Rusiyanın Ermənistanda hakimiyyətə əsas namizədi məhv edilir...
Rusiyanın Ermənistanda hakimiyyət dəyişikliyində maraqlı olması heç kimə sirr deyil. Amma problem ondadır ki, Rusiyanın Ermənistanda baş nazir Nikol Paşinyana alternativ namizəd tampaq problemi var. Sabq prezidentər Serj Sarkisyan, Robert Köçəryan, eləcə də erməni kilsəsinə edilən “stavkalar” özünü doğrultmayıb.
Indi əsas ümid Rusiya vətəndaşı olan iş adamı və milyarder Samvel Karapetyanadır. Amma görünən odur ki, Paşinyan onu uzun müddət həbsdə saxlamağı düşünür. Elə bu səbəbdəndir ki, Karapetyana qarşı yeni ittihamlar irəli sürülüb.
Indiki durumda erməni mediası yazır ki, Nikol Paşinyan məsələni konkret qoyur: həbsdə olan Samvel Karapetyan üç ölkənin vətəndaşı olduğu halda Ermənistanda siyasətlə necə məşğul olmaq istəyə bilər ki, qanunvericilik onun həm baş nazir, həm də deputatlığa namizəd olmasını qadağan edir? Paşinyanın fikrincə, həbsdə olan biznesmen yalnız ağsaqqallar şurasına namizəd ola bilər, o da Ermənistanda qeydiyyatdan keçsə: “Bizim Konstitusiyaya görə, başqa ölkənin vətəndaşlığı olan şəxs deputatlığa namizəd ola bilməz. O, baş nazirliyə namizəd olmaq istəyir, ola bilməz. Çünki bizim ölkənin Konstitusiyasına görə, başqa ölkənin vətəndaşlığı olan şəxs baş nazirliyə namizəd ola bilməz. Yoxsa, Ermənistanda marionet hakimiyyətini iplə, yoxsa kukla ilə həyata keçirmək üçün siyasi qüvvə yaratmaq istəyirlər? Məncə, belə alınmaz”. Qeyd edək ki, təxminən bir ay əvvəl Erməni Apostol Kilsəsini müdafiə etdikdən sonra həbs edilən Samvel Karapetyan iyulun 4-də yeni siyasi qüvvə yaratdığını, 10 gün sonra isə MTN-in təcridxanasından siyasi komanda yaratdığını bəyan edib . Lakin iş adamı MTN-in təcridxanasından yeni yaradılan qüvvəyə rəhbərlik edib-etməyəcəyini, yoxsa başqasına həvalə edəcəyini hələ dəqiqləşdirməyib. Paşinyan isə Karapetyanın siyasətlə məşğul olmaq niyyətini “saxta povest” kimi qələmə verir və hesab edir ki, əslində qanunla problemləri olan iş adamı siyasi təqiblərə məruz qalan şəxs imicini qazanmaq üçün siyasətə sığınmağa çalışır. Baş nazirin keçirdiyi mətbuat konfransında Paşinyandan Samvel Karapetyandan qorxduğunu soruşublar və buna görə də o, öz Facebook səhifəsində hüquq-mühafizə orub-qorxmadığını soruşublar. Paşinyan vaxtilə milyarder iş adamına xəbərdarlıq etdiyini, bu gün dövlətin dadının bəzilərinin damağında qalacağını bildirb: “Deyirəm, əzizlərim, ilkin vətəndaşlığınız olan ölkədə necə davranırsınızsa, Ermənistana gələndə bir az diqqətli olun və elə davranın. Dedim ki, dövlətin dadı sizin damağınızda qalacaq”. Paşinyan Samvel Karapetyandan əsas vətəndaşı olduğu ölkədə kilsənin müdafiəsi ilə bağlı açıqlama verməyə icazə veriilb-verilmədiyini də soruşub. Burada o Rusiyanı nəzərdə tutur: “Əgər əsas vətəndaşı olduğu ölkədə qəflətən beynində indiki kimi bir fikir yaranarsa, onda həmin ölkə başqalarına heç nə etməyə imkan verməz, kilsənin yarıtmaz müdafiəsi altında gizlənməyə çalışan şəxs könüllü olaraq ən yüksək mərtəbədən pəncərədən atılacaq”. Paşinyanın ən yüksək mərtəbə məsələsinə onun aparat rəhbəri Arayik Arutyunyan özünün “”Facebook səhifəsində ətraflı məlumat verib: “Moskva şəhərinin ən yüksək mərtəbəsindən”.
