Qayda pozan avtomobillərin evakuasiya edilməsi təklifinə ziddiyyətli reaksiyalar var

Tarix: 30.05.2015 / 02:03
Bölmə: Sosial

Şahin Camalov: «Avtomobillərin evakuatorla götürülməsinin qəti əleyhinəyəm»

Natiq Ələkbərli: «Nəqliyyat vasitələrinin hərəkətinə mane olan avtomobillər evakuasiya olunmalıdır»

«Qanuna əsasən, insanların mülkiyyəti toxunulmazdır. Ancaq son zamanlar evakuatorlar heç bir bildiriş qoymadan insanların avtomobillərini götürür. Bu proses çox biabırçı halda yerinə yetirilir».

Bunu «Yol hərəkəti haqqında» Qanunda dəyişikliklər edilməsi barədə Azərbaycan Respublikası qanununun layihəsinin müzakirəsi zamanı millət vəkili Etibar Hüseynov bildirib: «Dünyanın heç bir ölkəsində belə hal yaşanmır. Tədbirlərdə iştirak edən insanlar da belə hallarla üzləşir. Şəhərdə yaşayanlar bu avtomobillərinin hara aparıldığını bilirlər. Ancaq bölgədən gələnlər, yaxud ölkəyə qonaq gələnlər bu avtomobillərin hara aparıldığından xəbərsiz olurlar. Həm də evakuatorla avtomobillər elə tələsik götürülür ki, bəzən kənardakı avtomobili zədələyir, avtomobilin özünə zədə dəyir. Biz binada yanğın kimi bir faciə baş verəndə, evakuatorla götürülən avtomobil başqa avtomobilin üzərinə düşüb insanlar həlak olanda hərəkətə keçməməliyik. Başqa ölkələrdə olduğu kimi, həmin avtomobilin videogörüntüsü çəkilə, müvafiq yerə ötürülə, sahibi cərimələnə bilər. Yoxsa belə biabırçılığa son qoyulmalıdır. Bununla bağlı qanunvericilikdə müvafiq dəyişiklik edilməsini təklif edirəm».

Avtomobil evakuatorla götürülməlidir, ya yoxğ Ekspertlərin bu barədə nə düşündüyünü öyrənmək məqsədilə onlara müraciət etdik. «Təhlükəsiz Yol» Alyansının koordinatoru Şahin Camalov «Bakı-Xəbər»ə açıqlamasında qeyd etdi ki, avtomobillərin evakuasiya olunması məsələsi qanunvericiliklə təmin olunub: «Ekspert və hüquq müdafiəçisi olaraq avtomobillərin evakuatorla götürülməsinin qəti əleyhinəyəm. Avtomobil düzgün yerdə park olunmayıbsa, yol hərəkət qaydalarına riayət edilmədən saxlanıbsa, yol patrul xidmətinin əməkdaşları həmin maşını götürmədən müvafiq protokol tərtib edib cərimə təyin etməlidir. O halda avtomobil evakuator vasitəsilə götürülə bilər ki, həmin maşın digər nəqliyyat vasitələrinin hərəkətinə mane olur. Bu halda, sürücünün mobil telefonuna dərhal xəbərdarlıq mesajı göndərilir ki, sizin maşın evakuasiya olunur».

Ş.Camalovun sözlərinə görə, avtomobillərin daşınması zamanı ciddi problemlər yaşanır: «Məsələn, maşın evakuatora mindirilərkən və ya endirilərkən avtomobilə müəyyən dərəcədə zərər yetirilir. Eyni zamanda, maşın evakuasiya olunandan sonra sürücüyə məlumat verilmir. Sürücü bilmir ki, onun idarə etdiyi nəqliyyat vasitəsi hara aparılıb. Hətta sürücülər maşının oğurlandığını belə düşünürlər». Müstəqil Nəqliyyatçılar Birliyinin sədri Natiq Ələkbərli bildirdi ki, nəqliyyat vasitələrinin hərəkətinə mane olan avtomobillər evakuasiya olunmalıdır: «Bəzən maşın sahibləri hansısa ictimai binanın qarşısında idarə etdiyi nəqliyyat vasitəsini saxlayır. Belə olan halda, həmin ərazidən keçən həm avtomobillərin, həm də insanların rahat hərəkətinə mane olur. Bu səbəbdən də düşünürəm ki, sürücülər maşınları yalnız müəyyən olunmuş yerlərdə park etməlidir».

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...