Turizm və Menecment Universitetinin 212 məzunu bakalavr diplomu alacaq

Tarix: 04.07.2015 / 02:15
Bölmə: Sosial

Cəfər Cəfərov: "Avropa Oyunlarının yekunlarına əsasən demək olar ki, Azərbaycan bu sahədə dünyaya yeni standartlar təqdim etdi"

2014-cü ilin dekabrında ölkə Prezidentinin sərəncamı ilə yeni status alan Turizm və Menecment Universiteti növbəti məzun buraxılışı mərasiminə hazırlaşır. Bu barədə universitetin rektoru, professor Cəfər Cəfərov Mədəniyyət və Turizm Nazirliyinin saytına verdiyi müsahibədə bildirib.

Rektor dərs ilinin yekunları, əldə olunan nailiyyətlər və tədrisdəki yenilikləri, o cümlədən də Bakıda keçirilən İlk Avropa Oyunlarının ölkəmiz üçün əhəmiyyəti, turizm sektoruna təsiri ilə bağlı mülahizələrini bölüşüb.

Sayt əməkdaşı ilə söhbətində C.Cəfərov "Bakı 2015" Birinci Avropa Oyunlarının uğurla başa çatması haqda fikirlərini bildirib: "Əvvəlcə onu qeyd edim ki, belə genişmiqyaslı bir tədbiri iki il yarım ərzində təşkil etmək çox məsuliyyətli iş idi. Azərbaycan bu məsuliyyətin öhdəsindən gələ bildi. Avropa Oyunlarının yekunlarına əsasən demək olar ki, Azərbaycan bu sahədə dünyaya yeni standartlar təqdim etdi. Eyni zamanda, bu tədbirin keçirilməsinin müsbət tərəfi ondan ibarət oldu ki, dünya bir daha Azərbaycanı tanıdı, özü üçün kəşf etdi. Digər tərəfdən, çox gözəl və müasir tələblərə cavab verən infrastruktur yaradıldı. Avropa Oyunlarının keçirildiyi arenalar bundan sonra yeni beynəlxalq yarışları qəbul edəcək. Bundan sonra böyük beynəlxalq tədbirlərə ev sahibliyi etmək imkanımız var. Təbii ki, bununla da ölkəmizdə konqres turizminin, işgüzar turizmin inkişafına əlavə zəmin yaranmış olur.

Bununla yanaşı, Avropa Oyunlarına könüllü olaraq qatılan minlərlə azərbaycanlı gənc bu cür dünya səviyyəli tədbirdə özü üçün gözəl təcrübə qazandı. Təkcə bizim universitetdən 700-ə yaxın tələbə könüllü olaraq bu tədbirə cəlb edilmişdi. Eləcə də digər təhsil müəssisələrindən çoxlu tələbə bu tədbirdə iştirak etdi. Azərbaycan öz mədəniyyətini, qonaqpərvərliyini Avropaya, dünyaya bir daha nümayiş etdirdi və bu cür yüksək səviyyəli tədbirləri keçirməyə qadir olduğunu göstərdi. Fikrimcə, bu uğurlu bir tarixi hadisədir. Azərbaycan Avropanın bir parçası olduğunu bir daha sübuta yetirmiş oldu".

Avropa Oyunları Azərbaycanda turizmin inkişafına böyük töhfə verdiyini qeyd edən C.Cəfərov bildirib ki, oyunlarla bağlı ölkəmizə minlərlə xarici ölkə vətəndaşı gəlib və bunların arasında idmançılar, onların məşqçiləri, digər qonaqlarla yanaşı, məxsusi olaraq yarışları izləmək məqsədilə gələn turistlər də olub: "Onlar Bakını tanıdılar, Azərbaycanın mədəniyyəti, mətbəxi haqqında təsəvvürə malik oldular. Oyunlar bir neçə gündür başa çatıb, amma bir çox qonaqlar var ki, bölgələrimizdə səfərdədir. Biri var hansısa bir ölkə haqqında reklam çarxlarından, nəşrlərindən məlumat alasan, biri də var öz gözlərinlə görəsən. Hesab edirəm ki, turizmə töhfəsi baxımından bu tədbirin əhəmiyyətini biz bir neçə il sonra daha yaxşı hiss edəcəyik".

Qeyd edək ki, keçən ilin sonunda Azərbaycan Turizm İnstitutunun bazasında yaradılan Turizm və Menecment Universitetinin bir neçə gündən sonra universitet olaraq ilk məzun buraxılışı olacaq. C.Cəfərov ali məktəbin institut statusunda olduğu vaxtlarla indiki vaxtı arasında heç bir fərq olmadığını deyib: "Hər ikisi bakalavr diplomudur. Azərbaycan Turizm İnstitutu universitetə çevriləndən sonra tələbələrin hazırlıq səviyyəsində, onların bir mütəxəssis kimi yetişməsində nə isə dəyişib demək doğru olmazdı. Təhsil həmin təhsildir. Sadəcə, diplom universitet adından veriləcək. Bunun da üstünlüyü odur ki, artıq məzunlarımız nəinki bir turizm mütəxəssisi kimi, həm də menecer kimi bu sektora təqdim olunur. Məzunlar üçün də yəqin bir mənəvi üstünlük də var ki, onlar artıq universitet məzunlarıdır. Amma hüquqi baxımdan diplomlar arasında xüsusi bir fərq yoxdur".

