Çərşənbə günü, 13 avqust 2025
     

Ermənilər tərəfindən əsir və girov götürülmüş, xəsarətlər almış zərərçəkmişlər məhkəmədə ifadə verdi - FOTO

Image

Ermənistanın Azərbaycana qarşı hərbi təcavüzü nəticəsində sülh və insanlıq əleyhinə cinayətlər, müharibə cinayətləri, o cümlədən təcavüzkar müharibənin hazırlanması və aparılması, soyqırımı, müharibə qanunlarını və qaydalarını pozma, habelə terrorçuluq, terrorçuluğu maliyyələşdirmə, hakimiyyəti zorla ələ keçirmə, onu zorla saxlama və digər çoxsaylı cinayətlər törətməkdə təqsirləndirilən Ermənistan Respublikasının vətəndaşları Arayik Harutyunyan, Arkadi Qukasyan, Bako Sahakyan, Davit İşxanyan, David Babayan, Levon Mnatsakanyan və digərlərinin barəsində olan cinayət işləri üzrə açıq məhkəmə prosesinin baxış iclası iyulun 17-də davam etdirilib.

Bakı Hərbi Məhkəməsində hakimlər Zeynal Ağayevin sədrliyi ilə, Camal Ramazanovdan və Anar Rzayevdən ibarət tərkibdə (ehtiyat hakim Günel Səmədova) keçirilən məhkəmə iclasında təqsirləndirilən şəxslərin hər biri bildikləri dildə tərcüməçi, həmçinin müdafiələri üçün vəkillərlə təmin olunub.

İclasda təqsirləndirilən şəxslər, onların müdafiəçiləri, zərərçəkmiş şəxslərin bir qismi, onların hüquqi varisləri və nümayəndələri, həmçinin dövlət ittihamını müdafiə edən prokurorlar iştirak ediblər.

Hakim Zeynal Ağayev prosesdə ilk dəfə iştirak edən zərərçəkmiş şəxslərə məhkəmə heyətini, dövlət ittihamını müdafiə edən prokurorları, tərcüməçiləri və s. təqdim edib, habelə onların qanunvericiliklə nəzərdə tutulmuş hüquqlarını və vəzifələrini izah edib.

Zərərçəkmiş şəxs Ələddin Əkbərov 1990-cı ildə düşmən tərəfindən girov götürüldüyünü deyib. Girovluqda saxlanıldığı 2 ay müddətində betonun üstündə yatdığını bildirib. Dövlət ittihamçısı Vüsal Abdullayevin suallarına cavabında deyib ki, girovluqda dişləri qırılıb, başı yarılıb, ona digər xəsarətlər yetirilib. Girovluqda olduğu müddətdə çəkisi 87 kiloqramdan 45 kiloqrama düşüb.

Zərərçəkmiş şəxs İdris Məmmədov 1993-cü ilin fevral ayında döyüşlər zamanı əsir götürüldüyünü söyləyib. O, Azərbaycanın həmin vaxt Ermənistan silahlı qüvvələrinin işğalı altında olan suveren ərazilərində, o cümlədən evlərdən birinin zirzəmisində, Xankəndidə, Şuşa həbsxanasında saxlanıldığını deyib. Dövlət ittihamçısı Təranə Məmmədovanın suallarına cavabında bildirib ki, əsirlikdə saxlanılan zaman işgəncələrə məruz qalıb, dəyənəklə, yumruq və təpiklə döyülüb. Əsirlikdə olduğu üç ay müddətində ona az miqdarda çörək və su verilib.

Zərərçəkmiş Maarif Rüstəmov ifadəsində 2020-ci ildə baş vermiş 44 günlük müharibədə iştirakı zamanı ağır yaralandığını söyləyib. O, hadisənin sentyabrın 27-də Kəlbəcər rayonu istiqamətində, Murovdağda baş verdiyini bildirib. Baş Prokurorluğun Dövlət ittihamının müdafiəsi üzrə idarəsinin şöbə rəisi Nəsir Bayramovun sualına cavabında deyib ki, həmin vaxt özündən başqa daha 2 nəfər yaralanıb, 4 nəfər şəhid olub.

