Azərbaycanda Müalicə Fondu(?)

Tarix: 19.02.2015 / 01:19
Bölmə: Sosial

Adil Qeybulla: "Sosial durumu ağır olan ailələrin müalicəsi üçün icbari tibbi sığorta tətbiq olunmalıdır"

Nicat Hacızadə: "Sosial durumu aşağı səviyyədə olan ailələr üçün Müalicə Fondu yaradılmalıdır"

Hazırda ölkədə bir sıra ağır xəstəliklərin müalicəsi mümkünsüzdür. Heydər Əliyev Fondu bu istiqamətdə böyük işlər görüb, çox adamı xaricə müalicə üçün göndərib. Eləcə də ölkə başçısı İlham Əliyev bir çox elm adamlarını xaricə müalicə almaq üçün göndərib.
Ekspertlər isə təklif edir ki, bu istiqamətdə fond yaradılsın və azərbaycanlı iş adamları bu fonda vəsait yatırsın.
Müalicə Fondu yaradılarsa, maddi durumu zəif olan şəxslər həmin fond vasitəsilə müalicə olunar.
Qeyd edək ki, dünyanın bir sıra ölkələrində Müalicə Fondu mövcuddur.
İqtisadçı-ekspert Nicat Hacızadənin sözlərinə görə, ölkədə sosial inkişaf cəhətdən zəif nöqtələrdən biri də səhiyyə sistemidir: "Sosial sahələr dedikdə təkcə əhalinin maddi durumu yox, təhsil və elm səviyyəsi, mədəniyyət və ən əsası səhiyyə düşünülməlidir. Ölkəmizdə səhiyyə sistemi davamlı olaraq ölkə Prezidentinin qayğısı nəticəsində 2003-cü ildən bu yana inkişaf edir. Amma gəlin etiraf edək ki, spesifik sahələr üzrə həkim çatışmazlığı, o cümlədən, sosial durumu zəif olan şəxslərin pulsuz müalicəsi üçün şərait olmaması və həmin şəxslər üçün Səhiyyə Nazirliyi tərəfindən pul vəsaitinin ayrılmaması kimi problemlər hələ də mövcuddur. Qeyd edim ki, bu gün ölkəmizdə sosial sektora aid olan səhiyyə sisteminin fəaliyyəti qənaətbəxş deyil. Əvvəlki illərlə müqayisədə misli görünməmiş nailiyyətlər əldə edilsə də, bugünkü gəldiyimiz nöqtə də bizi qane etməməlidir. Digər bir problem isə dövlət büdcəsindən səhiyyə sistemi üçün ayrılan məbləğin lazımi yerlərə xərclənməməsidir. Bu gün ölkəmizdə sosial durumu aşağı səviyyədə olan və müalicəsi üçün külli miqdarda pullar tələb olunan ailələrə Səhiyyə Nazirliyi tərəfindən ya pulsuz müalicə təşkil edilməlidir, ya da müalicə üçün pul ayrılmalıdır".
N.Hacızadə təklif edir ki, ölkədə müalicə fondları yaradılsın. Onun fikrincə, bu yolla ölkədə sağlamlıq səviyyəsini qaldırmaq olar: "Bilirsiniz, sosial rifah təkcə maddiyyatla bağlı deyil, əhalinin təhsil səviyyəsi, sağlamlığının qorunması da sosial rifaha təsir edən amillərdəndir. Bu gün dünya təcrübəsinə baxsaq görərik ki, səhiyyə nazirliklərinin nəzdində müalicə fondları fəaliyyət göstərir ki, müalicə üçün nəyə ehtiyac duyulursa, fondlar tərəfindən qarşılanır. Bu gün Heydər Əliyev Fondunun sırf səhiyyənin inkişafı sahəsində apardığı fəaliyyət yerli və dünya fondlarına nümunədir. Fondun fəaliyyət sahəsi çox genişdir. Hesab edirəm ki, müalicə fondlarının yaradılması ölkədə sosial durumu zəif olan ailələrin sevincinə səbəb olacaq".
Professor Adil Qeybullanın sözlərinə görə, sosial durumu ağır olan ailələrin müalicəsi üçün icbari tibbi sığorta tətbiq olunmalıdır. İcbari tibbi sığorta tətbiq olunarsa, vətəndaşların çoxsaylı problemləri həll olunar: "Qonşu Türkiyədə qara ciyər transplantasiyası əməliyyatı əcnəbilər üçün 140-150 min dollara başa gəlirsə, yerli vətəndaşlar üçün bu əməliyyat pulsuz olur. Bu da icbari tibbi sığortanın hesabına reallaşır. Hər hansı bir fondun yaradılması məsələni tam həll etməyəcək. Vətəndaş icbari tibbi sığortanın verdiyi imkanlardan bəhrələnməlidir. Ola bilsin ki, kimsə xeyriyyə fondu yaratmaq istəyir. Xeyriyyə fondu problemin həlli demək deyil".

DİGƏR XƏBƏRLƏR

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...