Milli Məclisin Komitə sədri Aydın Quliyevi təbrik etdi
Milli Məclisin İctimai birliklər və dini qurumlar komitəsinin sədri Fazil Mustafa Azərbaycan Mətbuat Şurası İdarə Heyətinin üzvü, “Bakı-Xəbər” qəzetinin baş redaktoru, tanınmış jurnalist və ictimai xadim Aydın Quliyevi 65 illik yubileyi ilə bağlı təbrik edib.
Təbrik məktubunda deyilir:
“Hörmətli Aydın müəllim,
Sizi – milli mətbuatımızın dəyərli simasını qarşıdan gələn 65 illik yubileyiniz münasibətilə səmimi-qəlbdən təbrik edir, Sizə möhkəm cansağlığı, yaradıcılıqda və ictimai fəaliyyətdə yeni uğurlar arzulayıram!
Azərbaycan jurnalistikasında öz istedad və zəhmətinizlə qazandığınız mövqe yalnız bir peşəkarın uğuru deyil, həm də sözə və sözün ictimai məsuliyyətinə bağlılığın örnəyidir. “Bakı-Xəbər” qəzetinin formalaşması və ictimai rəyə təsir imkanlarının genişlənməsi məhz Sizin uzunmüddətli, ardıcıl fəaliyyətinizlə bağlıdır.
Milli maraqları qətiyyətlə müdafiə edən sağlam mövqeyiniz, eyni zamanda, jurnalistikanın maarifləndirici və ictimai yönünü önplanda saxlamağınız özəlliklə vurğulanmalıdır.
Sizin təkcə media aləmində deyil, həm də geniş ictimai çevrədə qazandığınız güvən, Vətənin informasiya suverenliyinə xidmət kimi dəyərləndirilən fəaliyyətiniz təqdirəlayiqdir.
Yubileyiniz mübarək olsun! Bir daha təbrik edirəm”!
