Ekspert yol polisi ilə məmurun mübahisəsini hər iki tərəfin «hüquqi bilgisizliyi» kimi xarakterizə etdi

Tarix: 15.07.2015 / 02:23
Bölmə: Sosial

«Hadisənin təfərrüatını bilmədən Ramil Usubovu hədəfə almaq çaşqınlıq yaratmaq deməkdir»

Son günlərin bəzi media orqanları tərəfindən süni şişirdilən yol polisi ilə bir vergi məmurunun olayı üzərində DİN, Ramil Usubova qarşı bəzi qərəzli yanaşmalarla bağlı «Polisə Dəstək» İB-nin sədri, sabiq polis polkovniki Şəmsəddin Əliyevin fikirlərini öyrənməyi vacib bildik.

Sabiq polis əməkdaşı bildirdi ki, ötən həftənin son günlərində DİN-in Yol Patrul Xidmətinin əməkdaşı C.Qasımovun DİO-dan xaric olunması ətrafında bir-birinə zidd oxucu və jurnalist münasibətləri KİV-də özünə yer alıb. Məlumata görə, Müdafiə Nazirliyinin ali rütbəli zabitlərindən olan N.Sadıqovun oğlu - dövlət qulluğunun xüsusi növündə çalışan, olayda adı sürücü qismində keçən M.Sadıqovla mübahisəyə yol vermiş yol patrul xidmətinin əməkdaşı ciddi tənbeh edilərək vəzifəsindən azad edilib: «Fikrimcə, bütün bunlar YPX əməkdaşının və vergi orqanının məsul işçisinin dövlətin etibar etdiyi səlahiyyətlərdən düzgün istifadə edə bilməməsinin nəticəsidir.

Əvvəla, polis əməkdaşı onun qanuni tələbinə tabe olmayan şəxsin əməli barədə qanuni tədbir görməyi, qarşı tərəfin qıcıqlandırıcı hərəkətlərinə səbr nümayiş etdirməyi və təmkinini qoruyub saxlamağı bacarmalıdır. Öz hüquq və vəzifələrini səhih bilməyən polis əməkdaşı və yaxud vətəndaş-məmur ekstremal şəraitlərdə çıxış yolunu tapmaqda həmişə çətinlik çəkəcək. (Xatırlamaq yerinə düşərdi: Ötən il Leyla Yunus yüksək rütbəli polis zabitinin dövlətin simvolu olan papağını yerə atıb nümayişkaranə şəkildə tapdalamışdı. Polis məmuru təmkinini saxlayıb heç bir artıq hərəkətə yol verməmişdi. Qənaətimə görə, həmin olaya ictimai qınağın olmaması vətəndaş biganəliyinin təzahürü idi. Təəssüfləndim...).

Vergi orqanının səlahiyyətli şəxsi isə DİN əməkdaşının qanuni tələblərinə sözsüz tabe olmalı idi və mövcud hüquqpozma barədə DİN-in rəhbərliyinə müraciət edə bilərdi. Hər iki tərəfin hüquqi kasadlığı ucbatından sözügedən olayda hörmətsizlik halları yaşanıb, dövlət qulluğunun xüsusi növündə çalışan qulluqçuların etik davranış qaydalarında ehtiva edilən etik və mədəni davranışlara riayət olunmayıb.

Hər şey də məhz əxlaq, tərbiyə və mədəniyyətdən, onun səviyyəsindən asılı olaraq başlayır.

Rəvayət edilir ki, Buxara şəhərində bir pasiyent müayinə üçün həkimin yanına gedir. Həkim pasiyentə uzanmağı buyurur. Xəstə isə həkimin işarə etdiyi səmtə yox- «Olarmı bu tərəfə uzanım?» - soruşur.

Həkim: Fərqi yoxdur, təki «təslim ol»- deyir.

Müayinədən sonra həkim:

- Niyə mən göstərdiyim tərəfə uzanmaq istəmədin? Fərq nədəydi? - deyə soruşur.

- Həkim, göstərdiyin tərəfə uzanmadım ona görə ki, müəllimimin evi o səmtdə idi. Mən ona hörmətsizlik edə bilməzdim...

İnsanın ağlı və təfəkkürü onun mədəniyyəti, əxlaqı və tərbiyəsi ilə tamamlanır. Alimin də əxlaqı yoxsa, onun elminə ehtiyac duyulmaz. Ramazan ayı olduğuna görə bunları söylədim.

Polis öz xidmətində qanunların tələbi çərçivəsində davranmalı, vətəndaşlara qarşı nəzakətli olmalıdır. Vətəndaş - məmur da dövlətin simvolları ilə bəzədilmiş geyimin sahibinə, ictimai qaydaların qorunmasının keşiyində dayanan səlahiyyətli şəxsin tələbinə tabe olmağını özünə sığışdırmalıdır. Tutulan mövqedən asılı olmayaraq, hər kəs qanunun və hüququn aliliyi qarşısında boyun əyməlidir. Sözügedən olaya gəldikdə, bununla bağlı ən müxtəlif rəylər səslənir, çox zaman da məsələyə birtərəfli yanaşılır.

Hələ bu azmış kimi, «nazir öz işçisini müdafiə edə bilmədi» kimi yazılar peyda olur və olayla bağlı qeyri-dəqiq məlumatlar, şərhlər dərc edilir. Bu da əxlaq göstəriciləridir. Hadisənin təfərrüatını bilmədən nə isə yazmaq, münasibət bildirmək, üstəlik, nazirə də xitab etmək ictimai rəyi başqa səmtə yönəltmək, çaşqınlıq yaratmaqdır. Cəmiyyətdə baş verən hər cür deviant davranışlar cəmiyyətin məhsulu kimi əxlaqın və tərbiyənin səviyyəsindən asılı olaraq yaranır.

Mən, QHT rəhbəri kimi, hər zaman polis əməkdaşlarının hüquqlarının müdafiəsini təmin etmək üçün hazıram. Təki müraciət etsinlər. Kiçik insidentlərin üfürülərək ajiotaj yaratmağın da tərəfdarı deyiləm. Bu gün polisin cinayətkarlıqla mübarizədəki peşəkarlığı, insan hüquq və azadlıqlarına hörmət ruhunda davranması 20 il öncə olan vəziyyətdən çox fərqlidir. Bunun canlı təzahürü kimi artıq başa çatmış Avropa Oyunlarının insidentsiz ötüşməsini göstərmək yetər. Oyunların keçdiyi müddət ərzində hər şey nəzarətdə olmaqla, müraciətlərə çevik yanaşma nəticəsində peşəkar və ayıq-sayıq asayış keşikçilərinin xidməti səmərə verdi.

Bu barədə uzun-uzadı fikir söyləmək istəmirəm. Çünki ölkə Prezidenti İlham Əliyev bu barədə öz sözünü deyib və məmur övladlarının hədlərini aşmasına ciddi reaksiya verilir. Sadəcə səbr etmək ədəbdən irəli gəldiyinə görə, hamı iradə nümayiş etdirə bilmir. Bilmək lazımdır ki, heç nə unudulmur və heç kim yaddan çıxmır. Səbr edək, hissə qapılmayaq...».

Xəbər xidməti

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...