Məlum olduğu kimi bu günlərdə Ermənistanın baş naziri Nikol Paşinyan Erməni Apostol Kilsəsinin rəhbəri, bütün ermənilərin katolikosu II Qareginin Eçmiədzindəki iqamətgahından çıxarılmasına hazırlıq görməyə çağırıb.
Tərəfdarlarına xitabən Paşinyan bu barədə özünün Feysbuk səhifəsində aşağıdakıları yazıb: “Biz bunu birlikdə edəcəyik. Hazır olun. Arzuolunmaz, təəssüf doğuran, lakin nikah sədaqətini qoruya bilməyən ər-arvadın boşanması məntiqlidir. Kilsə məsələsində də belə olmalıdır. Ktriç Nersisyan patriarxın otaqlarını boşaltmalıdır... İbadətlə, oruc tutaraq yaşayın və Eçmiədzinin mərkəzi meydanında keçiriləcək Böyük Ruhani Toplantıya hazırlaşın”.
Paşinyan bu fonda II Qareginin ətrafındakı bəzi yüksəkçinli kilsə xadimlərini sərt tənqid edib. Kilisənin ruhaniləri tərəfindən könüllü olaraq qəbul edilən, lakin sonradan subaylıq andının pozulmasını yenidən ciddi şəkildə pisləyib. Paşinyan yazır ki, subaylıq andı Allah və kilsə qarşısında edilən müqəddəs və könüllü bir vəddir və bu andı pozmaq sadəcə şəxsi məsuliyyətsizlik deyil, eyni zamanda bütün Ermənistan Apostol Kilsəsinin nüfuzuna ağır zərbədir: “Onlar andı pozub və pozur, zina edir, subaylıq andını və Erməni Apostol Müqəddəs Kilsəsini ləkələyirlər”. Baş nazir bu kontekstdə ABŞ-da baş verən məlum bir hadisəyə də toxunub. Belə ki, məşhur texnologiya şirkəti “Astronomer”in direktoru əməkdaşlarından biri ilə əxlaqa zidd münasibətdə günahlandırıldıqdan sonra dərhal işdən uzaqlaşdırılıb və onun yerinə müvəqqəti direktor təyin olunub. Paşinyan bildirir ki, “Astronomer” sadəcə bir IT şirkəti olsa da, öz dəyərlərinə sadiq qalaraq məsuliyyətli addım atıb, halbuki Ermənistan kilsəsində bu cür məsuliyyət hissi müşahidə olunmur: “Astronomer” sadəcə bir texnologiya şirkətidir. Amma o belə, öz dəyərləri ilə ziddiyyət təşkil edən davranışa dözümlü yanaşmadı. Ermənistan Apostol Kilsəsi isə bu məsələdə susqunluq nümayiş etdirir”. Erməni Apostol Kilsəsinin Müdafiəsi üzrə Ümumerməni Şurası bəyanat yayaraq Nikol Paşinyanın Erməni Apostol Kilsəsinin ali ruhanilərini növbəti dəfə gözdən salmaq, cəmiyyətdə inamsızlıq və nifrət səpmək məqsədi daşıyan paylaşım etdiyiniddia edib: "Baş nazir öz vəzifəsində kilsə həyatının mühüm daxili siyasi, mənəvi və kanonik məsələlərini özəl İT şirkətində baş vermiş insidentlə müqayisə edərək, Erməni Apostol Kilsəsinin çoxəsrlik missiyasını və suveren idarəçiliyini bilərəkdən aşağılayır. Bu, nəinki qeyri-mütənasib və manipulyativ şəkildə faktları təhrif edir, həm də
Konstitusiya ilə ziddiyyət yaradır. Konstitusiyada kilsə və dövlətin ayrılması ehtiva olunur. Amma baş nazirin bu "cadugər ovu" konstitusiya müddəasını kobud şəkildə pozur, bu da kilsənin dövlət tərəfindən təhlükəli təcavüzə məruz qalmasına səbəb olur”. Onun hədəfi II Qaregin Nersisyandır, sabah müxalif fikir bildirməyə cəsarət edən hər hansı bir din xadimi də hədəf ola bilər. Baş nazir Nikol Paşinyandan dərhal Erməni Apostol Kilsəsi qarşısında üzr istəməsini və kilsənin daxili həyatı ilə bağlı verdiyi qiymətləndirmədən geri çəkilməsini tələb edirik. İnsan haqları təşkilatlarını din azadlığına və kilsə muxtariyyətinə qarşı təzyiqə bənzəyən bu dövlət təzyiqinə cavab verməyə çağırırıq”.