İlham Əsgərov ifadəsində deyib ki, 1993-cü ilin iyul ayında Ağdərə istiqamətində döyüşlərdə 8 nəfər azərbaycanlı hərbçi ilə birlikdə əsir götürülüb. Bildirib ki, onunla birlikdə əsir götürülmüş Azər adlı azərbaycanlı işgəncə və döyülmə nəticəsində ölüb. Beş ay sonra qaçaraq əsirlikdən azad olub. O, Baş prokurorun böyük köməkçisi Vüsal Əliyevin sualına cavabında deyib ki, əsirlikdə olduğu müddətdə döyülüb və işgəncələrə məruz qalıb: “İndi də əlimdə sınıq, başımda çat izləri qalır”.

Bəxtiyar Cəlilov ifadəsində bildirib ki, 2020-ci ildə baş vermiş 44 günlük Vətən müharibəsində Kəlbəcər rayonunda xidmətdə olarkən, oktyabrın 2-də Ermənistan silahlı qüvvələri tərəfindən snayper tüfəngindən açılmış atəş nəticəsində yaralanıb.

Süleyman Sofuyev 2016-cı il Aprel döyüşlərində əsgər kimi iştirak etdiyini və yaralandığını deyib. O, dövlət ittihamçısı Fuad Musayevin sualına cavabında həmin vaxt Ermənistan silahlı qüvvələrinin onlara qarşı hücuma keçdiyini, hadisənin düşmən qüvvələrindən müdafiə olunarkən baş verdiyini söyləyib.

Söhrab Əsgərov bildirib ki, 2023-cü il mayın 12-də Kəlbəcərdə Ermənistan silahlı qüvvələrinin təxribatı nəticəsində yaralanıb. Baş prokurorun xüsusi tapşırıqlar üzrə köməkçisi Tuqay Rəhimlinin sualına cavabında deyib ki, hadisə zamanı əsgər Məhəmməd Qarayev şəhid olub, daha bir neçə hərbçi isə xəsarətlər alıb.

Teymur Xıdırov 2020-ci ildə baş vermiş 44 günlük müharibədə noyabrın 3-də avtomobillə gedərkən Ermənistan silahlı qüvvələrinin atdığı mərminin partlaması nəticəsində yaralanıb. Həmin xəsarətlər nəticəsində səhhətində ciddi problem yaranmış zərərçəkmiş şəxs məhkəmədə çətinliklə ifadə verib.

İmran İmranlı ifadəsində 2021-ci il iyulun 27-dən 28-nə keçən gecə Kəlbəcərdə Ermənistan silahlı qüvvələrinin qalıqları və qeyri-qanuni erməni silahlı dəstələrinin təxribatı nəticəsində güllə yarası aldığını söyləyib.

Zərərçəkmiş Renat Əliyev bildirib ki, 2020-ci il sentyabrın 14-də Tovuz rayonunda Ermənistan silahlı qüvvələrinin təxribatı zamanı güllə xəsarəti alıb. Nəticədə sağlamlığına ciddi zərər deyib, 35 gün xəstəxanada yatıb.

Şakir İsmayılzadə ifadəsində 44 günlük müharibədə 2020-ci il noyabrın 3-də Tərtər rayonunda Ermənistan silahlı qüvvələri tərəfindən atılmış minaatan mərmisinin partlaması nəticəsində yaralandığını söyləyib.

44 günlük müharibənin digər iştirakçısı Malid Qənbərov ifadəsində 2020-ci noyabrın 8-də Daşaltıda Ermənistan silahlı qüvvələri tərəfindən atılmış minaatan mərmisinin partlaması nəticəsində yaralandığını deyib.

