Elşad Həsənov: "Ermənilər gələcəkdə də faşizmə davam edəcəklər, çünki bu onların qanında yer alıb"
Məlum olduğu kimi, BMT Baş Assambleyası "Nasizmin, neonasizmin və irqçiliyin müasir formalarının, irqi ayrıseçkiliyin, ksenofobiyanın və bununla bağlı dözümsüzlüyün genişlənməsinə kömək edən digər təcrübələrin tərənnümünə qarşı mübarizə" adlı qətnamənin lehinə səs verib.
Bildirək ki, sənədi 119 ölkə dəstəkləyib, 53 ölkə əleyhinə, 10 ölkə bitərəf qalıb. Maraqlı məqam ondan ibarətdir ki, Ermənistan BMT Baş Assambleyası tərəfindən qəbul edilmiş "Nasizmin, neonasizmin və irqçiliyin müasir formalarının, irqi ayrı-seçkiliyin, ksenofobiyanın və bununla bağlı dözümsüzlüyün genişlənməsinə kömək edən digər təcrübələrin tərənnümü ilə mübarizə" adlı qətnaməyə səs verib. Ermənistanın ikili siyasət aparması şübhəyə səbəb olur. Məlumdur ki, Ermənistanda faşist Qaregin Njdenin heykəli qoyulub. Belə bir ərəfədə İrəvanın nasizmin, neonasizmin və irqçiliyin müasir formalarına dair səs verməsinin - bu ikili siyasətin adı nədir?
"Faşizmə qulluq edən ermənilərin bu qətnaməni dəstəkləməsi onların ikiüzlu olmasından xəbər verir"
Politoloq Elşad Həsənov "Bakı-Xəbər"ə açıqlamasında bildirdi ki, BMT Baş Assambleyasının sözügedən qətnaməsinə Azərbaycan da səs verib: "Faşizmə qulluq edən ermənilər də bu qətnaməni dəstəkləyib. Məlumdur ki, ermənilər Njdeyə heykəl qoyub. Azərbaycan tərəfinin tələbinə baxmayaraq həmin heykəl hələ də qalır. Bu barədə Rusiyada da məsələ qaldırıldı, Njdenin heykəlinin qaldırılması vacib sayıldı. Ancaq buna baxmayaraq, Njdenin heykəli hələ də qalır. Belə bir ərəfədə Ermənistanın "Nasizmin, neonasizmin və irqçiliyin müasir formalarının, irqi ayrıseçkiliyin, ksenofobiyanın və bununla bağlı dözümsüzlüyün genişlənməsinə kömək edən digər təcrübələrin tərənnümünə qarşı mübarizə" adlı qətnamənin lehinə səs verməsi ikili siyasət deyil, onların ikiüzlu olmasını göstərir. Məlumdur ki, tarixdə hər kəs erməniləri satqın, çoxüzlu bir millət kimi tanıyır. Rus, gürcü şairləri, mütəfəkkirləri ermənilər haqqında dəfələrlə fikir bildiriblər. Onların necə satqın, xəyanətkar olduğunu bəyan ediblər. Bu səbəbdən də ermənilərin məlum qətnaməyə səs verməsi təbiidir. Ermənilər gələcəkdə də faşizmə davam edəcəklər, çünki bu onların qanında yer alıb. Ermənilər Xocalı faciəsini törətmiş şəxslərə qəhrəman kimi baxır. Erməni əsərlərində Zori Balayanın əməlləri təşviq edilir və xoş qarşılanır. Halbuki, beynəlxalq məhkəmələrdə, BMT-nin nizamnaməsində cinayət törətmiş şəxslər mühakimə olunur. Ancaq o insanlar lazımi cəzalarını almır. Xocalı faciəsində iştirak etmiş hərbçilər məsuliyyətə cəlb olunmayıb, əksinə, onlar ermənilər arasında milli qəhrəman kimi tanınır".
Həmsöhbətimiz hesab edir ki, Rusiya və Türkmənistan tərəfindən hazırlanan "Nasizmin, neonasizmin və irqçiliyin müasir formalarının, irqi ayrı-seçkiliyin, ksenofobiyanın və bununla bağlı dözümsüzlüyün genişlənməsinə kömək edən digər təcrübələrin tərənnümünə qarşı mübarizə" adlı qətnamənin qəbulu çox vacibdir: "Ümid edirəm ki, qətnamədən sonra hər bir ölkə məlum məsələyə ciddi yanaşacaq. Azərbaycan hər zaman beynəlxalq hüququn normalarına riayət edib, BMT-nin nizamnaməsinə əməl edib. Xüsusi olaraq deyim ki, ermənilərin ikiüzlu olması bütün dünyaya məlumdur. Xatırladım ki, son zamanlar Ermənistan Rusiyadan uzaqlaşıb, səbəb isə özünə böyük bacı tapmasıdır. Ermənistan artıq Fransanın dediyi ilə oturub-durur".
Günel CƏLİLOVA
