Qazaxıstanın da işğalı reallığa çevrilməyə başlayır

Tarix: 01.09.2014 / 04:44
Bölmə: Siyasət

Son günlərdə Qazaxıstan prezidenti Nursultan Nazarbayevin verdiyi açıqlamalar bu ölkə üzərində ciddi təhlükənin formalaşmaqda olduğuna dair fikirlərin yaranmasına rəvac verib. Rusiyadan səslənən fikirlər isə qazax tərəfinin narahatlıqlarının heç də əbəs olmadığını göstərir.
Xatırladaq ki, elə bu günlərdə Qazaxıstan prezidenti Nursultan Nazarbayev ölkədə qazax dilinin diz üstə çökdüyü və ayağa qalxa bilmədiyi barədə ziyalıların hakimiyyətə ünvanladığı tənqidlərə cavab verərkən çox maraqlı məqamlara toxunmuşdu: "Əgər dövlət dilindən başqa qalan dillərin istifadəsini qadağan etsək, bizi də Ukraynanın taleyi gözləyəcək. Tutaq ki, biz qanunla qalan dilləri qadağan etdik. O zaman bizi nə gözləyəcək? Ukraynanın taleyi! Bizə hamını zorla qazax dilinə keçirib sonra qanlı müharibə ilə üzləşmək, müstəqilliyimizi itirmək lazımdır? Yoxsa problemləri ağılla həll etməliyik? Məsələ bundadır... Biz nəyi seçirik? Ona görə də mən hesab edirəm ki, bu məsələdə səbr lazımdır". Bunun ardınca Nazarbayev belə bir maraqlı fikir səsləndirir ki, ölkəsi Rusiyanın patronajlığı altında yaranan Avrasiya İttifaqını tərk edə bilər. Qazax dövlət başçısı Putinin yeni imperiya layihəsi olan Avrasiya İttifaqı haqda danışarkən qeyd edib ki, müqavilədə göstərilən qayda və şərtlərə əməl olunmasa, ölkəsinin Rusiyanın patronajlığı altında yaradılan Avrasiya İttifaqından çıxmaq hüququ heç bir halda mübahisə və müzakirə predmetinə çevrilə bilməz: "Qazaxıstanın belə bir addım atmaq, birliyi tərk etmək hüququ var. Mən bunu əvvəl də demişəm, bu gün də bir daha bəyan edirəm". N.Nazarbayevin sözlərinə görə, Qazaxıstan onun təhlükəsizliyini və müstəqilliyini təhdid edəcək heç bir birliyin tərkibində olmayacaq: "Ən qiymətli sərvətimiz müstəqilliyimizdir. Ata-babalarımız uzun müddət məhz bunun üçün mübarizə aparıblar. Biz bu müstəqilliyi heç kimə təslim etməyəcəyik, onu qorumaq üçün əlimizdən gələn hər şeyi edəcəyik".
Çox maraqlıdır ki, Nazarbayevin Avrasiya İttifaqından çıxmaq hüququnu dilə gətirməsindən sonra Kremlin niyyətlərinin qeyri-rəsmi ifadəçisi kimi ad çıxaran Rusiya Liberal Demokrat Partiyasının sədri Vladimir Жirinovski Qazaxıstanın da mümkün işğalı ilə bağlı fikirlər səsləndirib. O hesab edir ki, Rusiya Qazaxıstanı işğal etməlidir, çünki orada rusofobiya əhval-ruhiyyəsi hökm sürür. Жirinovski "Exo Moskvı" radiosuna müsahibəsində bununla bağlı deyib: "Qazaxıstanın bütün dərsliklərində anti-rus əhval-ruhiyyəsi var. Rusiya Qazaxıstanı işğal etməyib, əksinə köməyə gəldi, yoxsa cunqarlar qazaxları öldürürdü. Rus ordusu da cunqarları qovdu və indi onlar Çində oturublar. Qazax ulusu rus çarına müraciət edərək ona yalvardı, ayaqlarına düşdülər. Çar da ordu göndərib Şimali Qazaxıstanı azad etdi".
Onun sözlərinə görə, Qazaxıstanda şəhərlərin əksəriyyətinin adları rus dilindədir: Semireçye, Ust-Kameneqorsk, Artyomovsk, Semipalatinsk. Жirinovski bildirib ki, Qazaxıstana qarşı olan iddianı hələlik saxlamaq lazımdır: "Hələ gözləyək. Gəlin, Ukraynanı məğlub edək. Qazaxıstan Gömrük İttifaqının üzvüdür". Bütün bu açıqlamalar, əslində, perspektivdə Rusiyanın planlarında Qazaxıstanla da bağlı təhlükəli məqamların olduğunu deməyə əsas verir. Xatırladaq ki, Qazaxıstanda xeyli sayda rus yaşayır və onlar Qazaxıstanın şimalında əhalinin yarısını təşkil edir. Ukrayna hadisələrinə diqqət çəkən ekspertlər xatırladır ki, Moskva Krıma müdaxiləsini oradakı rusları qorumaq məqsədilə izah edib. Eləcə də 2008-ci ildə Rusiya və Gürcüstan arasında kiçik müharibə baş verdi və bu, Cənubi Osetiya və Abxaziya regionlarının Gürcüstandan ayrılması ilə nəticələndi. Moskva isə yenə məqsədinin rusdilli əhalini qorumaq olduğunu bildirdi. İndi Qazaxıstanda da eyni ssenarinin təkrarlanma ehtimalı artır. Burada, Жirinovskinin iddia etdiyi kimi, rusların və rus dilinin sıxışdırılması baş verərsə, bu, Nursultan Nazarbayevin dediyi kimi, ölkədə yeni Ukrayna hadisələrinə gətirib çıxara bilər. İndilikdə isə Qazaxıstanın Rusiya ilə yaxın münasibətləri var və Belarusla yanaşı, Gömrük İttifaqının üzvü olan ölkədir. Lakin Nazarbayevin səsləndirdyi son fikirər burada hər an təhlükəli ssenarilərin işə salına biləcəyini göstərir.

