Ayın 10-dan sonra Bakıda avtomobil məhdudiyyəti üçün bir neçə variantdan biri seçiləcək

Tarix: 04.07.2015 / 02:32
Bölmə: Sosial

Musa Quliyev: "Nəqliyyat sıxlığından xilas olmaq üçün Bakı şəhərində sürüşkən rejimli iş və dərs qrafiki tətbiq edilməlidir"

İlqar Hüseynli: "Nəqliyyat sıxlığının yaşanmaması üçün insanları narahat etməyən qərarlar qəbul olunmalıdır"

"Bakı-2015" İlk Avropa Oyunları keçirilən vaxt rayondan gələn avtomobillərin paytaxta girişinə qadağa qoyulmuşdu. Rayon qeydiyyatı olan avtomobillər paytaxtın girəcəyində park olunaraq sərnişinlər xüsusi maşınlarla paytaxtda istədiyi ünvana sərbəst şəkildə gedirdilər. Artıq Avropa Oyunları bitib və rayon qeydiyyatı olan maşınların paytaxta buraxılıb-buraxılmayacağı məsələsi müzakirə olunur.

İyulun 2-də Nazirlər Kabinetinin Yol Hərəkətinin Təhlükəsizliyi Komissiyasının sədri Abid Şərifov məsələyə aydınlıq gətirib. O bildirib ki, rayonlardan gələn bütün növ avtomobillər Bakıya saat 24:00-dan səhər saat 7:00-a qədər buraxılacaq: "Rayonlardan Bakıya gələn ictimai nəqliyyatın şəhərə daxil olması ilə bağlı isə heç bir məhdudiyyət yoxdur. "Bakı-2015" İlk Avropa Oyunlarında iştirak edən idmançıların, eləcə də tədbirə gələn xarici qonaqların hələ də paytaxtda olmaları ilə əlaqədar Bakı Avropa Oyunları Əməliyyat Komitəsinin müraciətinə əsasən, Oyunlar ərəfəsində yol hərəkətinə tətbiq edilmiş müəyyən məhdudiyyətlərin vaxtı 10 gün müddətinə uzadılıb. Oyunlar zamanı paytaxtda nəqliyyatın hərəkətinin təşkilindən, eləcə də nəqliyyat sıxlığının aradan qaldırılması nəticəsində yollardakı rahat və fasiləsiz hərəkətdən, habelə bunların şəhərin ekoloji durumuna da müsbət təsirindən məmnun qalan şəhər sakinlərinin çoxsaylı müraciəti əsasında Nazirlər Kabinetinin Yol Hərəkətinin Təhlükəsizliyi Komissiyası tərəfindən paytaxtda nəqliyyat problemlərinin həlli üzrə müvafiq Tədbirlər Planının hazırlanması üçün Komissiya üzvlərinin iştirakı ilə iclaslar keçirilir, müzakirələr aparılır".

A.Şərifov bildirib ki, 10 gün sonra Tədbirlər Planı qəbul ediləcək və bu sahədə digər məsələlər də tənzimlənəcək.

Nəqliyyat Nazirliyi "Azəryolservis" ASC Nazirlər Kabinetinin Yol Hərəkətinin Təhlükəsizliyi Komissiyasının üzərində işlədiyi Tədbirlər Planı ilə bağlı təkliflə çıxış edib.

Nəqliyyat Nazirliyi "Azəryolsevis" ASC-nin mətbuat xidmətinin rəhbəri Anar Nəcəfli bildirib ki, "Azəryolservis" ASC Yol Hərəkətinin Təhlükəsizliyi Komissiyasına Bakıya yük avtomobillərinin yalnız saat 24:00-dan 7:00-a qədər buraxılmasını təklif edib.

Eyni zamanda, saat 24:00-dan 7:00-a qədər Bakıya daxil olan yük maşınlarının saat 7:00-dan sonra şəhərdə hərəkətinə icazə verilməməsi də təklifdə əksini tapıb: "Yəni saat 24:00-dan 7:00-a qədər yük maşınları şəhərdə hərəkət edə bilər, ancaq 7:00-dan sonra bu yük maşınlarının şəhərdə hərəkət etməməsi barədə şərt gözlənilməlidir. Səhər saat 7:00-dan gecə saat 24:00-a qədər yük maşınları olduğu yerdə qalmalıdır".

