Buraxılış siniflərini təmayülləşdirmək layihəsinə baxışlar ziddiyyətli oldu

Tarix: 03.07.2015 / 01:48
Bölmə: Sosial

Əjdər Ağayev: "Bu məktəblərdə təmayül yalnız 10-11-ci siniflərdə yox, əvvəldən təşkil olunurdu"

Məhərrəm Zülfüqarlı: "Bu həm də şagirdlərin vaxt itkisinin qarşısının alınmasına hesablanmış bir addımdır"

Məlum olduğu kimi, Azərbaycan Respublikası təhsil nazirinin 2015-ci il 8 iyun tarixli əmri ilə 2015-2016-cı dərs ilindən 10-11 siniflərdə tədrisin təmayüllər üzrə təşkil olunacağı təhsil müəssisələrinin siyahısına Bakı, Gəncə, Sumqayıt, Mingəçevir və Şirvan şəhərlərində yerləşən 50 məktəbin adı əlavə olunub və 4 təmayül (texniki, riyaziyyat-iqtisadiyyat, humanitar, təbiət) istiqamət üzrə tədris planları təsdiq edilib.
Tədris olunacaq fənlərin sayı texniki fənlər təmayüllü siniflərdə 9, riyaziyyat-iqtisadiyyat və humanitar fənlər təmayüllü siniflərdə 8, təbiət fənləri təmayüllü siniflərdə 10-dək azaldılıb. Təmayül istiqamətindən asılı olmayaraq, tədris planlarında Azərbaycan dili (rus bölməsində rus dili), xarici dil, ədəbiyyat, riyaziyyat, Azərbaycan tarixi, fiziki tərbiyə, gənclərin çağırışaqədərki hazırlığı fənləri saxlanılır. Təmayül sinifləri, mövcud qaydalara uyğun olaraq, şagirdlərin sayı ən azı 20 nəfər olmaqla komplektləşdiriləcək.
Qeyd edək ki, tam orta təhsilin təmayülləşməsi üzrə pilot layihə Bakı şəhərindəki 5 məktəbdə bir neçə il öncə tətbiq olunmağa başlayıb. Bu məktəblər üçün fənlərin sayı 18-dən 13-ə azaldılmaqla xüsusi tədris planları təsdiq edilib, təmayül fənlərinin genişləndirilmiş proqramları hazırlanıb. Sonrakı illərdə daha 3 müəssisə pilot məktəblər siyahısına daxil olunub. Pilot layihənin tətbiqində əsas məqsəd tam orta təhsil səviyyəsində təhsilin təmayüllərə görə təşkilini sınaqdan keçirmək, gələcəkdə həmin prosesə kütləvi keçidlə bağlı müvafiq hazırlıq işləri aparmaq və bu barədə cəmiyyətdə ictimai rəy formalaşdırmaqdan ibarətdir.
Maraqlıdır, indiki dövrdə bunun tətbiqinə təhsil ekspertləri necə baxır?

Məsələyə münasibət bildirən təhsil eksperti Əjdər Ağayevin sözlərinə görə, təmayüllü məktəblər sovet dövründə də var idi: "Bu məktəblərdə təmayül yalnız 10-11-ci siniflərdə yox, əvvəldən təşkil olunurdu. Yəni şagird hansı sahə üzrə ixtisaslaşırdısa, o təmayüllü məktəbə də qoyulurdu. O vaxt Kimya-Biologiya, Fizika-Riyaziyyat, Xarici dillər, İdman təmayüllü məktəblər var idi. Artıq belə məktəblərdə fənlər ümumiləşdirilib keçilir, yəni məhz bir ixtisas üçün tədris olunmur. Bu gün belə məktəblərin sayı azdır. Təmayüllü məktəblərdə təhsil prosesində o təmayül hansı fənlərdən idisə, həmin fənlərə dərs saatlarını daha çox ayırırdılar. Ümumi fənlərə daha az, təmayülə daha çox üstünlük verirdilər".
Digər təhsil eksperti Məhərrəm Zülfüqarlı isə buna müsbət prizmadan yanaşır. Onun fikrincə, bu, orta məktəb şagirdlərinin xeyrinədir: "Mənə belə gəlir ki, yuxarı siniflərdə təmayülləşmənin tətbiqi müsbət işdir. O baxımdan, əvvəl-axır buna keçmək lazım idi. Bunun mahiyyəti ondan ibarətdir ki, 10-11-ci siniflərdə şagirdlərin seçiminə uyğun olan fənlərə geniş yer veriləcək. Məsələ ondadır ki, məktəbdə uşaqların bütün fənlərə maraqları eyni olmur. Eləsi var humanitar, eləsi də var texniki fənlərə meyl göstərir. O üzdən, bunları əvvəlcədən nəzərə almaq yaxşıdır. Orta məktəb ümumi təhsil verir. Uşağın humanitar fənlərə meyli varsa, o zaman humanitar təmayüllü siniflərdə təhsilini davam etdirməlidir. Bu həm də şagirdlərin vaxt itkisinin qarşısının alınmasına hesablanmış bir addımdır. Ona görə də buna normal yanaşıram".
Vidadi ORDAHALLI

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...