16 yaşa qədər cinsi əlaqəyə görə cəza ağırlaşdırılır

Tarix: 25.05.2015 / 02:38
Bölmə: Sosial

Mehriban Zeynalova: "Qanunun sərtləşdirilməsi azyaşlılara qarşı törədilən zorakılığın azalmasına səbəb ola bilər"

"Azyaşlılarla hər hansı formada seksual hərəkət edən şəxslərin ciddi formada cəzalandırılması təqdirəlayiqdir"

Azərbaycanda on altı yaşına qədər olan şəxslərlə cinsi əlaqədə olma və ya seksual xarakterli digər hərəkətlər, seksual hərəkətlərə məcbur etmə, o cümlədən əxlaqsız hərəkətlər etmə ilə bağlı cəzalar xeyli ağırlaşdırılır. On dörd yaşına çatmayan şəxslərə qarşı eyni əməllərlə bağlı isə ayrıca cəzalar müəyyənləşdirilir.

Milli Məclisin yaydığı məlumata görə, bununla bağlı Cinayət Məcəlləsinin 151, 152 və 153-cü maddələrinə əlavə və dəyişikliklər təklif edilir.

Maddə 151-ə təklif edilən dəyişikliyə əsasən, əmlakının məhv edilməsi, zədələnməsi və ya götürülməsi hədəsi ilə, yaxud zərərçəkmişin maddi və ya sair asılılığından istifadə etməklə onu cinsi əlaqəyə girməyə, uşaqbazlığa, yaxud seksual xarakterli digər hərəkətlərə məcbur etmə 1 ildən 2 ilədək islah işləri və ya 1 ildən 3 ilədək azadlıqdan məhrum etmə ilə cəzalandırılacaq.

152-ci maddəyə təklif edilən dəyişikliyə əsasən, "yetkinlik" sözü "on altı yaşına" sözü ilə əvəz edilir və hazırda qüvvədə olan "yetkinlik yaşına çatmayanlarla cinsi əlaqədə olma və ya seksual xarakterli digər hərəkətlər etməyə görə 3 ilədək azadlıqdan məhrum etmə" cəzası on altı yaşına qədər yeniyetmələrlə cinsi əlaqədə olanlara şamil ediləcək.

Bundan başqa, maddəyə əlavə edilən 152.2 bəndinə görə, "eyni əməllər on dörd yaşına çatmayan şəxslə törədildikdə 3 ildən 6 ilədək azadlıqdan məhrum etmə ilə cəzalandırılacaq".

Maddəyə əlavə edilən digər 152.3-cü bəndə görə isə, "yuxarıda göstərilən əməllər yetkinlik yaşına çatmayanı tərbiyə etmək vəzifəsi daşıyan şəxslər və ya yetkinlik yaşına çatmayana nəzarəti həyata keçirmək vəzifəsini daşıyan təhsil, tərbiyə, tibbi və ya digər müəssisənin müəllimi və ya digər işçi tərəfindən törədildikdə 3 il müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə, yaxud edilməməklə 4 ildən 7 ilə qədər azadlıqdan məhrum etmə ilə cəzalandırılacaq".

153-cü (Əxlaqsız hərəkətlər) maddə isə tamamilə dəyişdirilərək genişləndirilir, yeni şərtlər və yeni sanksiyalarla verilir. Maddənin təklif olunan yeni variantı belədir: 153.1. On altı yaşına çatmayan şəxsə qarşı zor tətbiq etmədən əxlaqsız hərəkətlər törətmə 2 ilədək müddətə islah işləri və ya 2 ilədək müddətə azadlıqdan məhrum etmə ilə cəzalandırılacaq.

153.2. Eyni əməllər on dörd yaşına çatmayan şəxsə qarşı törədildikdə 1 ildən 2 ilədək islah işləri və ya 1 ildən 3 ilədək azadlıqdan məhrum etmə ilə cəzalandırılacaq.

153.3. Yuxarıda göstərilən əməllər yetkinlik yaşına çatmayanı tərbiyə etmək vəzifəsi daşıyan şəxslər və ya yetkinlik yaşına çatmayana nəzarəti həyata keçirmək vəzifəsini daşıyan təhsil, tərbiyə, tibbi və ya digər müəssisənin müəllimi, yaxud digər işçisi tərəfindən törədildikdə 3 ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə 2 ildən 4 ilədək azadlıqdan məhrum etmə ilə cəzalandırılacaq.

Məcəlləyə eyni zamanda bununla bağlı əlavə edilən "Qeyd"də deyilir ki, bu Məcəllənin 152 və 153-cü maddələrində nəzərdə tutulmuş cinayətlərə görə məsuliyyət həmin maddələrdə göstərilən əməlləri törətmiş şəxslə zərərçəkmiş şəxsin yaş fərqi iki ildən çox olduqda yaranır.

Layihələr parlamentin Hüquq siyasəti və dövlət quruculuğu komitəsi tərəfindən mayın 20-də plenar iclasa tövsiyə olunub və Milli Məclisin mayın 29-da keçiriləcək iclasında müzakirəyə çıxarılacaq.

Ekspertlər də on altı yaşına qədər olan şəxslərlə cinsi əlaqədə olma və ya seksual xarakterli digər hərəkətlər edən şəxslərə qarşı cəzaların xeyli ağırlaşdırılmasının tərəfdarıdır.

"Təmiz Dünya" İctimai Birliyinin sədri Mehriban Zeynalova bildirdi ki, azyaşlılarla hər hansı formada seksual hərəkət edən şəxslərin ciddi formada cəzalandırılması təqdirəlayiqdir. Bu məsələ zaman-zaman müzakirə olunub: "Zənnimcə, cəzanın daha sərt olması vəziyyətin stabilləşməsinə və bu problemin aradan qalxmasına səbəb ola bilər. Necə ki, erkən nikah və qız qaçırma ilə bağlı qanuna dəyişiklik ediləndən sonra vəziyyət əvvələ nisbətən müsbət mənada dəyişib".

M.Zeynalova hesab edir ki, qanunun sərtləşdirilməsi azyaşlılara qarşı törədilən zorakılığın azalmasına səbəb ola bilər.

Həmsöhbətimiz onu da əlavə etdi ki, təcavüzlər çox zaman yeniyetmə zərərçəkmişə doğma olan insanlar tərəfindən həyata keçirilir və hədə-qorxu ilə ört-basdır edilir: "İnsanların bu qədər yırtıcı olması bir sıra problemlərdən qaynaqlana bilər. Qadınların, uşaq və yeniyetmələrin cinsi zorakılığa məruz qalması ilə bağlı qanun çoxdan qəbul olunmalıdır. Əksər Avropa ölkələrində cinsi zorakılıqla bağlı qanun qəbul olunub. Ancaq təəssüflər olsun ki, Azərbaycanda belə bir qanun yox idi".

DİGƏR XƏBƏRLƏR

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

Tarix: 30.09.2026 / 17:34

“Nar” “AiNar” rəqəmsal köməkçisini istifadəyə verdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...