Tortların üstündə bizə zəhər yedizdirilir

Tarix: 26.05.2015 / 01:53
Bölmə: Sosial

Tahir Əmiraslanov: "Tortların təbii formada bəzədilməsi daha məqsədəuyğundur"

Xatirə İsayeva: "Kimyəvi tərkibli şirniyyatlar azyaşlılarda qalıcı izlər buraxa bilər"
Şirniyyatlar, xüsusən tortlar, yaşından asılı olmayaraq, hər kəsin ən sevdiyi qidalardır. Kiçik yaşlı uşaqlar üçün isə şirniyyat, demək olar ki, yeməkdən də önəmli və maraqlıdır. Əvvəllər tortlar sadəcə ev üsulu ilə hazırlanır və mağazalardan alınan tortların keyfiyyətindən heç kim razı qalmazdı.
Çünki mağaza tortları olduqca sərt və yağlı, bir sözlə, sağlamlıq baxımından təhlükli hesab edilirdi. Bəzən ev üsulu ilə hazırlanan tortlar elə də bəzəkli və yaraşıqlı olmurdu. Uşaqlar üçün isə ən önəmlisi budur. Diqqət çəksin və maraqlı olsun. Zaman keçdikcə isə xarici ölkələrdən Azərbaycana müxtəlif tortbəzəmə məmulatları, eləcə də reseptləri daxil olmağa başladı. Bunlardan ən çox diqqət cəlb edəni isə üzərində insan şəkli həkk olunan tortlardır.
Bu tip tortlardan daha çox uşaqların ad günündə istifadə olunur. Valideyn övladının rəsmini şirniyyat hazırlayana təqdim edir ki, həmin tortun üzərində o şəkil olsun.
Şirniyyatçıların bildirdiyinə görə, tort sifariş verənlərin əksəriyyəti həmin şirniyyatın üzərinin şəkillə bəzədilməsinə üstünlük verir.
Qeyd edək ki, tortlar üzərinə vurulan rəsmlər printerdən çıxarılır. Tortun üzərinə qoyulan şəklin printerdən çıxarılması insanların haqlı narazılığına səbəb olur. Çünki hər kəsin bəh-bəhlə yediyi bu qida kimyəvi tərkiblə zəngindir.
Foto ilə bəzədilən tortun üst hissəsi bir növ plastilinə bənzəyir və müxtəlif rənglərdən ibarət olur. Bir sözlə, foto rəsmlərlə bəzədilən tortların elə üst bəzəyi kifayət edir ki, uşaqlı-böyüklü bu möcüzəyə heyran qalasan. Dadının necə olması isə artıq ikinci planda qalmış olur. Əhalinin marağından istifadə edənlər isə az deyil. Özü də, necə deyərlər, od qiymətinə təklif olunan şirniyyatların içi nədən və necə hazırlanır, bilinmir, üstündəki görkəm isə başlı-başına zəhərdir. Amma maraqlı haldır ki, "ustalar" bunu qəbul etmir. Onlar iddia edir ki, tortun üzərinə qoyulan foto ziyansız printerdən çıxarılır və insan səhhətinə zərəri yoxdur.
Məsələ ilə bağlı fikir bildirən Azərbaycan Kulinariya Assosiasiyasının sədri Tahir Əmiraslanov "Bakı-Xəbər"ə açıqlamasında qeyd etdi ki, tortların təbii formada bəzədilməsi daha məqsədəuyğundur. Amma dövr dəyişdikcə insanlar daha müasir formada hazırlanan şirniyyata üstünlük verir: "Əvvəllər tortun üzərinə ya gül rəsmi çəkilirdi, ya da şprislə ad yazılırdı. Ancaq indi isə vəziyyət tam fərqlidir. Kulinarlar tort hazırlayarkən xüsusi kremlər hazırlayır. Həmin kremlərin tərkibi də müxtəlif olur".
Müsahibimizin sözlərinə görə, bəzəkli tortun üzərinə vurulan insan rəsmi xüsusi printerdən çıxarılır: "Həmin printer sizin bildiyiniz aparat deyil. Bu aparatda yalnız
şirniyyat xəmirinin üzərinə rəsm həkk olunur".
Həmsöhbətimiz onu da əlavə etdi ki, SSRİ dövründə ümumiyyətlə, yay mövsümündə kremli tortların satışı qadağan olunmuşdu: "Həmçinin, kremli məhsullara marqarin yağı işlədilməsi qadağan idi. Amma bizim şirniyyat şəbəkələrinin böyük əksəriyyətində heç bir şirniyyat məhsuluna kərə yağı işlədilmir. Ancaq marqarin yağından istifadə olunur. Peçenyeyə və sair marqarin yağı işlətmək olar. Kremli şirniyyatlarda isə ancaq kərə yağı işlədilməlidir".
Həkim-terapevt Xatirə İsayeva, ümumiyyətlə, azyaşlı uşaqlara
kimyəvi bəzəklə hazırlanan şirniyyatların yedizdirilməsinə qarşıdır. O hesab edir ki, bu cür hazır rəngləndirilən və dadlandırılan şirniyyat əlavələrinin ziyanı xeyrindən daha çoxdur və bu cür şirniyyatlar azyaşlılarda qalıcı izlər buraxa bilir: "Şirniyyata meylli uşaqlar üçün şirniyyat əslində ən təhlükəli qidalardan biridir. Həddindən artıq şirniyyat qəbul edən uşaqlarda bir çox problemlər meydana çıxır ki, bunlar zaman-zaman orqanizmi də zəhərləyir. Eləcə də hazır satılan şəkər xəmiri, rəngli zefirlər, yumşaq pambıq effekti verən şirniyyatlar kustar üsulla hazılanır və əksəriyyətinin üzərində məlumat yoxdur. Məlumat olan bu cür şirniyyatlarda isə mütləq qeyd olunur ki, tərkib etibarilə keçici olaraq diqqət və aktivlik pozğunluğu meydana gətirə bilər. Hökmən bu cür tortlar alınacaqsa, yeyilən zaman üst təbəqə, şəkər xəmiri olan hissəni soyub götürmək vacibdir".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...