Rusiyada miqrantlara vətəndaşlıq hərbi xidmət qarşılığında verilə bilər

Tarix: 21.08.2014 / 09:06
Bölmə: Siyasət

Demoqrafiya sahəsində ciddi problemlərlə üzləşən Rusiya bu sahədə məsələnin həlli üçün miqrant amilinə getdikcə daha çox üstünlük verməkdədir. Məlum olduğu kimi, hələ bu ilin aprelində MDB ölkələri, Gürcüstan və Baltikyanı respubikalarının vətəndaşlarına Rusiya vətəndaşlığının verilməsi proseduru sadələşdirilib.
Bununla bağlı müvafiq qanuna görə, rus dilini bilən xarici vətəndaşlara və vətəndaşlığı olmayan şəxslərə Rusiya pasportunun verilməsi qaydaları asanlaşdırılıb. Həmin şəxslərin özləri, yaxud da yaxın qohumlarının əvvəllər Rusiya Federasiyasında, o cümlədən Rusiya imperiyası və SSRİ-nin tərkibində olan ərazilərdə daimi yaşadıqlarını təsdiq edən sənədi olmalıdır. Rusiya vətəndaşlığına iddia edən şəxslər, həmçinin, hazırda vətəndaşı olduğu ölkənin vətəndaşlığından imtina etməlidir. Eyni zamanda, xarici ölkə vətəndaşlığından imtina hazırda Rusiyada yaşayan əcnəbilərə Rusiya vətəndaşlığını sadələşdirilmiş qaydada almaq imkanı verir. Artıq ötən müddətdə minlərlə miqrantın bundan yararlanaraq Rusiya vətəndaşlığını alması barədə məlumatlar var.
Belə bir vaxtda yayılan digər məlumata əsasən, Rusiya miqrantlarla bağlı siyasətini daha da genişləndirməyi düşünür. Belə ki, Rusiyada miqrantlara hərbi xidmət qarşılığında vətəndaşlıq verilməsi ilə bağlı qanun layihəsi İctimai Palataya göndərilib. Məqsəd qanun layihəsinin ictimai legitimliyini təmin etməkdir. Məsələ ilə bağlı "publika" portalının məlumatına əsasən, Rusiyadakı miqrantlar arasında bununla bağlı təbliğat da başlayıb. Məlumat verən mənbə bildirir ki, NATO təhlükəsi və müharibə ehtimalı Rusiyanın belə bir addım atmağa sövq edir. Belə ki, Moskva xarici təhlükələr olacağı təqdirdə daxildən zərbələrin olması ehtimalının qarşısını almağı düşünür. Ən böyük təhlükənin isə miqrantlardan gələ biləcəyi hesab edilir.
Digər tərəfdən, bu, vətəndaşlıq almaq üçün növbəyə dayanan miqrantların ələ alınması anlamına gəlir. Beləliklə, vətəndaşlıq üçün hərbi xidmət keçməyə razı olan miqrantlar dövlət qarşısında öhdəlik də götürəcəklər. Məlumat üçün bildirək ki, belə bir təcrübə Tacikistanda var. Belə ki, 201-ci diviziyada tacik və özbəklər müqavilə əsasında xidmət edir. Mənbə bildirir ki, yaradılacaq miqrant orduları millətlərdən ibarət diviziyalar formasında ola bilər. Qeyd edək ki, bu ilin aprel ayında Rusiya Dövlət Dumasına belə bir qanun layihəsi təklif olunub. "Rusiya miqrantları ittifaqı"nın təşəbbüsü ilə hazırlanan qanun layihəsinə görə, əvvəlcə Rusiyada doğulan miqrant uşaqları, sonrakı mərhələdə isə öz ölkəsində hərbi xidmət keçməyən, yaxud bunu istəməyən miqrantlar rus ordusunda hərbi xidmət keçməklə vətəndaşlıq ala bilər.
Dumanın müdafiə məsələləri üzrə komitəsinin üzvü Viktor Vodolaskiya məsələni belə şərh edib: "Rusiya ordusunda xidmət keçmək miqrant uşaqları üçün kifayət qədər problemli məsələdir. Bu, qanunvericilikdə həllini tapmalıdır. Rusiya vətəndaşlığını almamış, amma bizim ölkə ərazisində doğulmuş miqrant uşaqları orduda xidmət keçmək, hətta zabit olmaq istəyirlər. Biz bu məsələni komitənin ən yaxın iclaslarında müzakirə edəcəyik". O, hərbi xidmət əvəzinə miqrantlara Rusiya pasportu verməyi təklif etdiklərini açıqlayıb. Məlumatlara görə, qanun layihəsi ictimailəşdirildikdən sonra Dumanın müzakirəsinə veriləcək. Qanunun qəbulu ehtimalı böyükdür. Aydın məsələdir ki, bu şəraitdə Rusiyada hərbi xidmət keçənlər arasında azərbaycanlı miqrantlar da olacaq.
Rusiya Federal Miqrasiya Xidməti (FMX) isə daha əvvəl məlumat yaymışdı ki, Rusiyada yaşayan miqrantlar hakimiyyətdən onlara Rusiya ordusuna xidmət etmək hüququ verməyi "xahiş" edirlər. Məlum olduğu kimi, Rusiyada yaşayan bir çox etniklər orduda xidmət etmir. Bundan başqa, mütəxəssislər Rusiyada hər dörd çağırışçıdan birinin ordu üçün yararlı olduğunu bildirir. Onların fikrincə, miqrantlar ordu üçün ən "rahat" material ola bilər.
Baş verənlər həm də miqrantlar hesabına Rusiyanın vətəndaşlarının sayının artmasına gətirib çıxaracaq və belə görünür ki, həmin miqrantlar sırasında soydaşlarımız da olacaq. Rusiya Strateji Araşdırmalar Mərkəzinin direktoru İqor Beloborodov isə bundan əvvəl miqrant siyasətini şərh edərkən bildirib ki, 2050-ci ildə Rusiyanın yarısı miqrantlardan ibarət olacaq. O, Rusiya ərazisinə miqrasiya axınının 30 milyon nəfərə yaxınlaşdığını deyib: "Rusiya ərazisinə miqrasiya axını 30 milyon nəfərə yaxınlaşır. Onun təxminən 16-18 milyonunu qeyri-leqal miqrantlar təşkil edir. Bir ölkədə ümumi əhalinin 7%-dən çoxunu miqrantlar təşkil edirsə, bu zaman etnik qarşıdurmalar başlaya bilər. Ən pis vəziyyət isə Sibir və Uzaq Şərqdədir. Bura Çindən axın edənlərin sayı həddindən artıq çoxdur".

