Qan dövranı xəstəliklərinin qurbanları artır

Tarix: 03.07.2015 / 02:23
Bölmə: Sosial

Adil Qeybulla: "Qan dövranı xəstəliklərinin yaranma səbəblərindən biri də stressdir"

"Azərbaycanda ürək-damar sistemi, qan dövranı xəstəlikləri 10-15 il cavanlaşıb"

Bu günlərdə Səhiyyə Nazirliyi qan dövranı, tənəffüs orqanları, endokrin sistemi xəstəliklərinin, bədxassəli yeni törəmələrin əhali arasında üstünlük təşkil etdiyini açıqlayıb. Məlumatda bildirilir ki, Bakı, Sumqayıt və Gəncə şəhərlərində, Tovuz, Sabirabad, Yevlax, Şəki, Ağdaş, Goranboy və Qobustan rayonlarında qan dövranı sisteminin xəstəlikləri daha geniş yayılıb.
Tənəffüs orqanları xəstəliklərinə daha çox yoluxanlar isə Bakı, Sumqayıt və Gəncə şəhərləri, Abşeron, Masallı, Tovuz, Quba, Cəlilabad və Astara rayonlarındandır. Naxçıvan, Sumqayıt, Mingəçevir, Bakı və Şirvan şəhərlərində, Quba, Qusar, Qax, Xızı, Göygöl və Neftçala rayonlarında endokrin sistemi xəstəlikləri daha geniş yayılıb. Yeni törəmələrə isə Bakı, Sumqayıt, Gəncə və Naxçıvan şəhərlərində, Abşeron, Xaçmaz, Kürdəmir, Şəki, Ucar, Lənkəran və Qəbələ rayonlarında yoluxanlar üstünlük təşkil edir.
Azərbaycanda ölümə səbəb olan xəstəliklər sırasında birinci yerdə qan dövranı sistemi xəstəlikləri gəlir. Belə ki, son 5-6 ildə ölkəmizdə bu xəstəliklərdən hər il 30 mindən çox, ümumilikdə isə 150 mindən artıq insan dünyasını dəyişib. Azərbaycanda ölüm səbəbləri sırasında ikinci sırada yeni törəmə xəstəlikləri gəlir. Söhbət şiş və digər xəstəliklərdən gedir. Həzm sistemi xəstəliklərindən də ölənlərin sayı nisbətən yüksəkdir. Amma bir sevindirici hal var ki, Dövlət Statistika Komitəsinin məlumatında həzm sistemindən ölənlərin sayında son illər azalma müşahidə olunduğu bildirilir. Travmalar, zəhərlənmələr səbəbindən ölüm halları da yüksəkdir. Belə ki, 2012-ci ildə 2467 nəfər bu səbəbdən dünyasını dəyişib.
Ölkədə xəstəliklərdən ölüm hallarının artmasında ekologiyanın, keyfiyyətsiz qidaların, insanların üzləşdiyi sosial problemlərin rolunu qeyd etmək lazım gəlir. Bütün bunlar isə insanlarda, ilk növbədə, stresslə, aqressiya ilə müşahidə edilir.
Tibbi ekspert, professor Adil Qeybulla bildirdi ki, bütün dünya ölkələrində olduğu kimi, Azərbaycanda da ürək-damar sistemi, qan dövranı xəstəlikləri 10-15 il cavanlaşıb: "1960-1980-ci illərdə 35-50 yaşlı insanlarda miokard infarktına çox az, hətta nadir hallarda təsadüf olunurdusa, indi xəstələrin 30-35 faizində infarkt bu yaşda əmələ gəlir. İnfarkt kişilərdə daha çox 55-65, qadınlarda isə 60-70 yaş arasında baş verir. Ümumilikdə, infarktın baş verməsi hallarına daha çox kişilər arasında təsadüf olunur. Lakin infarkt nəticəsində qadın orqanizmi daha ciddi zədələnir. Buna görə də qadınlarda infarktdan sonra ölüm halları kişilərlə müqayisədə çoxdur. Çünki qadın orqanizmi buna hazır deyil. Qadınlar infarktın elə ilk dəfə baş verməsi nəticəsində ölə bilər. Çünki onlarda zədələnmənin dərəcəsi də ağır olur və daha çox fəsad yaranır. Həm də qadınlar bu xəstəliyə bir az qeyri-ciddi yanaşır, kişilər isə qorxurlar".
Həmsöhbətimiz onu da bildirdi ki, qan dövranı xəstəliklərinin yaranma səbəblərindən biri də məhz stressdir: "Stress bir çox xəstəliklərə rəvac verir. İnsanlarımız çalışmalıdır ki, stressdən qorunsunlar. Bunun üçün istəklərimiz, hədəflərimiz imkanlarımız daxilində olmalıdır. Xüsusən də gənclərimizdə səbrsizlik müşahidə olunur. Onlar az zamanda daha çox şey əldə etmək istəyir. Şübhəsiz ki, insanın gözləntisi ilə reallıq üst-üstə düşmədikdə onda stress yaranır. Bu gün ailədaxili ziddiyyətlər, iş mühitinin normal olmaması stress formalaşdıran amillərdir. Stressin səbəblərindən biri də internetin olması, sürət əsrində yaşamağımızdır".
Günel CƏLİLOVA

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...