Vüsal Mahmudov ifadəsində 44 günlük Vətən müharibəsinin başladığı gün - 2020-ci il sentyabrın 27-də çoxsaylı qəlpə yaraları və yanıq xəsarətləri aldığını bildirib.

Etibar Məmmədov ifadəsində 1993-cü ildə Ağdərə istiqamətində Ermənistan silahlı qüvvələrinin hərbçiləri tərəfindən əsir götürüldüyünü deyib. O, 7 ay Şuşa həbsxanasında saxlanılıb. E.Məmmədov özünə və digər azərbaycanlı əsir və girovlara işgəncələr verildiyini, nəticədə ölənlərin olduğunu bildirib.

Şirin Bayramov bildirib ki, 1994-cü il yanvarın 12-də Ermənistan silahlı qüvvələrinin hərbçiləri tərəfindən əsir götürülüb, Xankəndidəki keçmiş 366-cı alayın olduğu yerə aparılıb. 8 ay Xankəndidə saxlanılıb. Əsirlikdə olduğu müddətdə mütəmadi olaraq döyülüb, ləyaqətini alçaldan hərəkətlərə məruz qalıb. “Üç dəfə burnum qırılıb və digər xəsarətlər yetirilib”, - deyə Ş.Bayramov qeyd edib. O, Azərbaycanın həmin vaxt Ermənistanın işğalı altında olan digər suveren ərazilərinə aparılan zaman bir neçə nəfər azərbaycanlı əsir və girovla birlikdə qaçıb.

Zərərçəkmişin qardaşı – digər zərərçəkmiş şəxs Ağagül Bayramov ifadəsində 1994-cü il yanvarın 12-də qardaşı ilə birlikdə əsir götürüldüyünü bildirib. O, Ş.Bayramovla müqayisədə daha çox - 2 il 5 ay əsirlikdə qalıb.

Firəngül Kərimova ifadəsində Xocalıdan məcburi köçkün düşdüyünü, soyqırımının şahidlərindən olduğunu bildirib. Soyqırımı zamanı onun 4 doğması qətlə yetirilib. Bu şəxslər F.Kərimovanın atası - Kərimov Firuz Samran oğlu, babası - Kərimov Samran Soltan oğlu, nənəsi - Kərimova Firəngül Məmməd qızı və əmisi - Kərimov Soltan Samran oğludur.

“Mart ayının 20-də atamın, nənəmin və babamın meyitləri eyni yerdə tapıldı. Atam leytenant Firuz Kərimov çox dəhşətli işgəncələrlə qətlə yetirilmişdi. Hətta alnının dərisi soyulmuş vəziyyətdə idi. Nənəmin bir ayağı, bud hissəsindən aşağısı tamam yox idi”, - deyə o əlavə edib.

Sadiq Xudayarov ifadəsində Xocalı soyqırımı zamanı - 1992-ci il fevralın 25-dən 26-na keçən gecə babasıgildə olduğunu bildirib. Onlar evlərini tərk etmək məcburiyyətində qalıb. Fevralın 27-də düşmən qüvvələri ilə rastlaşıblar. Həmin vaxt düşmənin açdığı atəşlər nəticəsində Mehdi adlı azərbaycanlı öldürülüb, S.Xudayarovun əmisi ayağından yaralanıb. Düşmən onları böyük dama yığıb. S.Xudaverdiyev bildirib ki, avtomatın qundağı ilə xəsarət yetirilməsi nəticəsində anası ikinci qrup əlil olub. Atası da işgəncələrə məruz qalıb, qabırğaları sındırılıb.

Fərzani Nəcəfzadə ifadəsində 2022-ci il avqust ayında Hadrutda düşmənin basdırdığı minanın partlaması nəticəsində xəsarətlər aldığını söyləyib.

Zamin Hətəmli ifadəsində göstərib ki, 2023-cü il dekabrın 7-də traktorla torpaq şumlayarkən Füzuli rayonunun işğaldan azad edilmiş Kürdlər kəndi ərazisində Ermənistan silahlı qüvvələri tərəfindən basdırılmış minanın partlaması nəticəsində xəsarət alıb, traktor isə yanaraq məhv olub.