DİGƏR XƏBƏRLƏR

Tarix: 29.05.2026 / 18:11

Dörd ölkənin liderləri Paşinyanın qarşısında qəti tələb qoydu - referendum keçirib, Aİ və AİB arasında seçim edin...

Tarix: 29.05.2026 / 17:43

İran-ABŞ danışıqlarının ŞOK DETALLARI ortaya çıxdı - 300 milyardlıq dalan... Dondurulmuş 24 milyardla bağlı "Qətər formulu"...

Tarix: 29.05.2026 / 17:10

Azərbaycan QHT-ləri 48 ölkəyə çağırış etdi - "Lafarge" şirkətinin fəaliyyəti araşdırılsın...

Tarix: 29.05.2026 / 16:41

Moskva İrəvana növbəti dəfə mesaj göndərdi – bu bizim üçün qəbuledilməzdir...

Tarix: 29.05.2026 / 14:34

Bakı-Tiflis-Qars sayəsində Avropa və Asiyanın iqtisadi bağları güclənir

Tarix: 29.05.2026 / 14:31

Ermənistan xaricdən aldığı hərbi texnikanı yerli istehsal adı ilə əhalisinə sırımağa çalışır

Tarix: 29.05.2026 / 12:32

Məhəmməd Muizzu Prezident İlham Əliyevə məktub ünvanlayıb

Tarix: 29.05.2026 / 12:27

Asəf Hacıyev “Şöhrət” ordeni ilə təltif edilib

Tarix: 28.05.2026 / 21:18

Ermənistan seçkiləri izləyəcək MDB missiyasındakı Rusiya vətəndaşlarını ölkəyə buraxmadı...

Tarix: 28.05.2026 / 20:55

Prezidentin sosial media hesablarında Şuşaya səfəri ilə bağlı videoçarx paylaşılıb - VİDEO

Tarix: 28.05.2026 / 20:37

Gürcüstanın Baş naziri Prezident İlham Əliyevi təbrik etdi

Tarix: 28.05.2026 / 19:37

ABŞ-ın müxtəlif ştat və şəhərləri 28 May Müstəqillik Günü münasibətilə bəyannamə imzalayıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 26.05.2026 / 20:31

Prezident İlham Əliyev Azərbaycanda əhalinin şəhərlərdən kəndlərə dönüşünün zəruriliyini çox maraqlı bir ideya kimi irəli sürdü...

Tarix: 25.05.2026 / 11:54

Prezident kənd təsərrüfatı məsələlərinə həsr olunmuş müşavirə keçirdi - FOTO/YENİLƏNDİ

Tarix: 21.05.2026 / 18:44

“Abituriyentləri dolaşdıran bir sual göstərin” - Abbaszadənin cavabı verildi...

WUF13 Azərbaycanın milli, mədəni, əxlaqi, tarixi kimliyinin nümayiş meydanıdır...