Rusiyanın yeni vətəndaşlıq qaydaları Azərbaycana doğru jest kimi...

Tarix: 23.05.2014 / 04:35
Bölmə: Siyasət

Ukrayna hadisələrindən sonra Rusiyanın vətəndaşlıq məsələsini sadələşdirməsi ilə bağlı yayılan xəbərlərdən Azərbaycanda ciddi narahatlıq yaşandı. Soydaşlarımıza yönələn yeni miqrasiya siyasətində Azərbaycan vətəndaşları olan çoxlu sayda soydaşımızın bu yenilikdən yararlanacağı proqnozlaşdırılırdı. Artıq bu istiqamətdə yeniliyin olduğu haqda xəbərlər var.
Belə ki, Rusiyanın Azərbaycandakı səfirliyi çoxsaylı müraciətlərlə əlaqədar Rusiya vətəndaşlığının verilməsi proseduruna edilən dəyişikliklərlə bağlı məlumat yayıb.
Rusiyanın Azərbaycandakı səfirliyinin saytına istinadən verilən məlumata görə, müvafiq dəyişikliklər Rusiya ərazisində yaşayan və rus dilini bilən əcnəbilər, habelə vətəndaşlığı olmayan şəxslər üçün Rusiya vətəndaşlığına qəbul qaydalarının sadələşdirilməsini nəzərdə tutur.
Əsas şərtlərdən biri odur ki, həmin şəxslər öz ölkəsinin vətəndaşlığından imtina etməlidir.
Yeni qanun, həmçinin, özü, ya yaxın qohumları vaxtilə Rusiyada, yaxud da Rusiya imperiyası və SSRİ ərazisində yaşamış və rus dilini bilən şəxslərə aiddir.
Xarici vətəndaşın, yaxud da vətəndaşlığı olmayan şəxsin rus dilini hansı səviyyədə bilməsi xüsusi komissiya tərəfindən müsabiqə yolu ilə müəyyən edilir. Bu komissiya Rusiya Federal Miqrasiya Xidməti tərəfindən yaradılır.
Əslində bu yeniliklər Azərbaycan əsilli şəxslər üçün nə vəd edir?
Əvvəllər müvəqqəti və ya daimi yaşayış icazəsi əsasında Rusiyada yaşayan Azərbaycan vətəndaşı (milliyyətindən asılı olmayaraq) müəyyən illər ötdükdən sonra Rusiya vətəndaşlığını ala bilirdisə, yeni qaydalara əsasən, həmin şəxs rus dili daşıyıcısı kimi tanındıqdan dərhal sonra Rusiya vətəndaşlığını almaq üçün müvafiq orqana müraciət edə bilər. Belə olan halda Azərbaycan vətəndaşlığından imtina mütləqdir.
Qanuna edilmiş dəyişikliklər, həmçinin, Rusiya Federasiyasından kənarda yaşayan, vaxtilə özü, yaxud yaxın qohumları Rusiyada, yaxud da Rusiya imperiyası və SSRİ ərazisində yaşamış və rus dilini bilən şəxslərə Rusiya vətəndaşlığını almaq imkanı verir.
Belə olan halda, Azərbaycan vətəndaşı Rusiyaya gəlməli, müvafiq komissiya tərəfindən təşkil olunan müsabiqədən (rus dili bilikləri səviyyəsinin yoxlanması) keçməli və vaxtilə özünün, yaxud yaxın qohumlarının Rusiyada, yaxud da Rusiya imperiyası və SSRİ ərazisində yaşadığını təsdiq edən sənədləri təqdim etməlidir. Rusiya vətəndaşlığını əldə etmək istəyən şəxs lazımi sənədlərin toplanması ilə özü məşğul olmalıdır.
Bütün prosedurlardan uğurla keçəcəyi təqdirdə Azərbaycan vətəndaşı Rusiyada 3 il müddətinə yaşamaq hüququ verən sənəd əldə edir. Növbəti 2 il ərzində həmin şəxs Rusiya vətəndaşlığına qəbul üçün müraciət etməlidir. Bu halda, Azərbaycan vətəndaşlığından çıxmaq mütləqdir.
Rusiya vətəndaşlığının verilməsi proseduruna edilmiş bu dəyişikliklər yalnız Rusiya ərazisində Federal Miqrasiya Xidmətinin orqanları tərəfindən həyata keçirilir.
Edilən bu dəyişikliyi iki ölkə arasındakı münasibətlərin daha da yaxşılaşması baxımından Rusiya tərəfindən edilən xoşməramlı bir jest kimi dəyərləndirmək olarmı?
Azərbaycan Miqrasiya Mərkəzinin hüquqşünası Cavid Qasımov "Bakı-Xəbər"ə bildirdi ki, əslində Rusiya səfirliyinə istinadən açıqlanan məlumatlarda elə də böyük yeniliklər yoxdur: "Bunu Rusiyanın Azərbaycana xoşməramlı jesti kimi qiymətləndirməkdə çətinlik çəkirəm. Açıqlanan yeni şərtlərdən ən diqqətçəkəni Azərbaycan vətəndaşlarının Rusiya vətəndaşlığını qəbul edərkən öz vətəndaşlığımızdan imtina məsələsidir. Bu qadağa əvvəlcə də vardı. Çünki onsuz da Azərbaycan qanunvericiliyi ikili vətəndaşlığa icazə vermir. İki pasportu olan şəxslər, çox güman ki, bunu gizli yolla edib. Bir daha bildirim ki, Rusiyanın miqrasiya məsələləri ilə bağlı yürütdüyü yeni siyasət yalnız Azərbaycan üçün nəzərdə tutulmayıb.
Bu bütün MDB ölkələrinə şamil olunur. Rusiyanın ölkəyə insan cəlbində marağı böyükdür. Çünki dünyanın ən böyük ərazisinə malik olan bir ölkədə təbii artım kritik həddədir. Bu da qabaqlayıcı tədbirlərin görülməsini zəruri edir. Mən bu yeniliklərdə siyasi məqamları az görürəm".

