Türkiyə Prezidenti Rəcəb Tayyib Ərdoğan ölkəsində davam edən meşə yanğınları ilə bağlı son vəziyyət haqqında jurnalistlərə açıqlamasında bildirib ki, göstərilən yardımlar arasında Azərbaycanı xüsusi qeyd etmək lazımdır: “Bu gün yenə Azərbaycan Prezidenti, qardaşım İlham Əliyevlə telefonla danışdıq. Hazırda Azərbaycandan yanğınlar baş verən bölgəyə 600-dən çox təlim keçmiş yanğınsöndürən göndərilib. Bu rəqəmi bütün texnikası ilə birlikdə artıra biləcəklərini deyirlər. Azərbaycan Prezidenti daha 100 yanğınsöndürən mütəxəssis göndərə biləcəklərini bildirdi. Bununla bağlı razılaşdıq və Azərbaycandan daha 100 nəfər ölkəmizə göndəriləcək. Böyük ehtimalla, onlar da bu gün gələcəklər”.
Yanğınların söndürülməsi üçün ölkənin bütün imkanlarının səfərbər edildiyini deyən Türkiyə Prezidenti bugünədək 44 vilayətdə 208 yanğın baş verdiyini, onlardan 196-nın nəzarət altına alındığını vurğulayıb.
Qeyd edilib ki, hazırda 16 amfibiya təyyarəsi, 56 helikopter və 9 pilotsuz uçan aparat yanğınların söndürülməsinə cəlb olunub. Xüsusilə elektrik stansiyaların olduğu ərazilərdə təhlükənin qarşısının alınması vacibdir. Avqustun 7-dən etibarən yanğın baş verən bölgələrə kənar şəxslərin daxil olmasına icazə verilməyəcək. Yanan ərazilər təkrar yaşıllaşdırılacaq. Konstitusiyanın 169-cu maddəsinə əsasən, yanan ərazilər təkrar yaşıllaşdırılmalıdır. Bu ərazilər başqa məqsədlərlə istifadə edilə bilməz. Bu ilin sonunadək yanğın baş verən bölgələrdə 252 milyon tingin əkilməsi nəzərdə tutulur.
Ərdoğanın açıqlamasında diqqət çəkən məqam yanğınların Türkiyənin 44 vilayətini əhatə etməsidir. Bu rəqəm olduqca maraqlı göründü. Çünki yanğınların törədilməsini PKK-nın qolu olan “Atəşin övladları” üzərinə götürsə də, burada erməni barmağının olduğu da istisna edilmir. Məlumdur ki, Azərbaycan 44 günlük müharibə nəticəsində Ermənistanı diz çökdürərək, ərazilərimizi işğaldan azad etdi. Həmin vaxtdan Ermənistanın daxilindən və dünyadakı erməni diasporundan revanşist məzmunlu bəyanatlar səsləndirilir. Biz PKK ilə erməni terror təşkilatı olan “ASALA”-nın bir çox əməliyyatlarda birgə iştirakının şahidi olmuşuq. Türkiyədəki meşə yanğınlarına görə sevincinin həddi-hüdudu olmayan ermənilər elə həyasızlıqda da sərhəd tanımırlar. Sosial şəbəkələrdə yayılmış növbəti görüntülər bu xalqın nümayəndələrinin, ən yüngül şəkildə desək, iyrənc xislətini növbəti dəfə göz önünə sərib.
Belə ki, sosial şəbəkədə erməni qadın Türkiyədə yaşayan ermənilərə müraciət edərək, onları yanğının sönməsinə imkan verməməyə çağırıb. Üstəlik, bu iyrənc çıxışın müəllifi yanğının nə az, nə çox - Vətən müharibəsinin davam etdiyi günlərin sayı qədər, yəni 44 gün davam etməsini istəyib. Bu çıxışı haqlı olaraq bütöv bir xalqın şüuruna hopmuş faşizmin, riyakarlığın və ən əsası da türkofobiya “abidə”si hesab edə bilərik. Erməni qadın 44 rəqəmini seçməklə Azərbaycanın haqq savaşında yanında olan qardaş Türkiyəyə qarşı öz xalqının bütün nifrət və kinini ortaya qoyur, tarixi ədalətin bərpasının ermənilərin hər biri üçün ağır zərbə olduğunu bir daha sübut edir. Seçilmiş 44 rəqəmi Vətən müharibəsində qazanılmış qələbəmizin bu xalqın psixologiyasını necə alt-üst etdiyini ortaya qoyur, cəzalandırılmaq hissinin hər bir erməninin ürəyinə qorxu alovu saldığını göstərir. Bu baxımdan Türkiyədə yanğınların məhz 44 vilayətdə törədilməsi də təsadüf sayıla bilməz. Aciz durumda olan ermənilərin gücü isə özləri üçün fəlakət saydıqları qoşa 4 kombinasiyalı rəqəmdən qisas almaqdan baqşa heç nəyə yetmir.
Məhəmmədəli QƏRİBLİ