DİGƏR XƏBƏRLƏR

Tarix: 12.06.2026 / 22:12

Fransa mediası Azərbaycana qarşı çirkin kampaniyaya başladı - MEDİA-dan sərt açıqlama...

Tarix: 12.06.2026 / 21:56

Paşinyan Zəngəzur dəhlizində neft-qaz kəmərini şübhə altına aldı...

Tarix: 12.06.2026 / 21:12

Paşinyan KTMT-dən çıxmaqla bağlı daha bir bəyanat verdi...

Tarix: 12.06.2026 / 20:15

Tramp İranı bombalamağı növbəti dəfə təxirə saldı... Neçə dəfə olar?!

Tarix: 12.06.2026 / 19:34

Fuat Oktay Prezident İlham Əliyevə təbrik məktubu ünvanlayıb

Tarix: 12.06.2026 / 18:12

Netanyahu Prezident İlham Əliyevə məktub ünvanlayıb

Tarix: 12.06.2026 / 17:43

Trampın qızı və kürəkəni Kuşnerə görə Albaniyanı "Flaminqo inqilabı" bürüdü...

Tarix: 12.06.2026 / 17:43

Müxalifətin xalqı Paşinyana qarşı səfərbər etmək cəhdləri iflasa uğrayır...

Tarix: 12.06.2026 / 17:20

Rusiya Ermənistan məhsullarına qadağaları genişləndirdi - siyasi gərginlik artır...

Tarix: 12.06.2026 / 17:18

"Yeni Şafak"dan şok xəbər - Türkiyə iki istiqamətdə Ermənistanla sərhədi açır, ticarət 1 milyard dollara çatacaq...

Tarix: 12.06.2026 / 17:14

Prezident Əliyev tənqid etdi, ardınca proses başladı...

Tarix: 12.06.2026 / 16:39

Merts qəti şərt qoydu - Ukraynada sülh yalnız bu formatda mümkündür, başqa heç cür...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 11.06.2026 / 16:47

Baş həkimə illər öncə açılmış cinayət işi yenidən təzələndi...

Tarix: 11.06.2026 / 11:52

Avropa Komissiyasından Trampın kürəkəninə ağır zərbə - "dayandırın"...

Tarix: 11.06.2026 / 11:03

Ümumi daxili məhsulla bağlı maraqlı vəziyyət yarandı - həm müsbət, həm də mənfi tərəfləri var...

Regionların tərəqqisində Qarabağ və Şərqi Zəngəzurun xüsusi çəkisi sürətlə artır