Rəsul Cəfərov 1993-cü il yanvarın 4-də əsgər yoldaşı Afiq Qasımovla birlikdə Ermənistan silahlı qüvvələri tərəfindən əsir götürüldüyünü bildirib. Onlar əvvəlcə Ağdərədə, daha sonra Qırmızı Bazarda və Şuşada saxlanılıblar. Əsirlik müddətində ona və digər azərbaycanlılara işgəncələr verilib. Üzərlərinə qaynar su tökülüb, bədəni bıçaqla kəsilib. “İndi mənim bədənimdə salamat yer yoxdur”, - deyə o bildirib. Qırmızı Bazarda fermada saxlanılarkən Artur adlı erməni Habil Bayramov adlı azərbaycanlının çənəsini qırıb. H.Bayramov yemək yeyə bilməməsi və aldığı xəsarətlər nəticəsində bir həftə sonra ölüb. Ermənistan silahlı qüvvələri hərbçilərinin göstərişi ilə azərbaycanlı əsir və girovlar H.Bayramovun meyitini fermanın yaxınlığında torpağı qazaraq basdırıblar. R.Cəfərov avqustun 24-də əsirlikdən azad edilib.

Nail Nağızadə ifadəsində 2016-cı il aprelin 2-də Tərtərdə Ermənistan silahlı qüvvələrinin açdığı snayper atəşi nəticəsində yaralandığını söyləyib. O, təqsirləndirilən şəxs Levon Mnatsakanyanın sualına cavabında hadisənin Ermənistan silahlı qüvvələrinin hücumundan müdafiə olunan zaman baş verdiyini deyib.

Cahid İsmayılov ifadəsində 44 günlük müharibədə, 2020-ci il oktyabrın 2-də Göygöl rayonunda yerləşən döyüş postunda düşmən tərəfindən atılmış minaatan mərmisinin partlaması nəticəsində yaralandığını bildirib.

Zərərçəkmiş şəxslər - Səbuhi İbrahimov və Səxavət Rəşidov ifadələrində Ermənistan silahlı qüvvələrinin təxribatları nəticəsində xəsarət aldıqlarını bildiriblər.

Zərərçəkmiş Tarzan Musayev ifadəsində 44 günlük müharibə zamanı, 2020-ci il oktyabrın 10-da düşmənin atdığı minaatan mərmisinin partlaması nəticəsində qapalı kəllə-beyin travması aldığını deyib.

Babək Məmmədli ifadəsində 2016-cı ildə baş vermiş Aprel döyüşləri zamanı Talış kəndi istiqamətində, Şiştəpə postunda yaralandığını bildirib. O, 44 günlük müharibədə əkiz qardaşı Cavidan Məmmədlinin şəhid olduğunu, nəşinin 127 gündən sonra qaytarıldığını deyib.

Yasin Mehralıyev işğaldan azad edilmiş Xocalı rayonunun Sığnaq kəndində şirkətlərdən birinin əməkdaşı qismində çalışarkən düşmən tərəfindən basdırılmış minaya düşərək xəsarət aldığını söyləyib.

Şamil Məmmədov ifadəsində 2022-ci il iyulun 14-də yük maşını ilə “Azərsun” şirkətinə aid olan sahədən - Cəbrayıl rayonunun Dağ Tumas kəndindən buğda gətirərkən düşmən tərəfindən basdırılmış iki ədəd tank əleyhinə minanın partlaması nəticəsində xəsarət aldığını bildirib. Nəticədə sol ayağı amputasiya edilib.

Vaqif Həsənov ifadəsində 1988-ci ilədək Xocalının Xanabad kəndində yaşadığını, ermənilər tərəfindən 4 azyaşlı övladı ilə hədələnərək kənddən məcburi şəkildə köçkün düşdüyünü bildirib. O, Ağdam rayonunda məskunlaşıb. “Mənim iki evim talanıb”, - deyə zərərçəkmiş şəxs bildrib.

