Rusiya Azərbaycan vətəndaşlarına da viza tətbiq edə bilər

Tarix: 02.05.2014 / 09:07
Bölmə: Siyasət

Şimal qonşumuzun yaratmaq niyyətində olduğu Gömrük İttifaqı Ukraynada məlum hadisələrə görə müəyyən qədər ləngisə də, Kreml bu məsələ ilə bağlı planlarından hələ də əl çəkmək niyyətində deyil. Eyni zamanda, Rusiyanın xüsusi maraq dairəsində olan məsələlərdən biri də Gömrük İttifaqına mümkün qədər çox dövlətin cəlb olunmasına nail olmaqdır. Bunun üçün isə Kreml əlində olan bütün təsir mexanizmlərindən yararlanmaqda israrlıdır.
Buraya Gömrük İttifaqına qoşulmaq istəməyən ölkərə qarşı gediş-gəlişin viza əsasında həyata keçirilməsi də daxildir.
Xatırladaq ki, viza məsələsi bir müddət əvvəl Rusiya baş nazirinin müavini Dmitri Kozak tərəfindən gündəmə gətirilib. Bununla bağlı o deyib: "Milli maraqlarımızın müdafiəsi üçün Rusiyaya kütləvi miqrant axını olan bəzi ölkələrlə viza rejimi tətbiq edilməlidir.
Viza tətbiqi qaçılmaz prosesdir. Çünki dünyada ölkələrin sosial-iqtisadi inkişaf səviyyəsi müxtəlifdir. Biz miqrasiya axınlarını viza rejimi ilə tənzimləməsək, ölkəmizi millətlərarası münaqişələrdən qoruya bilmərik". D.Kozakın fikrincə, bu həm də ona görə vacibdir ki, Rusiya Avropa Birliyi ilə vizasız rejim barədə danışıqlar aparır: "Bu danışıqların əsas şərti isə Rusiyanın xarici sərhədlərinin möhkəmləndirilməsidir. Əks halda, Rusiya vətəndaşlarının Avropa ölkələrində sərbəst hərəkət etməsi ilə bağlı Avropa Birliyi ilə razılıq əldə edə bilməyəcəyik".
İndi isə Moskva qeyd olunan istiqamətdə konkret fəaliyyətə keçib. "Nezavisimaya gazeta"nın məsələ ilə bağlı yaydığı məlumata görə, artıq müvafiq qanun layihəsi may bayramlarından dərhal sonra Dövlət Dumasına təqdim ediləcək. Məlumat üçün bildirək ki, Sankt-Peterburq deputatlar qrupu miqrant problemini həll etmək üçün qanun layihəsi hazırlayıb. Qanun layihəsinə görə, işəgötürənlər vizasız ölkələrdən gələn miqrantları ev və tibbi xidmətlə təmin etməlidir. Sözügedən qanun layihəsi qəbul olunduğu halda Gömrük İttifaqına daxil olmayan ölkələrdən gələn miqrantlar üçün hansı nəticələrin olacağı ilə bağlı Siyasi Texnologiylar Mərkəzinin vitse-prezidenti Rostislav Turovski bildirir ki, qanun layihəsinin qəbulundan sonra sahibkarlar xarici iş qüvvəsindən imtina etməyə başlayacaq: "Onlar üçün ucuz işçi qüvvəsi əlverişli idi. Onlardan miqrantların saxlanması üçün əlavə vəsait tələb olunacaqsa, düşünürəm ki, sahibkarların çoxu miqrantları əməyə cəlb etmək fikrindən daşınacaq".
Milli Strategiya İnstitutunun prezidenti Mixail Remizov irəli sürülən təklifi prinsip etibarilə ağıllı və səmərəli hesab edir. Onun fikrincə, işəgötürənlər dəvət edilmiş işçiləri müəyyən sosial standartlarla təmin etməyə məcbur ediləcək. Ancaq ekspert xatırladır ki, təklif edilmiş qanun layihəsi yalnız birinci variantda səmərəli olacaq. Rusiya Kommunist Partiyasında isə hesab edirlər ki problemin həlli üçün ilk növbədə MDB ölkələri ilə viza rejimi tətbiq olunmalıdır. Partiyanın hüquq şöbəsinin rəhbəri, deputat Vadim Solovyov "Nezavisimaya gazeta"ya açıqlamasında may bayramlarından sonra kommunistlərin əmək miqrantları üçün vizaların tətbiqini nəzərdə tutan qanun layihəsini yenidən Dövlət Dumasına daxil edəcəyini bildirib. Sözügedən qanun layihəsi qışda Dövlət Dumasına təqdim edilmiş, lakin Krım hadisələri ilə əlaqədar gündəmdən çıxarılmışdı.
Aydındır ki, viza tətbiqi reallaşsa, bu, Azərbaycana da təsirsiz ötüşməyəcək. Çünki rəsmi Bakı, Rusiyanın israrlarına baxmayaraq, Gömrük İttifaqına üzv olmaq niyyətində olmadığını bəyan edib. Viza məsələsi isə böyük sayda miqrant ordusuna təsir edəcək. Belə ki, Rusiya Federal Miqrasiya Xidmətinin rəhbəri Konstantin Romodanovski ölkədə təxminən 3,7 milyon qeyri-leqal miqrantın olduğunu bildirib. Təxminən 4 milyon miqrant isə, Romodanovskinin sözlərinə görə, "risq qrupu"nu təşkil edir. Onlar 90 gündən çox Rusiya ərazisində qalan miqrantlardır. "Risk qrupu"nda yer alan miqrantların təxminən 40 faizinin yaşı 17-29 arasındadır. Onlar rus dilini bilmir və Rusiya cəmiyyətinə uyğunlaşmaqda çətinlik çəkirlər. Rəsmi məlumatlara görə, keçən il ölkəyə təxminən 18 milyon əcnəbi daxil olub, onlardan 12,4 milyonu işləmək üçün gəlib. Vizanın tətbiqi isə bu miqrantların sayının əhəmiyyətli dərəcədə azalmasına səbəb olacaq.

