Hikmət Hacıyev Azərbaycanın MDB-nin Moskva iclasında iştirak etməməsinin səbəblərini açıqladı
Azərbaycanın MDB-nin İqtisadi Şurasının iclasında iştirak etməməsi bir sıra obyektiv amillərlə bağlıdır.
Trend xəbər verir ki, bu sözləri Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev III Şuşa Qlobal Media Forumu çərçivəsində jurnalistlərə açıqlamasında bildirib.
Onun sözlərinə görə, nümayəndə heyətinin iclasda iştirak etməməsinin mümkün səbəblərinə, xüsusilə, üzvlərin iş planlarında edilən düzəlişlər daxildir.
“Bu tədbir MDB çərçivəsində çoxtərəfli əməkdaşlığa aiddir və ikitərəfli Azərbaycan-Rusiya məsələləri ilə bağlı deyil,” – deyə o bildirib.