DİGƏR XƏBƏRLƏR

Tarix: 04.06.2026 / 20:35

Ermənistanın üstündə ABŞ-Rusiya intriqası daha açıq şəkil aldı...

Tarix: 04.06.2026 / 18:18

Ermənistanda seçki prosesi və regionun gələcək siyasi mənzərəsi

Tarix: 04.06.2026 / 17:52

Rusiya XİN Azərbaycanla mədəni əməkdaşlığın yenidən başlanmasının vacibliyini bəyan etdi

Tarix: 04.06.2026 / 17:18

"Rusiya Azərbaycanın Aİİ-yə yaxınlaşmasına hərtərəfli dəstək verməyə hazırdır" - Qaluzin

Tarix: 04.06.2026 / 16:32

Sonuncu BAZAR – Paşinyan İrəvanı Rusiyadan QOPARIR...

Tarix: 04.06.2026 / 15:24

Qazaxıstan Kiprlə yaxınlaşır -Türk Dövlətləri Təşkilatında təfriqə...

Tarix: 04.06.2026 / 14:35

Böyük Qayıdış mərhələsində keçmiş məcburi köçkünlərə sosial dəstək siyasəti yeni mərhələyə daxil olur

Tarix: 04.06.2026 / 14:31

Rusiya ilə boşanma, Avropa ilə nişan - sonda hər şey Bakıda həll olunacaq...

Tarix: 04.06.2026 / 14:24

AB Rusiyanın acığına Ermənistana "Ukrayna və Moldova" tədbirlərini tətbiq etdi...

Tarix: 04.06.2026 / 14:22

Paşinyan seçkiyə 3 gün qalmış Putinin könlünü bu yolla almaq istədi...

Tarix: 04.06.2026 / 14:11

İran savaşı ABŞ-da idarəçilik böhranı yaradır - Konqres prezidentə qarşı sərt hərəkətə keçdi...

Tarix: 04.06.2026 / 13:39

Aİİ-dən sonra Ermənistanın KTMT-dən çıxışı müzakirəyə verildi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.06.2026 / 13:56

Ermənilər bir ailənin 5 üzvünü qətl etdi -Bakıdakı dipmissiyalar susdu...

Tarix: 01.06.2026 / 13:51

Bakıda iqlimin kəskin dəyişməsinin səbəbi bilindi - inanmayacaqsınız, lakin...

Tarix: 01.06.2026 / 13:39

Suriya terrorunda əli olan "Holcim"in Azərbaycandakı fəaliyyətinə də növbə çatdı...

Məcburi köçkün gənclərin inkişafına son 20 ildə dövlət dəstəyi...