Saytın rektora verdiyi "Azərbaycan Turizm İnstitutu yeni yarandıqda 2008-2016-cı illəri əhatə edən 10 illik inkişaf strategiyası qəbul etmişdiniz. Artıq gələn il bu müddət sona çatır. Bu sənəddə nəzərdə tutulanları həyata keçirə bildinizmi" - sualına C.Cəfərovun cavabı belə olub: "Turizm İnstitutu olaraq Azərbaycanda bir çox ilklərə imza atmışdıq. Bunlardan biri də ölkədə özünün strateji planını hazırlayan ilk ali məktəb olmağımızdır. Bu strategiya hazırlananda bizdə cəmi 5 bakalavr ixtisası, bir fakültə, təxminən 4-5 kafedra var idi. Sənəddə qeyd olunan məsələlərin böyük əksəriyyətinə nail olmuşuq. Burada inkişafla bağlı nəzərdə tutulan bəndlərdən biri də Turizm İnstitutunun inkişaf edərək xidmət sahəsində aparıcı bir universitetə çevrilməsi idi. Həmin bənd də ötən ilin dekabrında ölkə Prezidentinin təşəbbüsü sayəsində ATMU-nun yaranması ilə reallaşdı. Strategiyada qeyd olunan məsələlərdən təhsilin bütün pillələrinin əhatə olunması, təlimlər, tədqiqatlar, beynəlxalq əlaqələrin genişləndirilməsi, Ümumdünya Turizm Təşkilatı ilə əməkdaşlıq, ikili diplom, istehsalat təcrübəsinin sənaye ilə birlikdə tətbiqi, karyera mərkəzinin qurulması, elmi-tədqiqat jurnalının nəşri və s. artıq həyata keçib. Bizim orada qeyd etdiyimiz və bu günə qədər reallaşdırmadığımız bir məsələ qalıb ki, bu da Turizm və Menecment Universitetinin akademik şəhərciyinin yaradılmasıdır. Bu məsələ də ölkə başçısının ATMU-nun yaradılması barədə sərəncamında öz əksini tapıb. Etiraf edim ki, bu bizim ən böyük arzumuzdur. Çünki dünyada tanınmaq istəyən ali məktəb özünün tədris-istehsalat sahəsi kimi şəhərciyi olan bir müəssisə olmalıdır. Ali məktəbin tələbə kampusu, laboratoriyaları, təlim bazası olmadan bu işi müasir dövrün beynəlxalq standartlarına uyğun aparması çox çətindir. Əminliklə demək istəyirəm ki, 2016-cı ildə bizim strategiyanın vaxtı bitəndə akademik şəhərciklə bağlı bir qərar da ortada olacaq. Gələcəkdə ATMU Azərbaycan təhsil məkanında elə bir universitet olacaq ki, Avropa və inkişaf etmiş dünya ölkələrinin universitetləri kimi, həm maddi-texniki baza, həm akademik şəhərcik, həm də işin təşkili baxımından bütün tələblərə cavab verəcək. O zaman universitetimiz nəinki Azərbaycanın, regionun, Mərkəzi Asiyanın, Orta Şərqin ayrı-ayrı ölkələrindən tələbələrin gəlib oxuya biləcəyi bir ali məktəbə çevriləcək. ATMU-nun ilk elmi şurasının qərarlarından biri də universitetin "Azərbaycan 2020" inkişaf konsepsiyasını hazırlamaqdır. Biz mövcud sənədin əsasında yeni sənədi hazırlayırıq".

Rektor həmçinin qeyd edib ki, bu təhsil müəssisəsi universitet olana qədər cəmi məzunlarının sayı 1071 nəfər olub və bunlardan 1031 nəfəri bakalavr, 40 nəfəri isə magistr olub: "Bu yay buraxılış imtahanları nəticəsində universitetimizi 212 nəfər bakalavr, 30 nəfər magistr dərəcəsində bitirir ki, bununla da ümumi məzunlarımızın sayı 1314 nəfər oldu. Onlardan 71 nəfəri magistr, 1243 nəfəri bakalavrdır. Həm bu, həm də ötən dövlət imtahanlarında uğur qazana bilməyən tələbələrimiz də var ki, onların hələ diplom almaq şansları qalır. Bu ilin dekabrında və ya gələn il iyunda təkrar dövlət imtahanı verib bu tələbələr də məzun ola bilər. Bu il ATMU-nun nəzdində fəaliyyət göstərən Bakı Turizm Peşə Məktəbinin də məzunları oldu. Onların sayı 300-ə yaxındır".

Rektor rəhbərlik etdiyi universitetlə Avstriyanın Krems Universiteti ilə ikili diplom proqramı haqda da fikirlərini bildirib. O deyib ki, ikili diplom proqramında təhsil alan tələbələrin imtahanları 7-8 iyul tarixlərində keçiriləcək: "Bu imtahanlar beynəlxalq imtahan komissiyasının iştirakı ilə baş tutur. Onların dəqiq sayı iyulun 8-də məlum olacaq. İmtahana 20-dən çox bakalavr girəcək. Müvəffəqiyyət qazananlar iyulun 8-də keçirilən məzun törənimizdə diplomlarını alacaq".

İradə SARIYEVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...