Uşağa baxmayan valideynlər üçün yeni cəzalar...

Tarix: 25.05.2015 / 02:35
Bölmə: Sosial

Aytəkin Kamranqızı: "Övladının gələcək həyatını məhv edən şəxs maddi cərimə olunmamalı, əksinə, həbs olunmalıdır"

"Valideyn vaxtında övladına qayğı və tərbiyə verərsə, o uşaq gələcəyin mükəmməl vətəndaşı olar"

Məlum olduğu kimi, Azərbaycanda yetkinlik yaşına çatmayan uşaqların təlim-tərbiyə vəzifələrini lazımınca yerinə yetirməyən valideynlərə və onları əvəz edən şəxslərə qarşı cəzalar sərtləşdirilir.

"İnzibati Xətalar Məcəlləsində dəyişikliklər edilməsi haqqında" qanun layihəsinə əsasən, təlim-tərbiyə vəzifəsini lazımınca, eyni zamanda, üzrlü səbəblər olmadan yerinə yetirə bilməyən valideynlər və onları əvəz edən şəxslər yetkinlik yaşına çatmayanların baxımsız qalmasına görə də cərimə ediləcək. Bu cərimənin məbləği isə 60 manatdan 100 manata kimi olacaq.

Hazırda isə uşaqlar lazımınca tərbiyə edilmədikdə bu kateqoriyadan olan valideynlərə və ya onları əvəz edən şəxslərə yalnız xəbərdarlıq edilir. Yaxud onlar 20 manatdan 40 manata kimi cərimələnir.

Yeni layihədə valideynlər üçün yeni bir inzibati məsuliyyət növü də müəyyənləşdirilib. Layihəyə görə, belə valideynlər və onları əvəz edən şəxslərin əməlləri yetkinlik yaşına çatmayanların spirtli içki, narkotik vasitə və ya psixotrop maddələr qəbul etməsinə səbəb olduqda onlara qarşı cərimə tətbiq ediləcək. Həmin şəxslər öz əməlləri ilə yetkinlik yaşına çatmayanların avaralıqla məşğul olmasına, cinayət məsuliyyətinə cəlb etməyə imkan verən yaş həddinə çatmamış uşaqlar tərəfindən cinayət əməlləri olan ictimai təhlükəli əməlin törədilməsinə və ya 14 yaşından 16 yaşınadək olan uşaqlar tərəfindən inzibati xəta əlamətləri olan əməlin törədilməsinə səbəb olduqda da cərimələnəcək. Sadalanan bu hallara görə tətbiq ediləcək cərimənin məbləği isə 50 manatdan 100 manatdək olacaq.

Layihədə 14 yaşından 16 yaşına kimi olan yetkinlik yaşına çatmayanların törətdikləri xırda xuliqanlığa görə valideynlər və ya onları əvəz edən şəxslər üçün tətbiq edilən cərimənin də məbləği artırılır. Hazırda 30 manatdan 40 manata kimi olan cərimənin məbləğinin 50 manatdan 100 manata kimi olması təklif edilir.

Yetkinlik yaşına çatmayanların sərxoşluq vəziyyətinə gətirilməsinə görə valldeynlər və ya başqa şəxslər 50 manatdan 100 manatadək (hazırda 20 manatdan 35 manata qədərdir) cərimələnəcək.

Sosioloq Aytəkin Kamranqızının sözlərinə görə, yeniyetmə yaşında olan uşaqlara valideyn tərəfindən lazımınca təlim-tərbiyə verilməsi hər zaman aktual məsələ olub: "Təəssüflər olsun ki, bəzi valideynlər uşaqları ilə maraqlanmır və onları yanlış tərbiyə edir. Belə olan halda, uşaq ona zərər verə biləcək insanlarla ünsiyyətdə olur və nəticədə xoşagəlməz hallar yaşanır. Bu kimi hadisələrin yaşanmaması üçün valideynlər övladlarına daha çox zaman ayırmalıdır. Bir sıra Avropa ölkələrində övladı ilə ilgilənməyən, ona yanlış tərbiyə verənlər qanunla məsuliyyət daşıyır. Bizdə isə bunun cəzası 20 manatdır. Təklif olunur ki, cəza daha da sərtləşsin. Mən cəzanın daha da sərtləşməsinin deyil, uşağına düzgün tərbiyə verməyən valideynin məsuliyyətə cəlb olunmasının tərəfdarıyam. Valideyn vaxtında övladına qayğı və tərbiyə verərsə, o uşaq gələcəyin mükəmməl vətəndaşı olar. Yəni hər şey valideynin verəcəyi tərbiyədən asılıdır".

Həmsöhbətimiz bildirdi ki, qanuna ediləcək dəyişiklikdə qeyd olunur ki, valideyn övladının narkotik istifadə etməsinə və ya xuliqanlıqla məşğul olmasına şərait yaradırsa, cəzası daha sərt olmalıdır: "Övladının gələcək həyatını məhv edən şəxs maddi cərimə olunmamalı, əksinə, həbs olunmalıdır".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...