Zərərçəkənlər, həmçinin təqsirləndirilən şəxslərin, onların müdafiəçilərinin və özlərinin nümayəndələrinin suallarını da cavablandırıblar.

Məhkəmə prosesi iyulun 18-də davam etdiriləcək.

Qeyd edək ki, Ermənistan dövlətinin, onun dövlət qurumlarının vəzifəli şəxslərinin, hərbi qüvvələrinin və qanunsuz silahlı birləşmələrin bilavasitə rəhbərliyi və iştirakı, şifahi-yazılı qaydada verdiyi tapşırıq, göstəriş və təlimatları, maddi, texniki, şəxsi heyətlə verdiyi dəstəyi, mərkəzi qaydada idarəçiliyi əsasında, eləcə də ciddi nəzarəti altında Azərbaycan ərazisində daxili və beynəlxalq hüquq normalarına zidd şəkildə, Azərbaycana hərbi təcavüz etmək məqsədilə yaradılmış, həmçinin Köçəryan Robert Sedraki, Sarkisyan Serj Azati, Manukyan Vazgen Mikaeli, Sarkisyan Vazgen Zaveni, Babayan Samvel Andraniki, Balasanyan Vitali Mikaeli, Balayan Zori Hayki, Ohanyan Seyran Muşeqi, Qaramyan Arşavir Surenoviç, Melkonyan Monte Çarlz və digərlərinin rəhbərliyi, bilavasitə və dolayı iştirakları ilə Ermənistan dövləti, o cümlədən sözügedən cinayətkar birlik tərəfindən aparılan təcavüzkar müharibənin gedişində törədilmiş çoxsaylı cinayət faktlarına dair cinayət işi üzrə 15 təqsirləndirilən şəxs ittiham edilir.

Həmin şəxslər, yəni, Harutyunyan Arayik Vladimiri, Qukasyan Arkadi Arşaviri, Sahakyan Bako Sahaki, İşxanyan Davit Rubeni, Manukyan David Azatini, Babayan David Klimi, Mnatsakanyan Levon Henrikoviç, Beqlaryan Vasili İvani, Qazaryan Erik Roberti, Allahverdiyan Davit Nelsoni, Stepanyan Qurgen Homeri, Balayan Levon Romiki, Babayan Madat Arakeloviç, Martirosyan Qarik Qriqori, Paşayan Melikset Vladimiri Azərbaycan Respublikası Cinayət Məcəlləsinin 100 (təcavüzkar müharibəni planlaşdırma, hazırlama, başlama və aparma), 102 (beynəlxalq müdafiədən istifadə edən şəxslərə və ya təşkilatlara hücum etmə), 103 (soyqırımı), 105 (əhalini məhvetmə), 106 (köləlik), 107 (əhalini deportasiya etmə və ya məcburi köçürmə), 109 (təqib), 110 (insanları zorakılıqla yoxa çıxarma), 112 (beynəlxalq hüquq normalarına zidd azadlıqdan məhrumetmə), 113 (işgəncə), 114 (muzdluluq), 115 (müharibə qanunlarını və adətlərini pozma), 116 (silahlı münaqişə zamanı beynəlxalq humanitar hüquq normalarını pozma), 118 (hərbi soyğunçuluq), 120 (qəsdən adam öldürmə), 192 (qanunsuz sahibkarlıq), 214 (terrorçuluq), 214-1 (terrorçuluğu maliyyələşdirmə), 218 (cinayətkar birlik (təşkilat) yaratma), 228 (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 270-1 (aviasiya təhlükəsizliyinə təhdid yaradan əməllər), 277 (dövlət xadiminin və ya ictimai xadimin həyatına sui-qəsd etmə), 278 (hakimiyyəti zorla ələ keçirmə və onu zorla saxlama, dövlətin konstitusiya quruluşunu zorla dəyişdirmə), 279-cu (qanunvericiliklə nəzərdə tutulmayan silahlı birləşmələri və qrupları yaratma) və digər maddələri ilə ittiham olunurlar.

