ANS-in aparıcısı Şəkinin məşhur Zəyzid sakinlərini qəzəbləndirdi

Tarix: 03.06.2015 / 01:05
Bölmə: Sosial

Qiymət Məhərrəmli: «Zəyzidlilərdən üzr istəyin, Elgiz Əkbər»

İşimlə əlaqədar telekanallarımızda gündüz saatlarında nümayiş olunan verilişləri izləmək imkanım olmur. Təsadüfən srağagün evdən çıxmaq ərəfəsində ANS kanalının «Günəbaxan» verilişində aparıcının dilindən eşitdiyim «Şəkidə Zəyzid adında bir kənd var» ifadəsi məni bir anlıq ayaq saxlamağa vadar etdi. Doğma kəndimin adının çəkilməsi məndə maraq oyatdı: «Nə xəbərdir, görəsənğ»

Aparıcı Elgiz Əkbərin sonrakı sözləri isə məni az qala şoka saldı: sən demə, Şəkinin Zəyzid kəndinin (hansı Zəyzidğ) əhalisi bir nəfər kimi sağalmaz xəstəliyə tutulubmuş, hətta həmin kəndin zavallı xəstə əhalisinin başqa yerlərin sakinləri ilə təmasda olması belə çox qorxuluymuş. QİÇS, vəba, taun, quş qripi və daha nə bilim nə kimi xəstəliklərdən danışılanda belə bu cür reaksiya verməyən «çoxbilmiş aparıcı»nın soyuqqanlı bir şəkildə zəyzidliləri bir nəfər kimi «xəstə» adlandırması məni təbdən çıxardı. «Təsəvvür edirsinizmi, bu kəndin bütün əhalisi bir nəfər kimi 30-35 yaşına çatanda eybəcər hala düşür, kür-küt olaraq yataq xəstəsinə çevrilirlər» - deyən Elgiz bəyin bu informasiyası yəqin ki, təkcə özümüzdə yox, biz zəyzidliləri yaxından tanıyan dostlarımızın qəlbində dərin ikrah hissi yaratdı. Doğrudur, hər bir bölgədə hansısa bir ailə, yaxud nəsil daxilində genetik xəstəliklər ola bilər və hətta bu xəstəliklərin qohum nikahlar hesabına baş verib-vermədiyindən asılı olmayaraq, heç kəs bu alın yazısından sığortalanmayıb. Lakin Şəkinin şəhərə ən yaxın, ən inkişaf etmiş və ən böyük kəndlərindən olan Baş Zəyzid, Orta Zəyzid və Köbər Zəyzid kəndlərinin əhalisinə tək kəlmə ilə «Zəyzid əhalisi» adı altında xəstə damğası vuraraq onlara həqarət etmək bu kəndlərin təkcə daimi sakinlərini deyil, hazırda dünyanın və ölkəmizin müxtəlif şəhərlərində yaşayan həmkəndlilərimizi qeyzləndirib. Görəsən, «Zəyzid kəndinin bütün əhalisi bir nəfər kimi xəstədir» deməklə Elgiz bəy necə böyük bir səhvə imza atdığının, yaxud necə böyük günah işlədiyinin fərqinə varmadımığ Axı onun adını çəkdiyi Zəyzid kəndi - məlum edirəm ki, belə bir kənd mövcud deyil - bir neçə il öncəyə kimi özündə 5 böyük kəndi birləşdirən Zəyzid sovetliyi kimi mövcud idi: Baş Zəyzid, Orta Zəyzid, Köbər Zəyzid, Vərəzət və Qırxbulaq. Həmin kəndlər indi əhalisinin say etibarilə o qədər artıb və ərazicə o qədər böyüyüb ki, hərəsinin ayrılıqda öz bələdiyyəsi və icra nümayəndəliyi var. Belə olduğu təqdirdə, görəsən Elgiz Əkbərin «xəstə» adlandırdığı əhali hansı Zəyziddə yaşayırğ Yaxud bəlkə bu kəndlərin hər biri bu qorxunc xəstəliyin daşıyıcılarının məskəninə çevrilib ki, ora girişə yasaq qoyulması belə ilk ağıla gələn nüanslardan sayılmalıdırğ

