44 günlük Vətən müharibəsi Azərbaycanın müasir dövlətçiik tarixində yeni səhifələr yaratmaqla yanaşı, eyni zamanda bütün dünyada ölkəmizə baxışın, münasibətin dəyişməsinə səbəb oldu. Müzəffər Ali Baş Komandanın rəhbərliyi ilı Azərbaycan 44 gün ərzində Ermənistanı məğlub edib işğala son qoydu, bununla da qazandığı parlaq qələbəni bütün dünyaya nümayiş etdirdi.
Fikir adamları haqlı olaraq “44 günün hər günü bizim şanlı tariximizdir”-deyirlər. Bəli, yenilməz ordumuz hər gün irəli gedirdi, hər gün yeni şəhərlər, kəndlər, qəsəbələr, yüksəkliklər azad edirdi, xalqımıza dünya boyda sevinc bəxş edirdi. Azərbaycanın ədalətli zəfərinin sədaları bu gün bütün dünyada duyulur. Məhz Azərbaycanın zəfərindən sonra çox ölkələr işğal edilmiş ərazilərini qaytarmağa çalışdılar…Azərbaycan həm də yöndə ortaya bir nümunə qoydu və bu nümunə ədalət uğurunda savaşa gedən hər bir kəsin yolunu aydınladır.
Azərbaycan öz ərazilərini işğalçıdan təmizlədikdən sonra şok effekt yaradan hadisə, olayla qarşılaşdı- bütün abidələr dağıdılıb, kəndlər-şəhərlər, evlər, muzeylər, məzarlıqlar, bir sözlə, o ərazilərdə nə varsa hamısı vandalizmə məruz qalıb. Erməni vandalları daş üstündə daş qoymadı ki, yolu ora düşən insanların söykənmək üçün bir yeri olsun.
Ermənistanın Azərbaycan ərazisində törətdiyi cinayətlərin beynəlxalq aləmdə ifşa edilməsində, habelə azad ərazilərdə quruculuq-bərpa işlərinin həyata keçirilməsinin təbliğində xarici ölkə nümayəndələri nə kimi rol oynayır?
Məlumdur ki, azad ərazilərimizdə keçirilən tədbirlərə, simpozimlara qatılan xarici qonaqlar hamısı ermənilərin törətdikləri vəhşiliklərdən dəhşətə gəlirlər.
“Erməni vəhşiliyini, vandalzimini öz gözləri ilə görmələri mühüm amildir”
AVCİYA-nın vitse-prezidenti, professor Məhərrəm Zülfüqarlı “Bakı-Xəbər”ə şərhində qeyd etdi ki, Azərbaycanın zəfəri də, Ermənistanın vandalizmi də bütün dünyada tanıdılmalıdır: “Azərbaycan orusunun 44 günlük Vətən müharibəsində qələbəsi tarixi hadisədir. Bu həm Azərbaycan xalqının imicinə müsbət təsir göstərdi, həm Azərbaycan ordusunun döyükən bir ordu kimi dünyada şöhrətini artırdı, həm də Azərbaycan Prezidentinə beynəlxalq aləmdə XXI əsrin güclü lideri kimi böyük şöhrət qazandırdı. Bu qələbədən sonra Azərbaycanın problemlərinin dünyaya çatdırılmasında əlbəttə ki, səfirliklərimiz, xaricdə yaşayan soydaşlarımız, diaspora təşkilatları mühüm rol oynamalıdır. Bu da əlini əlinin üstünə qoyub xaricdə oturmaqla olmur. Çünki Ermənistanın yaratdığı problemlər o qədər çoxdur ki, onların da beynəlxalq aləmdə təbliğ edilməsinə kömək etmək üçün isə gəlib onları gözləri ilə görməlidirlər. İşğaldan azad edilən ərazilərə nəinki soydaşlarımızın, nəinki diaspora nümayəndələrimizin, eyni zamanda xarici ölkə səfirlərinin, diplomatların, xaricdən gələn qonaqların səfərlərinin təşkil edilməsi çox mühüm əhəmiyyət kəsb edir. Biri var biz çəkib göstərək, danışaq, onlar bizə qulaq assınlar, fotoya, videokadra baxsınlar, biri də var gəlib hər şeyi özləri öz gözləri ilə görsünlər. Əsas odur ki, onlar bu səfərlər çərçivəsində azad edilən ərazilərə səfər edirlər. Xarici qonaqların erməni vəhşiliyini, vandalzimini öz gözləri ilə görməsi mühüm amildir. Onlar gedib görürlər və gördüklərindən də dəhşətə gəlirlər. Hər bir xarici ölkə nümayəndəsi gördükləri dəhşətləri yazarsa, çəkib göstərərsə, bu barədə danışarsa bununçox böyük effekti olar. Necə ki, gələnlərin çoxu sosial şəbəkələrdə bu barədə öz təəssüratlarını yazır”.
“Bu proses davam etdirilməlidir”
M.Zülfüqarlı hesab edir ki, Azərbaycan rəhbərliyinin tapşırığı ilə ölkəmizin səlahiyyətli qurumlarının Ağdama, Füzuliyə, Zəngilana, o cümlədən də Azərbaycanın Mədəniyyət Paytaxtı olan Şuşaya səfərlər təşkil etməsinin mühüm əhəmiyyəti var. “Bu, Azərbaycanın haqq işinin dünyaya çatdırılmasına müsbət təsir edir. Amma bu proses davam etdirilməlidir. Yəni kampaniya şəklində olmamalıdır, mütəmadi xarakter daşımalıdır. Ermənistanın işğalı nəticəsində qaçqın düşən insanlarımız Qarabağda məskunlaşdıqca bu proses daha da gücləndirilməlidir. Məsələn, İşğaldan azad edilmiş Zəngilan rayonunun Ağalı kənd sakinləri doğma kəndlərinə qayıdıblar. Onlar “Ağıllı kənd” layihəsi üzrə inşa edilən evlərdə yaşayırlar. Bu gün ora xarici qonaqların səfərlərinin intensiv şəkildə həyata keçirilməsi çox lazımdır. Xarici qonaqları ora yönəltmək lazımdır. Bu həm də ona görə yaxşıdır ki, qonaqlar gedib boş sahələrdə dağıntılara baxırdılar, indi abad kənd görəcəklər. Yəni o dağıntılar içində Azərbaycanın yaratdığı möhtəşəm xarüqələri xarici qonaqların, soydaşlarımızın gedib görməsinin təbliğat işinə mühüm təsiri var. Bu həm də azad ərazilərin bərpasına xarici investorların cəlb olunmasına müühm təsir göstərə bilər. Hesab edirəm ki, xaricilərin azad ərazilərimizə gəlişi yaxşı haldır. Onların arasında beynəlxalq tribunalarda erməni vəhşiliyini ifşa edənlər də tapılacaq, ədalətli qələbəmizi dünyaya yayanlar da. Kitablar yazacaqlar, məqalələr dərc edəcəklər. Əsas odur ki, 30 il Ermənisanın dünyaya danışdığı ağ yalanları ifşa edirik. Bu çox mühümdür”-deyə M.Zülfüqarlı vurğuladı.
İradə SARIYEVA Yazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
