Azərbaycanda «evdə doğuş» problemi...

Tarix: 17.02.2015 / 01:30
Bölmə: Sosial

Nailə Hüseynova: «Təəssüf ki, indiki dövrdə də evdə doğuş hallarına rast gəlinir»

«Bölgələrdə ana və körpə ölümlərinin artmasının səbəbi anaların özlərinə qarşı məsuliyyətsiz olmasıdır»

Azərbaycan səhiyyəsi nə qədər inkişaf etsə də, təəssüf ki, hələ də bəzi qadınlar övladını xəstəxana şəraitində deyil, evdə doğmağa üstünlük verir. Elə bu günlərdə Ağsu rayonunda faciəvi hadisə baş verib. Rayonun Cəlayır kəndində yaşayan 32 yaşlı Nurlanə Əzizova doğuşdan sonra vəfat edib.

Belə ki, hamiləliyinin 7-ci ayını yenicə tamam etmiş qadının kəskin sancıları tutub və o, ev şəraitində oğlan uşağı dünyaya gətirib. Bir neçə saat sonra isə qadının vəziyyəti pisləşib və o, dünyasını dəyişib. Ailə üzvlərinin dediyinə görə, maddi vəziyyətləri yaxşı olmadığından, qadın hamiləlik müddətində həkim nəzarətində olmayıb və övladını köhnə qaydalarla ev şəraitində dünyaya gətirib. N.Əzizova daha əvvəl 2 dəfə övlad dünyaya gətirib ki, həmin uşaqlar da evdə həyata göz açıb. Ölüm faktı ilə bağlı araşdırma aparılır.

Həkimlər hələ də ev şəraitində qadınların uşaq dünyaya gətirməsinin düzgün addım olmadığını bildirir.

Ginekoloq Nailə Hüseynova bizimlə söhbətində qeyd etdi ki, baş verən ana və körpə ölümlərinə daha çox analar günahkardır: «Bölgələrdə doğuş zamanı ana ölümlərinin baş verməsinin əsas səbəbkarı analar özləridir. Mən həkimlərin günahsız olduğunu demək istəmirəm, bəzən onlar da səhv edirlər və bu, araşdırma zamanı ortaya çıxır. Ancaq bölgələrdə qadınlar vaxtında gedib qeydiyyata durmurlar. Bu zaman anada mövcud olan xəstəliklər həkimlər tərəfindən vaxtında aşkarlana bilmir və doğuş zamanı həyati təhlükə yaradır. Məsələn, arterial təzyiq, şəkərli diabet və sairdən əziyyət çəkən xəstələrə vaxtında diaqnoz qoyulur, doğuşun necə aparılacağı öncədən müəyyənləşir. Ancaq elə analar var ki, son anda doğuş şöbəsinə müraciət edir və həkim də çətin durumda qalır. Bilmir ki, ananı təbii doğuşla azad etsin, yoxsa qeysəriyyə əməliyyatı ilə».

Ginekoloqun sözlərinə görə, bölgələrdə ana və körpə ölümlərinin artmasının səbəbi anaların özlərinə qarşı məsuliyyətsiz olmasıdır: «Şəhərdə isə analar vaxtında qeydiyyata durur və həkimlər öncədən doğuşun necə aparılmasını planlaşdırmış olur. Rayon yerlərində bəzən qadınlar evdə doğuşa üstünlük verir. Bu da savadsızlıqdan, maddi problemlərdən, psixoloji amillərdən irəli gəlir. Evdə doğuş çox zaman bədbəxt hadisələrlə nəticələnir.

Hamilə qadınlar hər hansı klinikada qeydiyyata durarkən onlarda hamiləliyin necə getməsi izlənir, qadının nədən əziyyət çəkdiyi və onda hansı xəstəliklərin olduğu həkim tərəfindən nəzarətdə saxlanır. Onu da deyim ki, bizdə hamilə qadınlar özlərinə qarşı çox diqqətsizdir. Hamilə qadının ailəsi və ətrafı da ona qarşı diqqətli olmalıdır. Anada başgicəllənməsi olarsa, hər hansı travma alarsa, hər hansı fizioloji problem baş verərsə, bunlar hamısı hamiləliyə təsir göstərir. Birinci növbədə hər şey qadından başlayır, o özündə baş verən dəyişiklikləri izləməlidir və bununla bağlı həkimə məlumat verməlidir».

Həmsöhbətimiz təəssüf hissilə vurğuladı ki, indiki dövrdə evdə doğuş hallarına rast gəlinir. Bütün bunlar göstərir ki, bu problem düşüncədən qaynaqlanır: «Yəni sovet təbabətindən Qərb təbabətinə keçsək də, Qərb təbabətinin klinik protokolları hələ tam tətbiq olunmayıb. Bütün bunlar bizdə tətbiq olunmadığına görə bu cür problemlər mövcuddur».

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...