Yol qəzalarında azyaşlı ölümü yenidən düşündürücü sosial bəlaya çevrilir

Tarix: 16.07.2015 / 02:07
Bölmə: Sosial

İlqar Hüseynli: "Uşaqları yol qəzalarından uzaq tutmaq üçün məsuliyyət valideynin üzərinə düşür"

"Yol hərəkətinin ən zəif və köməksiz iştirakçısı olduqları üçün sürücülər onlara xüsusilə diqqətlə yanaşmalıdır"

Yol qəzaları ilə bağlı növbəti statistika açıqlandı. Həmin statistikada ürək ağrıdan məqam daha çox azyaşlı uşaqların yol qəzalarının qurbanı olmasıdır. Cari ilin 6 ayı ərzində paytaxtda azyaşlılarla bağlı 37 yol-nəqliyyat hadisəsi baş verib. Nəticədə 31 uşaq dünyasını dəyişib, 31 uşaq isə müxtəlif dərəcəli bədən xəsarətləri alıb.

Daxili İşlər Nazirliyinin (DİN) Bakı Şəhər Baş Polis İdarəsinin İctimai qurumlarla əlaqələr bölməsinin rəisi, polis polkovniki Vaqif Əsədov mətbuata açıqlamasında deyib ki, azyaşlılarla bağlı baş vermiş 9 hadisədə 5 məktəbəqədər yaşlı uşaq həlak olub, 6 məktəbəqədər uşaq isə yaralanıb.

Ekspertlər azyaşlıların yol nəqliyyat hadisələri zamanı həlak olmaması ilə bağlı həyacan siqnalı verilməsini istəyir.

Sosial sahə üzrə ekspert İlqar Hüseynli bildirdi ki, uşaqlar yol hərəkətinin ən zəif və köməksiz iştirakçısı olduqları üçün sürücülər onlara xüsusilə diqqətlə yanaşmalıdır: "Uşaqların da yaşamaq, böyüyüb layiqli vətəndaş olmaq hüququ var. Lakin təəssüflər olsun ki, bəzən böyüklərin səhvi ucbatından il ərzində onlarla uşağın ömrü yarımçıq qalır".

Onun sözlərinə görə, uşaqları kəmərlə bağlamaq qəza zamanı xəsarət alma risqini azaldır: "Avropa ölkələrinin əksəriyyətində 1992-ci ildən etibarən 10 yaşa qədər uşaqların xüsusi oturacaqlarda daşınması məcburidir. Avtomobillərdəki təhlükəsizlik kəmərləri, hava yastıqları və digər qoruyucu vasitələr böyüklərə hesablanıb. Kiçik uşaqların bu kəmərlərdən istifadəsi qəza zamanı boğulmaya gətirib çıxara bilər. Kiçik uşağın bu kəmərdən sürüşüb çıxması da çətin deyil. Xüsusi oturacaqlar isə uşaqların anatomik və ortopedik göstəricilərinə uyğundur. Uşaqlar burada rahat və təhlükəsiz şəkildə otura və ya yata bilər. Bu oturacaqlar hərəkət zamana uşağı yedirtməyi də asanlaşdırır. Ən təhlükəli hallardan biri də uşağın qabaq oturacaqdakı sərnişinin qucağında əyləşməsidir.

Uşaq böyüdükcə şəhər yerində onun üçün həyati təhlükə də artır. Belə ki, dərsə tək gedən şagird artıq müstəqil yol hərəkəti iştirakçısına çevrilir. Məktəb yaşlı uşaqlarla bağlı ən böyük problem də elə onların müstəqil şəkildə dərsə gedib-qayıtması ilə bağlıdır. Təhlil etdiyimiz bütün ölkələrdə uşaqların böyük əksəriyyəti yolu keçərkən qəzaya düşüb. Velosipeddən istifadə edən uşaqların iştirak etdiyi qəzalar Avropada çox olsa da, bizdə bu nadir rast gəlinən hadisədir. Azərbaycanda əksəriyyət velosipedi yalnız uşaq oyuncağı hesab edir, amma onun ağır fəsadından məlumatsız olur".

Həmsöhbətimiz hesab edir ki, uşaqların nəqliyyat qəzalarından qorunmasında birinci olaraq məsuliyyət valideynin üzərinə düşür: "Valideyn hər bir hərəkəti ilə uşağa nümunə olmalıdır. Təhlükəsiz hərəkət qaydalarını uşağa izah edən valideyn özü qayda pozursa, bu izahatın faydası yoxdur. Başqa sözlə, dəvət edənin özü düzgün yolda olmalıdır".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...