ZÜMRÜD




DİGƏR XƏBƏRLƏR

VİDEO

SON XƏBƏRLƏR

13.08.2025 / 10:30
ABŞ-ın dövlət borcu 37 trilyon dolları keçdi!

13.08.2025 / 10:25
Azərbaycanlı FIFA referisi "Tottenhem"-PSJ oyununda dördüncü hakim olacaq

13.08.2025 / 10:20
Paşinyan Ermənistanda sülh kampaniyasına start verir

13.08.2025 / 10:13
İrem Derici yenə ərə gedir...

13.08.2025 / 10:08
Ötən ay 8 milyona yaxın tibbi xidmət göstərilib - TƏBİB

13.08.2025 / 10:00
Kiyev açıqladı: "Bu güzəştlər olmaycaq!"

13.08.2025 / 09:36
Yol polisi sürücülərə və piyadalara müraciət etdi

13.08.2025 / 09:26
Üç Avropa nəhəngi İrana qarşı sanksiyaların bərpasını tələb edir

13.08.2025 / 09:20
Turistləri möhkəm narazı salan daha bir problem - bölgələrdəki restoranlar...

13.08.2025 / 09:17
"Fənərbaxça" və "Qarabağ"ın pley-offdakı rəqibləri açıqlandı

13.08.2025 / 09:11
Qubada narkotikaya görə saxlanılan 2 nəfər həbs edildi

13.08.2025 / 09:06
Naxçıvanda yaşayan 63 şəhid övladının Şuşaya səfəri başlayıb

13.08.2025 / 09:00
"Vəfa” Sosial Problemlərin Həllinə Dəstək İB zorakılığın qarşısının alınması ilə bağlı tədbir keçirdi

13.08.2025 / 08:57
Tramp Putinlə görüşdən əvvəl Zelenski ilə danışacaq

13.08.2025 / 08:34
Rusiyanın Bakı-Tbilisi-Ceyhana qarşı təxribatının üstü açıldı - Azərbaycan neftinin çirkləndirilməsinin arxasından onlar çıxdı...

12.08.2025 / 22:12
Putin Azərbaycana qarşı daha qatı düşmənçiliyin sifarişini verdi... Heydər Əliyevin heykəllərini hədəfə aldılar...

12.08.2025 / 21:44
Tramp Prezident İlham Əliyev və Paşinyanla görüşündən görüntüləri paylaşdı - VİDEO

12.08.2025 / 21:21
Dünyanı hədələyən 5 təhlükə - Azərbaycandan da uzaqda deyil... Əhalinin 70 faizi..

12.08.2025 / 21:06
Putin Trampın şəxsi adamı ilə söhbətini Paşinyana niyə açdı?..

12.08.2025 / 20:52
ATƏT sədri Azərbaycanla bağlı hərəkətə keçdi - Trampın zəhmi ağır imiş...

12.08.2025 / 20:36
Rusiya irticasına qarşı Bakı-Kiyev ittifaqı güclənir…

12.08.2025 / 20:22
İranın Zəngəzur siyasəti dəyişir - uzaqgörən diplomatiyanın fantastik uğuru...

12.08.2025 / 20:07
Paşinyanın Vaşinqtondan sonra Putin və Pezeşkianla danışması səbəbsiz deyildi...

12.08.2025 / 19:53
Erməni radikallar Vaşinqton prosesini pozmağa konstitusiyadan başladılar...

12.08.2025 / 19:39
Makronun layihəsi sayılan Avropa Birliyinin Ermənistanda qalmasına daha ehtiyac yoxdur - sazişin maddəsi...