Elə bu fonda rəhbəri həbsdə olan “Taşir” Şirkətlər Qrupunun birinci vitse-prezidenti Hayk İqnatyan Eçmiədzinin qorunmasına çağırıb: "Ermənistanın hazırkı baş naziri öz antimilli gündəmini həyata keçirmək niyyətinə sadiq qalaraq, Müqəddəs Eçmiədzinə və bütün ermənilərin katolikosuna hücum təşkil etmək niyyətini açıqladı. Bu fenomeni təsvir etməyə söz tapmaq çətindir". Onun sözlərinə görə, Eçmiədzinə hücuma hazırlaşanların monqol-tatarlar, səlcuq türkləri və ya osmanlılar deyil, həmvətənləri olduğuna inanmaq da çətindir: "Əgər bu təhlükə reallığa çevrilərsə, o zaman biz erməni xristianlar, bütün inanclı xalq öz ziyarətgahlarımızın müdafiəçisi olmalıyıq. Paşinyan bizə alternativ qoymur. Ermənistan çətin sınaq qarşısındadır, lakin mən əminəm ki, biz birləşmiş güc və inamla bu sınaqdan çıxacağıq". Məıhz belə bir vaxtda kilsənin yanında yeraldığı üçün həbsə atılan Samvel Karapetyan Kentron istintaq təcridxanasından müraciətlərinin doqquzuncu hissəsini dərc edib. Burada o, artıq açıq şəkildə hakimiyyətin devrilməsinə çağırış edir, keşişləri də bu məsəslədə öz yanında görmək arzusunu gizlətmir: “Hakimiyyətimiz ötən dövrdə nə edə bildi? 44 günlük müharibədən sonra hələ də malik olduğumuz bütün güclü danışıqlar mövqelərini itirmək və ya istifadə etməmək. Düzgün aparılan danışıqlarla bu mövqelərdən Ermənistanın əhəmiyyətli regional çəkisini saxlamaq və sülh müqaviləsi imzalanarkən şərtləri diktə etmək mümkün olardı.
Bütün bunlardan sonra onlar öz mövqelərini itirdilər və danışıqlara getdilər. Hakimiyyət Azərbaycanla danışıqlara girib, nəticədə Bakı hər şeyi alır, Ermənistan isə heç nə əldə etmir, demarkasiya və delimitasiya ilə bağlı razılığa gələrək, əvəzində heç nə almayan
İrəvan beynəlxalq vasitəçilərdən - Fransadan, ABŞ-dan və Rusiyadan imtina etmək, Bakı ilə müstəqil surətdə danışıqlar aparacaqlarını bəyan etmək ağılsızlıqdır... Dünyanın müxtəlif ölkələrində - Fransada, Yunanıstanda, Kiprdə, Birləşmiş Ərəb Əmirliklərində və mən sizi inandırıram ki, bu cür davranış və reputasiya ilə kiçik bir qruplaşmanın rəhbəri nəinki özünü, həm də vətənimizi bütün dünya qarşısında gözdən salır”. Karapetyan qeyd eir ki, bu hakimiyyətdən qurtulmaq lazımdır və onun siyasi qüvvəsi bunu öz müəyyən etdiyi yolla edəcək. Bu yol iə qarşıdurma yolu hesab edilir və bu məsələdə keşişlər də Karapetyana dəstək verməyə hazırdır.
SAMİRƏ
