Eldəniz Əmirov: "Dünyanın kəsişməsi" ifadəsi layihə adı olaraq çox uğursuz adlandırmadır'
Ermənistanın xarici işlər naziri Ararat Mirzoyan “Dünyanın kəsişməsi” layihəsinin yeni populyar logistika marşrutlarının bir hissəsinə necə çevrilməyindən bəhs edir.
O, Milli Assambleyada deyib: “Bir çox ekspertlər “Dünyanın kəsişməsi”nin Orta Dəhlizin bir qolu olduğunu müdafiə edirlər.
Mirzoyanın sözlərinə görə, Ermənistanın təqdim etdiyi layihə bu anlayışlara mükəmməl uyğun gəlir.
"Məlumdur ki, biz Azərbaycana çox konstruktiv və qarşılıqlı məqbul təklif irəli sürmüşük. Əgər rəsmi müsbət cavab olarsa, biz bu prosesi sülh sazişinin imzalanması ilə birləşdirmədən də dərhal Orta Dəhliz infrastrukturunun blokunu açmağa başlaya bilərik", - deyə Ararat Mirzoyan əlavə edib.
Doğrudanmı Ermənistanın "Dünyanın kəsişməsi" layihəsi Orta Dəhlizin bir hissəsi ola bilər?
Baki-xeber.com saytının sualını cavablandıran iqtisadçi ekspert Eldəniz Əmirov bildirdi ki, "Dünyanın kəsişməsi" ifadəsi layihə adı olaraq çox uğursuz adlandırmadır: "Dünya kəsişə bilməz, çunki dünya vahiddir, obrazlı desək, dünyalar kəsişə bilər. O ki qaldı layihənin Orta Dəhluzin bir hissəsi olub-olmayacağına, bunu dəqiq və detalli ifadə etmək üçun mütləq şəkildə həmin layihənin detalları ilə yaxından tanış olmaq lazımdır. Daha sonra isə bu təklifin Orta Dəhlizə hər hansı bir töhfə verib-verməyəcəyi barədə fikir ortaya qoya bilərik. Amma ümumilikdə, Ermənistan özü Azərbaycanın təqdim etdiyi təkliflər və şərtlər daxilində sülh sazişinə imza atdıqdan sonra, təbii olaraq o, Azərbaycanın icra etdiyi regional və beynəlxalq layihələrə tədricən inteqrasiya olunacaq. Yəni Ermənistan da zatən bu qloballaşan dünyanın tərkib hissəsinə çevriliəcək.
Düşünürəm ki, Ermənistana aid olan yalnız Zəngəzur dəhlizi Orta Dəhlizin bir seqmenti olaraq çıxış edəcək. Bu zaman Ermənistan özü Orta Dəhlizə Zəngəzur üzərindən inteqrasiya oluna biləcək. Amma bir daha vurğulayıram ki, Ermənistan xarici işlər nazirinin haqqında söz açdığı layihənin detalları elə ola bilər ki, həmin detallar təkcə Ermənistan üçün deyil, eyni zamanda, Azərbaycan üçün də sərfəli ola bilər. Bütün hallarda, gələcəkdə Orta Dəhlizin aparıcı ölkələrindən biri olaraq, Azərbaycan razılıq verəcəyi təqdirdə Ermənistan da bu dəhlizə qoşula bilər. Lakin onun hansı layihəyə qoşulması məsələsi razılaşmanın şərtlərindən asıli olacaq".
Məlum olduğu kimi, Ermənistan rəsmiləri "Dünyanin kəsişməsi" layihəsi dedikdə onu nəzərdə tutur ki, guya Orta Dəhliz Ermənistan üzərindən Türkiyəyə deyil, Gürcüstana keçəcək, oradan isə Qara dəniz vasitəsi ilə Avropaya çatacaq. Eyni zamanda, İran üzərindən guya Hindistan və digər cənubi Asiya ölkələri də bu layihəyə qoşulacaq. Ermənistandan keçəndən sonra Naxçıvan və Türkiyə üzərindən cəmi bir neçə yüz kilometrdən sonra qatar Avropaya çatdığı halda, nədən Ermənistan boyunca şimala hərəkət edib, Gurcüstan üzərindən Qara dəniz vasitəsilə min kilometrlərlə yol qət edərək Avropa ölkələrinə çatmalıdır? Bu layihə iqtisadi baxımdan səmərəsiz olduğundan, Hindistan və İran bundan imtina edib. Amma hələ də Paşinyan və komandası "ölü doğulmuş" "Dünyanın kəsisməsi" layihəsini təqdim etməkdə israrlıdır.
Sovetlər dönəmində bizə təbliğ edirdilər ki, erməni ağıllı millətdir. Yalnız bu fakt təsdiq edir ki, ermənilər sən demə, çükçalardan belə küt millət imiş.
Faktiki olaraq, Orta Dəhlizin Ermənistana aid halqası 46 kilometrlik Zəngəzur dəhlizindən ibarət ola bilər. Ermənistan isə bu dəhlizə müstəri kimi qosula bilər. Məsələ bu qədər sadə olduğu halda, ermənilər bu "layihə"ni elə təmtəraqla "təqdim edirlər" ki, guya yeni nəsə kəşf ediblər.
Akif NƏSİRLİ