12.08.2025 / 19:26
“Tarixi şəxsiyyətlər” jurnalı 20 illiyini qeyd edir... - MÜSAHİBƏ

12.08.2025 / 19:12
Bakı - Yerevan saziş layihəsi üzrə "icra təmasları" başladı..

12.08.2025 / 19:01
Rusiyanın Azərbaycana dərin pislikləri xanlıqlar dövründən başladı... Davam edir...

12.08.2025 / 18:45
Ermənistanla sülh sazişində elə nüanslar var ki... İlk baxışda görünməyənlər...

12.08.2025 / 18:38
Azərbaycan DİN MDB Daxili İşlər Nazirləri Şurasının iclasında iştirakdan imtina etdi

12.08.2025 / 18:34
Ceyhun Bayramov Mirzoyanla Vaşinqtonda imzalanmış Birgə Bəyannamənin icrasını müzakirə etdi

12.08.2025 / 18:20
Həm ATƏT üzvlüyündə qaldı, həm də obyektiv tənqidlərlə onu düz yola çəkir...

12.08.2025 / 18:07
Paşinyanın Konstitusiya dəyişikliyi öhdəliyindən yayınmaq şansı yoxdur - əks halda Tramp onu...

12.08.2025 / 17:50
İlham Əliyevin təklifi üzrə Trampa Nobel mükafatı... Proses başlanır...

12.08.2025 / 17:37
"Vətəndaş Tribunası" İctimai Birliyi Naxçıvan MR-də layihə tədbirlərinə başladı

12.08.2025 / 17:31
Azərbaycanlı ailənin övladları Paris aeroportunda əllərindən alındı - səfirlik hərəkətə keçdi...

12.08.2025 / 17:19
Strateji Tərəfdaşlıq Xartiyası ABŞ-Azərbaycan silah ticarətini başladacaq...

12.08.2025 / 17:10
"Texniki fənlər üzrə kadr tapmaqda müəyyən çətinliklər var" - Nurlan İsmayılbəyli

12.08.2025 / 16:57
Agentlikdən vakant yerlərin gizlədilməsi iddialarına reaksiya - əsassızdır...

12.08.2025 / 16:37
Emoməli Rəhmon Prezident İlham Əliyevi təbrik etdi

12.08.2025 / 16:32
Dini konfessiya rəhbərləri Prezident İlham Əliyevə müraciət ünvanladı...

12.08.2025 / 16:17
Tramp-Putin sammiti Alyaskada bu oteldə keçiriləcək - lüks otelə qonaq qəbulu dayandırıldı…

12.08.2025 / 15:58
7 milyonluq lüks avtomobillər müsadirə edildi...

12.08.2025 / 15:46
MÜTDA-dan məktəbli formaları ilə bağlı növbəti xəbərdarlıq - yolverilməzdir...

12.08.2025 / 15:32
Xaçmazda istirahət mərkəzində avtomobildən oğurluq edənlər yaxalandı

12.08.2025 / 15:18
Zelenski xəbərdarlıq etdi - ruslar yeni hücuma hazırlaşır...

12.08.2025 / 15:01
ABŞ hökuməti etirazların yatırmaq üçün yeni qoşun yaradır...

12.08.2025 / 14:43
Prokurorluq Köçəryan və Ohanyandan 670 milyon dram tələb etdi...

12.08.2025 / 14:21
Pezeşkian türk adları ilə bağlı qadağaların ləğvini tapşırdı

12.08.2025 / 14:04
İmtahanda keçid balını toplaya bilməyən iki mindən çox müəllimin taleyi necə olacaq?..

