BMM-də məişət zorakılığı və erkən nikahlar müzakirə olundu

Tarix: 03.07.2015 / 03:00
Bölmə: Sosial

Dünən Beynəlxalq Mətbuat Mərkəzində (BMM) Qadın Konsensus Mərkəzi "Məişət zorakılığı və erkən nikahlar" mövzusunda tədbir keçirdi. Mərkəz rəhbəri Aynur Camalqızı bildirdi ki, layihə Azərbaycan Respublikasının Prezidenti yanında QHT-lərə Dövlət Dəstəyi Şurası tərəfindən maliyyələşdirilir.
Mərkəz rəhbərinin sözlərinə görə, bu sahədə möhkəm qanunvericilik bazasının olmasına, kütləvi maarifləndirmə tədbirlərinin keçirilməsinə baxmayaraq, hələ də Azərbaycan cəmiyyətində məişət zorakılığı və erkən nikahlarla bağlı ciddi problemlər mövcuddur. Onun bildirdiyinə görə, Azərbaycan qanunvericiliyində qızlar 17, oğlanlar isə 18 yaşında nikaha daxil ola bilər, amma bölgələrdə, xüsusən də cənub zonasında qızların məcburi şəkildə erkən ərə verilməsi halları var. Mərkəz rəhbəri xüsusi vurğuladı ki, həyata keçirdikləri layihənin məqsədi bu kimi problemlərin aradan qaldırılmasına dəstək göstərmək və bu sahədə geniş maarifləndirmə işləri aparmaqdır.
Millət vəkili Aydın Mirzəzadə isə çıxışında bildirdi ki, bu, Azərbaycan üçün böyük bəla deyil, ancaq bir ailə belə bu problemə düçar olubsa, bu artıq problemdir. Onun sözlərinə görə, Azərbaycan cəmiyyəti üçün ailə institutu müqəddəsdir və ailə qorunmalıdır. Millət vəkili hesab edir ki, ailədə hər iki valideyn uşağın tərbiyəsinə, sağlam böyüməsinə, təhsil almasına və s. məsuliyyət daşıyır. O, qeyd etdi ki, son 20 ildə ölkədə yeni uşaq bağçaları tikilmirdi, bağçaların çoxu təmirsiz idi. Axır iki ildir bu sahədə böyük irəliləyiş var, uşaq bağçaları inşa edilir, təmir olunur. Özəl uşaq bağçaları vergidən azad edilib: "Azərbaycanda mükəmməl qanunvericilik bazası yaradılıb, bu sahədə heç bir boşluq yoxdur".
Azərbaycan Respublikasının Ailə, Qadın və Uşaq Problemləri üzrə Dövlət Komitəsinin şöbə müdiri Taliyə İbrahimli çıxışında qeyd etdi ki, 2010-cu ildə "Məişət zorakılığının qarşısının alınması haqqında" Azərbaycan Respublikasının Qanunu qəbul edilib. Şöbə müdirinin sözlərinə görə, Dövlət Komitəsi öz fəaliyyətində bir neçə mühüm prioritet məsələni əsas götürür ki, bu da cəmiyyətin inkişafında xüsusi əhəmiyyətə malikdir. Dövlət siyasətinin tərkib hissəsi olan ailə, qadın və uşaq məsələləri aktuallığı və dinamikliyi ilə seçilir. O, qeyd etdi ki, Komitənin fəaliyyət istiqamətlərindən biri məişət zorakılığı problemlərinin araşdırılması və onun qarşısının alınmasıdır. T.İbrahimli vurğuladı ki, Komitə məişət zorakılığının aradan qaldırılması üçün müntəzəm olaraq görüşlər, müzakirələr, tədbirlər keçirir: "Məişət zorakılığının qarşısının alınması haqqında" Qanunun qəbul olunmasında bizim komitənin də rolu olub. Biz 2006-cı ildən 2010-cu ilə qədər qanun layihəsinin üzərində işləmişik. Nəhayət, 2010-cu ildə qanun qəbul olundu".
İradə SARIYEVA

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...