Tənha qadınlara "sovetlərin" yardım ənənəsi bərpa oluna bilər

Tarix: 08.07.2015 / 02:32
Bölmə: Sosial

Mehriban Zeynalova: "Tənha qadınlara dövlət tərəfindən maliyyə yardımı ayrılmalıdır"

"Real vəziyyət tam araşdırıldıqdan sonra qadınların sosial müdafiəsini təşkil edən ayrıca qanun qəbul olunmalıdır"

Qadınlar haqqında çox yazılıb, çox danışılıb. Bəşəriyyət yarandığı gündən qadın mövzusu dünyanın ən böyük əql sahiblərini, görkəmli dövlət və din xadimlərini həmişə düşündürüb. Ancaq bu günə qədər deyilənlər bu böyük varlığın müəmmalı, sirli dünyasını açmağa tam imkan verməyib. Deyirlər qadın əslində həyatın özüdür.
Çünki həyatın içində olan hər şey ancaq qadınlar olduğunda bir anlam qazanır. Lakin bəzən elə həyatın özü ona anlam qatan qadınları tənhalığa məhkum edir.
Tənha qadın - bu sözü tez-tez eşidirik. Şairlərin, yazarların qəhrəmanları, ən həzin musiqilərin həsr obyekti... Bütün bunlarla həmahəng bir çox faciələrin qurbanı olan tənha qadınlar... Müxtəlif həyat səhnələri göz önündə canlanır. İntiharlar, uçurumlar, məhv olmuş həyatlar, çarəsizlər, yorulmuşlar və yenə də bir ifadə səslənir dillərdə - tənha qadınlar.
Tənha qadınların sosial durumunun normal olması üçün onlara dövlət tərəfindən yardım olunması təklif olunur. Elə tənha qadın var ki, işləmir, heç yerdən qazanc yeri yoxdur, amma bir şəkildə övladını saxlamalıdır. Ekspertlər təklif edir ki, bu tip qadınlara dəstək olmaq üçün xüsusi qanun layihəsi hazırlansın.
"Təmiz Dünya" İctimai Birliyinin sədri Mehriban Zeynalova qəzetimizə açıqlamasında qeyd etdi ki, "Uşaq hüquqları haqqında" Azərbaycan Respublikasının Qanununun 13-cü maddəsinə əsasən, uşağın Azərbaycan Respublikasının qanunvericiliyi ilə müəyyən edilən minimum dolanacaq xərclərindən az olmayan maddi təminat almaq hüququ var: "2014-cü ilin yanvarın 1-dən qüvvəyə minən "Azərbaycan Respublikasında 2014-cü il üçün yaşayış minimumu haqqında" Azərbaycan Respublikasının Qanununa əsasən, 2014-cü il üçün yaşayış minimumu uşaqlar üçün 103 manat məbləğində müəyyən edildi. Azərbaycan Respublikasının Konstitusiyasının 17-ci maddəsinin VI bəndinə əsasən, uşaq hüquqlarının həyata keçirilməsinə dövlət nəzarət edir. "Uşaq hüquqları haqqında" Azərbaycan Respublikasının Qanununun 4-cü maddəsinə əsasən, Azərbaycan Respublikasında uşaq hüquqlarının müdafiəsini müvafiq icra hakimiyyəti, məhkəmə və prokurorluq orqanları, bələdiyyələr, habelə ictimai birliklər, həmkarlar ittifaqı təşkilatları təmin etməlidir. Bu orqanlar, birliklər və təşkilatlar fəaliyyətində uşaq hüquqlarının üstün mühafizəsi prinsipini əsas tutmalıdır. Həmin Qanunun 5-ci maddəsinə əsasən, dövlət orqanları, bütün fiziki və hüquqi şəxslər öz fəaliyyətində uşaqların mənafelərini üstün tutmalı, onların hüquqlarının təmin olunmasına şərait yaratmalıdır. Azərbaycan Respublikasının normativ-hüquqi aktları və müvafiq orqanların qərarları uşaq mənafelərinə zidd olmamalı və onların icrası uşaqların həyatına, inkişafına və tərbiyəsinə zərər gətirməməlidir. Uşağın hüquq və mənafelərini məhdudlaşdıran hər hansı əqd etibarsızdır. Azərbaycan Respublikası Ailə Məcəlləsinin 112.1-ci maddəsinə əsasən, məhkəmə tərəfindən alimentin miqdarı müəyyən olunduqdan sonra tərəflərdən birinin ailə və ya maddi vəziyyətində dəyişiklik olubsa, məhkəmə tərəflərdən istənilən birinin tələbi ilə alimentin müəyyən olunan miqdarını dəyişə bilər. Lakin dul qadınlar və ya ailə başçısı olmayan qadınlar üçün ümumi sosial yardım proqramları cinslərə görə yox, ümumi əhali üçün nəzərdə tutulub. Həssas vəziyyətdə olan qadınlar üçün xüsusi sosial proqramlar mövcud deyil".
M.Zeynalovanın fikrincə, tənha qadınlara dövlət tərəfindən yardım ayrılmazdan öncə beynəlxalq təcrübə öyrənilməlidir: "Həssas qruplara aid olan qadınların ehtiyacları qiymətləndirilməli və bu sahədə ciddi araşdırma aparılmalıdır. Real vəziyyət tam araşdırıldıqdan sonra qadınların sosial müdafiəsini təşkil edən ayrıca qanun qəbul olunmalıdır". Həmsöhbətimiz hesab edir ki, bu qanun dul qadınlar, zorakılıq qurbanı olan qadınlara şamil olunmalıdır: "Tənha qadınlara dövlət tərəfindən maliyyə yardımı ayrılmalıdır. Həmin maliyyə yardımı sayəsində qadın övladını saxlaya bilər".
Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...