19 qeyri-islam icmasına dövlət yardımı - Azərbaycanın tolerant mühitinin daha bir nümayişi...

Tarix: 03.06.2015 / 02:13
Bölmə: Sosial

Seyid Camal Əzimbəyli: «Bu faktdır və danılmaz reallıqdır»

«Dövlət tərəfindən ayrılan vəsait dinlərarası münasibətlərin yüksələn xətt üzrə inkişaf etməsinin bariz nümunəsini ortaya qoyur»

Məlum olduğu kimi, Azərbaycan Respublikasının Dini Qurumlarla İş üzrə Dövlət Komitəsi (DQİDK) dini icmalara maliyyə yardımı ayırmaqda davam edir. Bu məqsədlə iyunun 1-də Dövlət Komitəsində maliyyə yardımı ayrılmış qeyri-islam dini icmaların sədrlərinin iştirakı ilə toplantı keçirilib.

DQİDK-dan mətbuata verilən məlumata görə, toplantıda Dövlət Komitəsinin sədri Mübariz Qurbanlı Prezident İlham Əliyevin imzaladığı müvafiq Sərəncamın əhəmiyyətindən danışaraq bildirib ki, 2011-ci ildən dövlət tərəfindən qeyri-islam dini icmalara maliyyə yardımı ayrılır. Həmin icmaların ölkəmizdə fəal və səmərəli fəaliyyət göstərməsini, Azərbaycanın maraqlarını müdafiə etməsini təqdirəlayiq hal kimi dəyərləndirən Komitə sədri dövlətin dini icmalara dəstəyinin bundan sonra da davam edəcəyini diqqətə çatdırıb. M.Qurbanlı qeyd edib ki, 19 qeyri-islam dini icmaya 380 min manat maliyyə vəsaiti ayrılıb və həmin vəsait ölkədə dini maarifləndirmə və milli-mənəvi dəyərlərin təbliği işinin daha da gücləndirilməsinə sərf ediləcək.

Bu gün Azərbaycanın dünyanın diqqət mərkəzində olduğunu vurğulayan Dövlət Komitəsinin sədri ölkəmizin daha bir beynəlxalq yarışa - İlk Avropa Oyunlarına ev sahibliyi edəcəyini xatırladıb. Azərbaycanda dövlət-din münasibətlərindən danışan Komitə sədri bildirib ki, dövlət başçısı və Heydər Əliyev Fondu ölkəmizdə tolerantlığın və multikulturalizmin inkişafı istiqamətində böyük işlər görür, məscid, ziyarətgah, eləcə də kilsə və sinaqoqlar əsaslı təmir və bərpa olunur.

Eyni zamanda Komitə sədri bildirib ki, ölkəmizdə tarixən də dini ayrıseçkiliyə yol verilməyib və Azərbaycanda hökm sürən tolerantlıq dünyaya nümunə kimi göstərilə bilər. Azərbaycanın ictimai-siyasi həyatında din özünəməxsus yer tutur. Ölkədə ictimai-siyasi və dini sabitlik hökm sürür. İstər müsəlman, istərsə də xristian ölkələri ətrafında gedən prosesləri diqqətlə izləməli və ondan nəticə çıxarmalıyıq.

Ümumilikdə, ölkədə 19 qeyri-islam dini icmaya vəsaitin ayrılması milli-dini tolerantlığa verilən önəmin göstəricisidir.

Sözügedən məsələ ilə bağlı fikirlərini «Bakı-Xəbər»lə bölüşən şərqşünas Seyid Camal Əzimbəylinin sözlərinə görə, hətta bizi istəməyən ölkələrdə belə Azərbaycanın tolerantlığı qəbul olunur: «Ona görə də DQİDK-nın bu istiqamətdə gördüyü işlər, keçirdiyi mütəmadi görüşlər təqdirəlayiqdir. Qeyri-islam ənənəvi din mənsubları, onların rəhbərləri ilə görüşlərin keçirilməsi və buna müvafiq olaraq vəsaitin ayrılması tolerantlığın nümunəsidir. Dövlət tərəfindən ayrılan vəsait dinlərarası münasibətlərin yüksələn xətt üzrə inkişaf etməsinin bariz nümunəsini ortaya qoyur. Digər tərəfdən, bu gün dünyada insanlığa yaraşmayan müxtəlif hadisələrin baş verdiyini görürük. Ancaq dünyanın bir parçası olan Azərbaycan müsəlman ölkəsi olaraq bu cür milli-dini tolerantlıq nümunəsini ortaya qoymaqla, bütün dünyaya hansı ali dəyərlərə sahib olduğunu sübut edir. Bu faktdır və danılmaz reallıqdır. Onu da qeyd edim ki, DQİDK-nın keçirdiyi görüşlər bölgələrdəki inanclı insanlar tərəfindən rəğbətlə qarşılanır».

Vidadi ORDAHALLI

seyid-camal-ezimbeyli3

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...