinələr zamanı 350 nəfərdə müxtəlif xəstəliklərin olması aşkarlanıb. Onların içərisində sifilis, hepatit, vərəm xəstəliyinə yoluxanlar aşkarlanıb. Ancaq maraqlıdır ki, evlənənlərin tibbi müayinəyə cəlb edilməsi məsələsi hələ də cəmiyyətdə birmənalı qarşılanmır. Bəziləri məcburi müayinələrin nikahdankənar evliliyə yol açacağını, xüsusilə xəstəliyi olan gənclərin evlənmək istəməyəcəyini iddia edirlər. Halbuki, bu çox vacib və zəruri bir tədbirdir. Ən azından, ziyanın yarısından qayıtmaq üçün bu olduqca mühüm əhəmiyyət kəsb edir.

Qeyd edək ki, nikaha daxil olmaq istəyənlərin məcburi tibbi müayinəsi ilə bağlı təklif hələ 2007-ci ilin payızında Milli Məclisdə müzakirəyə çıxarılıb. Ancaq o zaman Ailə, Qadın və Uşaq Problemləri üzrə Dövlət Komitəsinin müayinə təklifinə xüsusilə qadın deputatlar qarşı çıxırdılar. Zaman göstərir ki, bu o zaman rəsmiləşdirilsəydi, bir sıra xoşagəlməz fəsadların qarşısını almaq olardı.

Yeri gəlmişkən onu da qeyd edək ki, bu ilin yanvar-may ayları ərzində rəsmi orqanlar tərəfindən 32,6 min nikah və 5,3 min boşanma halları qeydə alınıb və əhalinin hər 1000 nəfərinə hesabı ilə ötən ilin müvafiq dövrü ilə müqayisədə nikahların sayı 7,9-dan 8,3-ə qədər artıb, boşanmaların sayı isə dəyişməyərək eyni səviyyədə (1,3) qalıb.

Sağlam nəslin formalaşdırılması baxımından nikahdan əvvəl məcburi tibbi müayinənin olması vacibdir.

Sözügedən məsələ ilə bağlı fikirlərini "Bakı-Xəbər"lə bölüşən tanınmış həkim Rasif Bağırovun sözlərinə görə, nikaha daxil olmaq istəyənlərin məcburi tibbi müayinəsi əhalinin sağlamlığının yaxşılaşdırılması istiqamətində mühüm addımdır: "Çünki iki adamın tibbi müayinəsi onlarda olan müəyyən xəstəliklərin aşkar olunması, gələcəkdə baş verə biləcək fəsadların qarşısının alınması baxımından əhəmiyyət kəsb edir. Yəni bu, gələcək nəslin sağlamlaşdırılması baxımından mühüm rol oynayır. Ona görə də yaxşı olardı ki, əhali buna son dərəcə diqqətlə yanaşsın. Ola bilsin ki, bu yeni olduğu üçün bir çoxları bunu birmənalı qarşılamır. Hesab edirəm ki, buna da təbii baxmaq lazımdır. Zamanla bütün bunlar qaydasına düşəcək. Çünki istənilən yenilik ilk vaxtlar fərqli qarşılanır. O baxımdan cəmiyyətdə bunun birmənalı qarşılanmayacağı gözlənilən idi. Hesab edirəm ki, təkcə qanunun qəbul olunması ilə iş bitmir. Əhali arasında sözügedən məsələ ilə bağlı geniş maarifləndirmə işi aparılmalıdır. Çünki məcburi tibbi müayinənin faydası daha çoxdur. Sağlam nəslin yetişdirilməsi baxımından bu vacibdir".

Vidadi ORDAHALLI

bey-gelin-nishan-uzuk

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...