Yeri gəlmişkən, dövlət dadını uzun müddət Samvel Karapetyanın damağında qoyması ilə bağlı xəbərdarlıqlarla yanaşı, Paşinyan mətbuat konfransında suverenliyi qorumaq üçün ən mühüm alət kimi özünün məşhur çəkicini xatırladıb: “Çəkic ağlanıb, hazırdır və mənim masamın üstünə qoyulub. Kim Ermənistanın suverenliyinə, müstəqilliyinə, dövlətçiliyinə qəsd etməyə cəhd edirsə, xalqın verdiyi dəmir mandat da öz işini görəcək və missiyasını yerinə yetirəcək”. Çəkici yağlanmış və hazır vəziyyətdə saxlamaq xəbərdarlığından bir neçə saat əvvəl məlum olub ki, Samvel Karapetyana qarşı daha 3 ittiham irəli sürülüb. Bir aya yaxındır ki, MTN-in təcridxanasında olan Karapetyan hakimiyyəti ələ keçirməyə çağırışdan əlavə, “xüsusilə külli miqdarda çirkli pulların yuyulması”, “xüsusən külli miqdarda vergidən yayınmanın təşkili” və “xüsusilə külli miqdarda dələduzluq fəaliyyəti təşkil etmək” maddələri ilə də ittiham olunub. Karapetyanın müdafiə şurası hər 4 ittihamın əsassız olduğunu və "Tashir Group" sahibinin siyasi təqib edildiyini bildirib. Samvel Karapetyana qarşı 3 yeni ittiham daha əvvəl İstintaq Komitəsinin İqtisadi Cinayətlərə Qarşı Mübarizə Baş İdarəsində başlanmış cinayət işi çərçivəsində qaldırılıb. Paşinyan bununla da dayanmaq istəmir. Karapetyanın nəzarətində olan “Ermənistanın Elektrik Şəbəkələri”nin milliləşdirilməsinə strat verilib. Paşinyan qeyd edir ki, prosesdən sonra hakimiyyət şirkətin idarəçiliyini başqa təşkilata həvalə edə bilər.: “İndiki mərhələdə biz “Ermənistanın Elektrik Şəbəkələri”nin idarəçiliyini öz üzərimizə götürməliyik. Lakin biz ümumiyyətlə deməmişik ki, bu milliləşdirmə və ya geri satınalma prosesindən sonra və ya bu proses zamanı “Ermənistanın Elektrik Şəbəkələri”ni həmişə dövlət idarə edəcək”. Paşinyan onu da bildirib ki, İrəvan artıq beynəlxalq şirkətlərə siqnallar verib: “Biz artıq bir sıra dost ölkələrə, dost ölkələrdə fəaliyyət göstərən aparıcı beynəlxalq şirkətlərə bu mesajı göndərmişik ki, onlarla əməkdaşlıqda maraqlı ola bilərik”. Karapetyanın həbsindən və saxlanmasından bir neçə gün sonra hakimiyyət onun ailəsinə məxsus “Ermənistanın Elektrik Şəbəkələri”nin milliləşdirilməsinə yönəlmiş qanun layihəsi hazırlayıb və bu, parlamentin növbədənkənar iclasında tam şəkildə qəbul edib. Müxalifət iddia edir ki, hakimiyyət kilsəni müdafiə edən bəyanatına görə “Ermənistanın Elektrik Şəbəkələri”ni Karapetyanın əlindən almağa çalışır. Müxalifətdən olan deputatlar qanunun konstitusiyaya zidd olması üçün artıq Ali Məhkəməyə müraciət ediblər. Hakimiyyət isə prosesin Karapetyanın açıqlamasından əvvəl başladığını və “Ermənistanın Elektrik Şəbəkələri”ni n işindən narazılığın yeni olmadığını iddia edir. Şirkət öz əmlakları üçün mübarizə aparacağını açıqlayıb və həftələr əvvəl Ermənistana qarşı arbitraj prosesinin başlaya biləcəyi barədə xəbərdarlıq edib. Paşinyan isə bu perspektivdən çox da narahat deyil. Hakimiyyət beynəlxalq şirkətləri Ermənistana dəvət etmək planlarını açıqlayıb. İqtisadçı Suren Parsyanın fikrincə, hakim gücün addımları, əksinə, investorları qorxudur: “Hazırkı hakimiyyətin artıq bir neçə şirkətlə arbitraj mübahisələri var: "Sanitek"lə, “Kacaran” Kombinatının sahibi ilə, eləcə də “Amulsar”la. Bu, xüsusilə xarici investorlar üçün mənfi siqnaldır”.
Samirə SƏFƏROVA