Elgiz Əkbərin diqqətinə çatdırmaq istəyirəm ki, «xəstə əhali»si olan həmin qədim türk məskəni ölkə iqtisadiyyatının, sənayesinin, mədəni həyatının, dövlət strukturlarının icra aparatlarında, nazirliklərdə aparıcı mövqelər tutmuş onlarla görkəmli ziyalı yetişdirmiş, halallığı, ləyaqəti, qonaqpərvərliyi, comərdliyi ilə seçilən sakinləri ilə həmişə qürur duyub. «Eramızdan milyon il əvvəl» sənədli filminin də məhz həmin Zəyzid deyilən coğrafi ərazidəki etnogenezi özündə əks etdirməsi təsadüfi deyil. Belə olduğu təqdirdə, «bir nəfər kimi xəstə olduğu» dilə gətirilən Zəyzid (Baş, Orta, Köbər) kəndlərinin 20 mindən artıq sakininin hansı suçu varmış ki, dünyadan bixəbər aparıcının obyektivinə tuş gəliblər.

Axı bu üç Zəyzid kəndi gözdən-könüldən uzaq Afrika cəngəlliklərində yerləşmir ki, «bir nəfər kimi - başdan-ayağa sağalmaz və qorxunc xəstəliyə tutulmuş əhali»sinin bu boyda faciəsindən heç kəs xəbər tutmaya! Gözəlliyi ilə göz oxşayan həmin kəndlər Şəki-Bakı yolunun düz üstündə yerləşir və əhalisi də uzunömürlüyü və sağlamlığı ilə heç də digər bölgələrin sakinlərindən geri qalmır. Bir məsələyə də diqqəti cəlb etmək istərdim: görəsən, aparıcı Elgizin dilindən xəstə kimi qələmə verilən zəyzidlilərdən qız nişanlayan, yaxud zəyzidlilərə qız verən insanlar fikirlərini dəyişmədilər kiğ!

Bu cəfəng kəlmələri səsləndirən Elgiz Əkbər Zəyzid əhalisini bir nəfər kimi «xəstə» adlandırmaqla təkcə həmin xəstəliyin daşıyıcısı olan nəslin nümayəndələrini deyil, bütövlükdə beş kəndin bütün sakinlərini ağır bir şəkildə təhqir edib, bağışlanmaz səhvə yol verib. İnsanların yaralı yerinə toxunaraq, onların xəstəliyindən belə sensasiya yaratmaq niyyəti güdən şou aparıcılarına üz tuturam: bu cür incə məsələlərdə ən azından insani hisslərinizi oyadın, vicdanınızın səsinə qulaq asın! Görün siz bu cür verilişlərdə bu cür məsələləri müzakirə etmək qabiliyyətindəsinizmiğ Özünüzü hər şeydə haqlı saya bilərsiniz, lakin taleyüklü məsələlərdə ehtiyatlı olun, çünki insan həyatı, xüsusilə də fiziki qüsurlu insanların həyatı şouluq deyil!

Son olaraq üzümü ANS telekanalının və Teleradio Şurasının rəhbərlərinə tuturam: 01.06.2015-ci il tarixdə efirə getmiş «Günəbaxan» verilişini diqqətlə izləyin! Elgiz Əkbərin «xəstə» adlandırdığı əhalinin qəzəbinə səbəb olan nüanslara özünüz qiymət verin. İnsanları bu cür təhqir etmək, aşağılamaq olmaz!

Respublikamızın işıqlı gələcəyi, xoşbəxt həyatı, ailə dəyərləri kimi gələnəklərimizə zərbə vuran bu cür hallara birdəfəlik son qoyulmalı, ekran-efir mədəniyyətindən bixəbər, savadsız aparıcıların fəaliyyəti məhdudlaşdırılmalıdır. Elgiz Əkbər bu təhqiramiz hərəkətinə görə zəyzidlilərdən üzr istəməlidir!

AMEA Folklor İnstitutunun böyük elmi işçisi, filologiya üzrə fəlsəfə doktoru, «Elimiz-günümüz» qəzetinin baş redaktoru,

Zəyzidli-Qiymət Məhərrəmli

P.S. Məsələ ilə əlaqədar 01.06.2015-ci il tarixdə ANS kanalı ilə telefon əlaqəsi saxlamaq cəhdim baş tutmayıb.

Redaksiyadan: Yazıda qaldırılan məsələ ilə bağlı qarşı tərəfin mövqeyini dərc etməyə hazırıq.

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...