Məlum olduğu kimi, davam edən Dağlıq Qarabağ münaqişəsinin Ermənistana vurduğu ən böyük ziyanlardan biri də düşmənin silahlı qüvvələri ilə bağlıdır. Məhz bu münaqişə nəticəsində Ermənistan ordusunun tənəzzülü daha sürətli xarakter alıb, Son illərdə isə bu proses özünü daha qabarıq surətdə göstərməyə başlayıb.
Hazırkı vəziyyətdə erməni ordusu əsl cinayət mənbyinə çevrilib və son günlərdə baş verən hadisələr düşmən tərəfdə cinayətlərin həm miqyasının genişləndiyni, həm də onun gedərək daha biabırçı xarakter aldığını göstərir. Erməni mediası bu xüsusda Ermənistan Müdafiə Nazirliyi hərbi hissənin ərazisində 1991-ci il təvəllüdlü Andranik Mkrtçyanın qətli fonunda çox maraqlı məlumatlar yayıb. Rəsmi dairələr böyük əks-səda doğuran ölüm hadisəsinin intihar olduğunu bəyan etsə də, media Andranik Mkrtçyanın ölümünün təfərrüatları barədə fərqli və çox maraqlı bilgilər səsləndirir. Ermənistanda sosial şəbəkə istifadəçilərinin iddialarına görə, hadisə cinsi istismar - homoseksualizm zəminində törədildiyindən belə ajiotaja səbəb olub. Aparılan araşdırmalar zamanı hadisənin bir çox təfərrüatları ortaya çıxıb.
Oğurluq etdiyinə görə xidmət yeri İrəvan yaxınlığındakı hərbi hissədən Mehri şəhərində yerləşən hərbi hissəyə dəyişdirilən Andranik Mkrtçyanın intihar etməsi ilə bağlı özünü öldürmə həddinə çatdırma maddəsi ilə cinayət işi açılıb. Ermənistan istintaq komitəsinin hərbi istintaq bas idarəsinin xüsusi mühüm işlər üzrə istintaq idarəsinin baş müstəntiqi Q.Xacatryan tərəfindən verilən açıqlamada deyilir: “Müdafiə nazirliyinin hərbi qulluqçusu, 1991-ci il təvəllüdlü Andranik Mkrtçyanın ölümü ilə bağlı “özünü öldürmə həddinə çatdırma” maddəsi ilə cinayət işi açılıb. Araşdırma zamanı məlum olub ki, Kanakerdə xidmət edən və “Ando” kimi tanınan Andranik Mkrtçyan və digər hərbi qulluqçular hərbi hissəyə xidmətə gələn gənc əsgərləri mütəmadi olaraq cinsi istismara məruz qoyduğu, eləcə də oğurluq etdiyi üçün hərbi hissə komandanlığının təşəbbüsü ilə xidmətini davam etdirmək məqsədilə Mehri şəhərinə göndərilib. Cinsi təzyiqlərə məruz qalan gənc əsgərlərin valideyinləri “Ando”dan qisas almaq qərarına gəliblər. A.Mkrtçyanı izləyən valideynlər onu tutaraq zorlayıblar və buna dözməyən M.Andranik özünə qəsd etmək qərarına gəlib”. İstintaqa məlum olub ki, gənc əsgərlərə qarşı bu kimi əməlləri “Ando” işğal olunmuş Kəlbəcər rayonunda postlarda olarkən də törədib. Postlarda xidmət keçən bir çox gənc əsgərin M.Andranik tərəfindən cinsi təzyiqlərə məruz qaldığı bildirilir. Ermənistanlı hərbi qulluqçuların çoxunun cinsi istismara məruz qaldığını inkar etməsinə baxmayaraq, valideynlərin dəstəyi ilə bir neçə əsgər adının gizli saxlanması şərtilə istintaqla əməkdaşlığa razılıq verib. İlkin versiya olaraq nizamnamədənkənar münasibətlər nəticəsində öldürüldüyü bildirilsə də, sonradan A.Mkrtçyanın istifadəsində olan avtomatı çənəsinə dayayaraq intihar etdiyi bildirilir. Amma yerli media yazır ki, əslində erməni ordusunda bu qəbildən olan cinayət halları gedərək daha geniş vüsət alır. Təkcə Ermənistanın özündə yox, Azərbaycanın işğal olunmuş ərazilərində yerləşən düşmən ordusunun bölmələrində də çoxsaylı cinayət hadisələri baş verməkdə davam edir. Elə bu günlərdə Madagiz hərbi bazasında şəxsi heyət arasında nizamnamədənkənar qarşılıqlı münasibətlərin pozulması nəticəsində bölük komandiri A. Qrikoryan vəzifəsindən sui-istifadə edərək tabeliyində olan Hamo adlı əsgərə qarşı fiziki güc tətbiq edib. Xəsarət alan əsgərin valideynləri övladlarına qarşı tez-tez belə hərəkətlərə yol verildiyindən hüquq-mühafizə orqanlarına müraciət etmək məcburiyyətində qaldıqlarını bildiriblər.