A.Nəcəfli onu da qeyd edib ki, indiyə qədər yük maşınlarının Bakıya daxil olması ilə bağlı müəyyən məhdudiyyətlər qoyulsa da, günorta saatlarında şəhərin müxtəlif hissələrində yük maşınları hərəkət edib: ""Azəryolservis" ASC bu təklifi irəli sürməklə bu sahədə tənzimlənməyə nail olmaq istəyir. Bu təkliflə bağlı son qərarı Nazirlər Kabinetinin Yol Hərəkətinin Təhlükəsizliyi Komissiyası verəcək".

İrəli sürülən təkliflərdən biri də dünya praktikasında olduğu kimi, dövlət qeydiyyat nömrəsindəki tək və cüt rəqəmlərə görə avtomobillərin hərəkətinin tənzimlənməsi də var. Belə ki, həftənin cüt günləri dövlət qeydiyyat nömrəsi tək rəqəmlə bitən avtomobillərin, tək günlərdə isə cüt rəqəmlə bitən avtomobillərin şəhərin mərkəzində hərəkətinə icazə veriləcək.

Maraqlıdır, ekspertlər irəli sürülən təkliflər barədə nə düşünür? Rayon qeydiyyatı olan avtomobillər paytaxt ərazisinə necə daxil olmalıdır?

Milli Məclisin Sosial siyasət komitəsinin sədr müavini, millət vəkili Musa Quliyev bildirdi ki, rayon qeydiyyatında olan avtomobillərin qeyd edilən vaxt çərçivəsində Bakıya girişi normal qəbul oluna bilməz: "Bu qadağa tıxac problemini aradan qaldıracaqsa, onda rayon maşınlarını Bakıya ümumiyyətlə buraxmayaq və şəhərin girəcəyində böyük dayanacaqlar yaradaq. Bakıya gələn rayon maşınları orada saxlansın, həmin ərazidə sakinlərin şəhərə gətirilməsi üçün ictimai nəqliyyat daim işləsin. Çünki yalnız gecə gəlmələri yol-nəqliyyat hadisələrinin sayını artıra bilər. Səhər saat 07:00-dək Bakıya daxil olan şəxs gərək bütün gecəni avtomobil idarə etsin. Bu da qəzaların sayını artırar və insan sağlamlığına mənfi təsir göstərə bilər. Bütün variantlar müzakirə olunmalıdır. Nəqliyyat sıxlığından xilas olmaq üçün Bakı şəhərində sürüşkən rejimli iş və dərs qrafikini tətbiq etməyə çox ciddi ehtiyac var. Bu məqsədlə müəssisələrdə və iş yerlərində müxtəlif saatlar tətbiq oluna bilər. Avropada iş səhər saat 06:00-07:00-da başlayır. Vacibdirmi bizdə bütün dövlət idarələrində işlər saat 09:00-da başlasın, 18:00-da bitsin? Bir az əvvələ çəkilə bilər. O cümlədən dərs saatlarını elə etmək olar. Bununla da sıxlığın qarşısını almaq olar. Avtomobillərin tək və cüt nömrələrinə görə şəhərə buraxılması variantından da istifadə etmək olar. Müxtəlif variantlar var və düşünürəm ki, bunlar kompleks şəkildə tətbiq olunmalıdır. Tək rayon avtomobillərinə qadağa qoyulsa, onlar da başqa əyri yollardan istifadə edəcək və rayonda olanlar Bakı şəhərində qeydiyyata düşüb burada nömrə alacaq. O zaman necə olacaq? Ona görə bunların hər biri müzakirə olunmalıdır".

Sosial sahə üzrə ekspert İlqar Hüseynli bizimlə söhbətində qeyd etdi ki, xarici ölkələrdə tək nömrə ilə maşınlar həftənin bir günü, cüt rəqəmli maşınlar isə başqa gün paytaxta buraxılır: "Bu qaydanın yalnız yük maşınlarına tətbiq olunmasının tərəfdarıyam. Avropa Oyunları dönəmində tətbiq olunan qadağalar nəticəsində yollarda yaranan nəqliyyat sıxlığının qarşısı yüksək səviyyədə alındı. Yəni tətbiq olunan qadağa sayəsində nəqliyyatın sıxlığı müşahidə olunmadı".

İ.Hüseynlinin sözlərinə görə, rayon maşınlarının sahibləri paytaxta ancaq gəzməyə gəlmir, iş dalınca gəlir və ya xəstə gətirirlər: "Bu insanlara konkret olaraq şəhərə daxil olmaq qadağasının tətbiq olunması insan hüquqlarının pozulmasına gətirib çıxarır. Nəqliyyat sıxlığının yaşanmaması üçün insanları narahat etməyən qərarlar qəbul olunmalıdır".

Günel CƏLİLOVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...