İki yüz ilə yaxın müddətdə öncə Çar Rusiyasının,daha sonra isə Sovet Rusiyasının himayəsi ilə Cənubi Qafqazda at oynadan,İrəvanı Yerevan edib özünə paytaxt edən,daha sonra isə Göyçəni Sevan,Zəngəzuru isə Sünik adlandırıb Rusiyanın dabrosıyla zaman-zaman ərazilərini Azərbaycan torpaqları hesabına genişləndirən Ermənistan bu gün artıq yol üstdədir və özünə başqa ağa axtarır.İstiqamət isə Qərbədir.
Nə qədər acı da olsa bu gün ermənilər bütün uğursuzluqların səbəbkarı kimi onları yoxdan var edən,onlar üçün dövlət yaradan Rusiyanı görürlər.Və ciddi-cəhdlə Qərbin qucağına atılmaq üçün bir məqam gözləyirlər və Rusiyadan qurtulmaq üçün Qərb dünyasına mesajlar ötürürlər.
Beləliklə yaxşı olar ki,ArmenianReportun yazarı Qalust Qriqoryanın fikirlərinə keçək.Müəllif Yeni reallıqlar-Ermənistan nə etməlidir baçlıqlı yazıda qeyd edir ki,Putin böyük hesabla, Ermənistan-Rusiya münasibətlərinin özülünə nəhəng bir bomba qoydu. Ancaq onun Rusiya Federasiyasının prezidentiliyi sona çatan kimi ölkəsi parçalanıb dağılacaq.Belə ki, CNN Konqresdəki mənbələrinə istinadən xəbər verir ki, Co Bayden administrasiyası Belarusa qarşı yeni sanksiyalar tətbiq edəcək. Sanksiyaların kimə və hansı sahələrə qarşı yönəldiləcəyi hələlik məlum deyil. Ancaq hadisələrin bu cür inkişafı Aleksandr Lukaşenko üçün heç də yaxşı gələcək vəd etmir. Bu yerdə Belarus müxalifətinin lideri Svetlana Tixanovskayanın Vaşinqtonda jurnalistlər üçün keçirdiyi brifinqdə Bayden administrasiyasına Belarusa qarşı sanksiyalar tətbiq edilməli olan şirkətlərin konkret siyahısını verdiyini xatırlatmaq yerinə düşər. Belə ki,Tixanovskaya ABŞ rəhbərliyini Belarus iqtidarına qarşı daha sərt sanksiyalar tətbiq etməyə çağırıb. Xatırladaq ki, Tixanovskaya ABŞ -ın paytaxtında olarkən Prezident Co Bayden, Dövlət Katibi Entoni Blinken, Milli Təhlükəsizlik Müşaviri Ceyk Sullivan və bir sıra konqresmenlərlə görüşlər keçirib. Bu yerdə onu da qeyd edək ki, Lukaşenkanın özü isə uzun müddətdir ki, belə yüksək səviyyədə görüşlər keçirə bilməyib. Çünki, normal dövlətlərin liderləri bir qayda olaraq onunla ünsiyyətdən qaçırlar. Əslində Lukaşenkanın bu gün qaçmağa başqa yeri də yoxdur. Belarusun Rusiya tərəfindən hər mənada tam siyasi, iqtisadi və hüquqi baxımdan udulması prosesi artıq qaçılmaz görünür. Vladimir Putin üçün bu, atəşsiz, qan-qadasız, tələfatsız "kiçik qalibiyyətli müharibə" kimi də sayıla bilər. Və indiki şəraitdə Putinin reytinqi qısa müddət ərzində də olsa artacaq. Bizə gəldikdə isə bu günlərdə formalaşan yeni reallıqları nəzərdən qaçırmamalıyıq. Məlum olduğu kimi Ermənistan Rusiya və Belarusiya ilə guya bir ittifaqdadır. Üstəlik, ölkəmiz istəsə də,istəməsə də, Rusiya sərhədçiləri tərəfindən Azərbaycanla sərhədimizə nəzarət etməyi qəbul edib öz suverenliyimizin bir hissəsini qurban vermək məcburiyyətində qalmışıq.Belə ki, Gümrüdə bir Rusiya hərbi bazasının olduğunu nəzərə alsaq, bu amil ölkəmizi Azərbaycan və Türkiyə prezidentlərinin dövlətimizlə bağlı aşkar yırtıcı hərəkətlərdən çəkindirməyi hədəfləməyən Rusiyadan və şəxsən Putindən asılı vəziyyətə salır. Əksinə, Putin bütün bu baş verənləri ölkəmizdə Rusiyanın mövqelərini gücləndirmək üçün bir fürsət olaraq görərək bu hərəkətləri özü də təşviq edir. Qeyd etdiyimiz kimi,Putin, Ermənistan-Rusiya münasibətlərinin özülünə nəhəng bir bomba qoymuş oldu. Və Putin Rusiya Federasiyasının prezidentliyindən məhrum olan kimi Rusiya parça-parça olacaq. Və bu məqamda Vladimir Putinin ölümü, devrilməsi və ya könüllü olaraq siyasi arenadan getməsinin elə bir əhəmiyyəti yoxdur. Əsas odur ki, Rusiyanın Putindən sonrakı prezidenti çox şeyi həll etməli olacaq. Ölkəmizlə əlaqələr də daxil olmaqla. Gürcüstan, Ukrayna, Belarusiya ilə münasibətlərdə olduğu kimi. Amma bu sabah olacaq. Və biz elə günü bu gündən yeni reallıqlar əsasında hərəkət etməliyik. Və bu barədə Qərbin özü bizə kömək etmək məcburiyyətindədir. Əgər Qərbin məqsədi doğrudan da bütün postsovet məkanını demokratikləşdirməkdirsə, öz nəzərlərini bizim ölkəmizə yönəltməlidir. Qərb ilk növbədə Ermənistanın Rusiyanın qandallarından qurtulmasına kömək etməli və ölkəmiz üçün bir boyunduruq olan Putinin bütün ittifaqlarından çıxmasını asanlaşdırmalıdır. Çünki bizə kağız üzərində zəmanət lazım deyil və hesab edirik ki,Ermənistanın NATO və AB -yə üzv qəbul edilməsi üçün konkret addımlar atılmalıdır. Ölkəmiz artıq demokratik, hüquqi dövlətin bütün prinsiplərinə tam uyğun olduğunu sübut edib. Ancaq ölkəmizin dünyanın sivil dövlətlər ailəsinə qayıtmaq üçün bizim maddi, hərbi, siyasi yardıma ehtiyacımız var. Bu yöndə ilk öncə Artsaxın işğalına görə Türkiyə və Azərbaycana qarşı sanksiyaların tətbiqi vacibdir.Beləliklə də dövlətimizin tarixi düşmənləri zəiflədikcə, bizim üçün onlardan qorunmaq daha asan olacaq.