Bundan başqa, məlumdur ki, Ermənistan ordusunda zabitlər dolanışıq ucbatından rüşvət almaq məcburiyyətindədir. Məsələn, bu günlərdə məlum olub ki, Ağdərə istiqamətində yerləşən düşmən ordusunun hərbi qulluqçusu Avetisyan Qarik Tiqranoviçin rabitə bölüyünə təyin olunması üçün 700 ABŞ dolları məbləğində rüşvət verilib. Belə bir hadisə başqa hərbi hissədə də qeydə alınıb. Bu isə əsgər valideynlərinin narazılığına səbəb olub və narazılıq ərizəsi əsasında hərbi polis araşdırmalara başlayıb. Həmin hərbi hissənin başqa bir alayının bölmələrindən birində sürücü vəzifəsində xidmət edən müddətli hərbi qulluqçunun ön xətt bölməsindən xidmətinin daha rahat yerə təyin olunması üçün alayın vəzifəli şəxsinə rüşvət təklif etməsi də araşdırma zamanı aşkar olunub. Yenə bu günlərdə Madagiz hərbi bazasında şəxsi heyət arasında nizamnamədənkənar qarşılıqlı münasibətlərin pozulması nəticəsində əsgərlər Asatryan və Arsen Markaryan ciddi bədən xəsarətləri alıb. Xidməti vəzifələrini yerinə yetirən alayın 4-cü taborunun hər iki əsgəri yuyunma yerinin təmizlənməsindən imtina etdiyi üçün taqım komandiri Aşot Gevorkyan tərəfindən vəhşicəsinə döyülərək hospitala yerləşdirilib. Bundan əlavə, məlum olub ki, elə həmin gün bu alayın 2-ci taborunun əsgəri Qaqik Martirosyan da hələlik naməlum şəraitdə barmağı sındığı üçün hospitala aparılıb. Ağdərə ətrafında yerləşən digər bölmədə odlu silahdan istifadə qaydalarının pozulması səbəbindən Hraç adlı əsgər barəsində açılan cinayət işi ilə əlaqədar hərbi qulluqçular Aram Mardinyan, Alyoşa Barseğyan, Apres Qriqoryan və Harutyun Hakopyan istintaqa cəlb olunub. Yenə də Ağdərədə yerləşən işğalçı ordunun hərbi hissəsində müqavilə əsasında xidmət edən hərbi qulluqçusu Armen Yeğizaryan tərəfindən kiçik rütbəli zabitin döyülməsi, o cümlədən fərarilik və mobil telefondan istifadə etmə faktları üzrə cinayət işləri açılıb. Bütün bunlar yalnız son günlərdə baş verənlərdir. Erməni mediası yazır ki, bu gedişlə törədilən cinayətlər üzündən yaxın tezlikdə Ermənistan ordusundan əsər-əlamət qalmayacaq.
Nahid SALAYEV