12.08.2025 / 13:51
"İran mediasında Zəngəzur dəhlizi göstərildiyi kimi qəribə deyil" – Hökumət sözçüsü

12.08.2025 / 13:44
Ukrayna Orenburqda Rusiya raketləri üçün helium qazı istehsal edən yeganə zavodu vurdu

12.08.2025 / 13:37
"Azərbaycan və Ermənistan arasında sülh sazişinin imzalanması üçün əlavə addımlar atılmalıdır" - Elçin Əmirbəyov

12.08.2025 / 13:22
Motosikletlə avtoxuliqanlıq edən sürücü həbs edildi

12.08.2025 / 13:10
Захарова, почему Россия не хочет мира на Кавказе? - ПРЯМАЯ ТРАНСЛЯЦИЯ

12.08.2025 / 12:55
Hicran Hüseynova “Vətənə xidmətə görə” ordeni ilə təltif edildi

12.08.2025 / 12:53
Qarabağ Dirçəliş Fondunun Müşahidə Şurasının tərkibində dəyişiklik edildi

12.08.2025 / 12:36
İnnovasiya və Rəqəmsal İnkişaf Agentliyinin vəzifələri artırıldı

12.08.2025 / 12:34
“Elektron Hökumət İnformasiya Sistemi haqqında Əsasnamə” təsdiq edildi

12.08.2025 / 12:33
Bayram Beqay Prezident İlham Əliyevə zəng edib

12.08.2025 / 12:30
Lənkəranda yolların təmirinə 1.5 milyon manat ayrıldı - SƏRƏNCAM

12.08.2025 / 12:17
Antalya Böyükşəhər bələdiyyəsində əməliyyat - 17 nəfər həbs olundu...

12.08.2025 / 12:00
Hədə-qorxu ilə pul tələb edən sayt rəhbəri saxlanılıb

12.08.2025 / 11:20
“Fənərbağça” bu axşam "ya davam, ya tamam" oyununa çıxır...

12.08.2025 / 11:13
Yaşmada zirehdələn top mərmisi aşkarlanıb

12.08.2025 / 11:06
Naxçıvanda 7 ayda vətəndaşlara geri qaytarılan ƏDV-nin məbləği açıqlandı

12.08.2025 / 11:00
Bu iki gözəl insan mənim yaxşı dostlarımdır - Trampdan İlham Əliyev və Paşinyan haqqında paylaşım

12.08.2025 / 10:35
Ermənistanda müdafiə nazirinin müşaviri həbs edildi

12.08.2025 / 10:21
Sumqayıtda top mərmisi tapılıb - FHN-dən TƏCİLİ MƏLUMAT

12.08.2025 / 10:15
Qubada 52 yaşlı kişi evində yanaraq ölüb

12.08.2025 / 10:12
Qərbi Azərbaycan musiqi irsinin araşdırılması layihəsinə start verildi

12.08.2025 / 10:06
Şabranda əkin sahələrinin yandırılmasına görə iki nəfər saxlanılıb

12.08.2025 / 10:00
"Qarabağ" bu axşam "Şkendiya" ilə cavab oyununa çıxacaq

12.08.2025 / 09:51
Avronun məzənnəsi azaldı, rus rublu bahalaşdı - bu günün valyuta məzənnələri

12.08.2025 / 09:30
ŞOK QƏRAR - "Netanyahu Norveçə gəlsə həbs ediləcək"

12.08.2025 / 09:20
"Putinlə Zelenski eyni otaqda olsunlar" - Trampdan BƏYANAT

12.08.2025 / 09:18
Kəlbəcərdə yol qəzası olub, ölən var

12.08.2025 / 09:12
Sabirabadda "Niva" kanala aşıb

12.08.2025 / 09:06
Bir ayda cekpotdan 2,25 milyon dollar qazandı...

12.08.2025 / 09:00
Polis bu sürücülərə müraciət etdi - "qaydalara riayət etməyə çağırırıq"

12.08.2025 / 08:53
Texasda yenə atışma olub - 3 nəfər öldürülüb

Həm ATƏT üzvlüyündə qaldı, həm də obyektiv tənqidlərlə onu düz yola çəkir...

XƏBƏR ARXİVİ

Avqust
B.eÇ.aÇC.aCŞB
28293031123456789101112131415161718192021222324252627282930311234567