DİGƏR XƏBƏRLƏR

Tarix: 29.05.2026 / 18:11

Dörd ölkənin liderləri Paşinyanın qarşısında qəti tələb qoydu - referendum keçirib, Aİ və AİB arasında seçim edin...

Tarix: 29.05.2026 / 17:43

İran-ABŞ danışıqlarının ŞOK DETALLARI ortaya çıxdı - 300 milyardlıq dalan... Dondurulmuş 24 milyardla bağlı "Qətər formulu"...

Tarix: 29.05.2026 / 17:10

Azərbaycan QHT-ləri 48 ölkəyə çağırış etdi - "Lafarge" şirkətinin fəaliyyəti araşdırılsın...

Tarix: 29.05.2026 / 16:41

Moskva İrəvana növbəti dəfə mesaj göndərdi – bu bizim üçün qəbuledilməzdir...

Tarix: 29.05.2026 / 14:34

Bakı-Tiflis-Qars sayəsində Avropa və Asiyanın iqtisadi bağları güclənir

Tarix: 29.05.2026 / 14:31

Ermənistan xaricdən aldığı hərbi texnikanı yerli istehsal adı ilə əhalisinə sırımağa çalışır

Tarix: 29.05.2026 / 12:32

Məhəmməd Muizzu Prezident İlham Əliyevə məktub ünvanlayıb

Tarix: 29.05.2026 / 12:27

Asəf Hacıyev “Şöhrət” ordeni ilə təltif edilib

Tarix: 28.05.2026 / 21:18

Ermənistan seçkiləri izləyəcək MDB missiyasındakı Rusiya vətəndaşlarını ölkəyə buraxmadı...

Tarix: 28.05.2026 / 20:55

Prezidentin sosial media hesablarında Şuşaya səfəri ilə bağlı videoçarx paylaşılıb - VİDEO

Tarix: 28.05.2026 / 20:37

Gürcüstanın Baş naziri Prezident İlham Əliyevi təbrik etdi

Tarix: 28.05.2026 / 19:37

ABŞ-ın müxtəlif ştat və şəhərləri 28 May Müstəqillik Günü münasibətilə bəyannamə imzalayıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 26.05.2026 / 20:31

Prezident İlham Əliyev Azərbaycanda əhalinin şəhərlərdən kəndlərə dönüşünün zəruriliyini çox maraqlı bir ideya kimi irəli sürdü...

Tarix: 25.05.2026 / 11:54

Prezident kənd təsərrüfatı məsələlərinə həsr olunmuş müşavirə keçirdi - FOTO/YENİLƏNDİ

Tarix: 21.05.2026 / 18:44

“Abituriyentləri dolaşdıran bir sual göstərin” - Abbaszadənin cavabı verildi...

WUF13 Azərbaycanın milli, mədəni, əxlaqi, tarixi kimliyinin nümayiş meydanıdır...