Rusiyada "ermənilərə aid tarixi torpaqlar" iddiası - Rusiyaya dərs…

Səyyar Əliyev: “Həmin saxta iddialara görə, Xəzər dənizindən Qara dənizə kimi bütün ərazilər “Böyük Ermənistan”a aid olmalıdır”

img

Diama utopik ideyalarla yaşayan ermənilər indi də müttəfiqləri olan Rusiyaya qarşı ərazi iddiası irəli sürməyə çalışırlar. Erməni siyasi şərhçi Ramella Mnatsakanyanın fikirləri bir daha bunu təsdiq edir. R.Mnatsakanyan erməni mediasına açıqlamasında bildirib ki, yaxın gələcəkdə Rusiyanı qaçılmaz tənəzzül gözləyir.

Ermənilər münasib anı gözləməli və ruslardan ermənilərə aid hər şeyi götürməlidir: “Rusiya klassik “baş tutmayan” dövlətə çevrilir. Vladimir Putin üçün geriyə sayım başladı. Artıq yaxın gələcəkdə Rusiya Dövlət Dumasına seçkilər keçiriləcək və bundan sonra Moskvada çox maraqlı hadisələr baş verəcək. Rusiyanı qaçılmaz parçalanma gözləyir. Bu dövlət xəritədən silinəcək. Biz bu dövrdə uyğun vaxtı gözləyib, Rusiyadan ermənilərə aid olan bütün torpaqları geri götürməliyik. Bunun üçün bizə demokratik Qərbin köməyi lazım olacaq. Bu proses artıq başlayıb. İrəvan anlayır ki, artıq Rusiyanın simasında “strateji müttəfiqi” yoxdur. Biz artıq Qərbə doğru yolu seçdik. Bir sözlə, Rusiya ilə bizim yolumuz eyni deyil”.

Rusiyada "ermənilərə aid tarixi torpaqlar" deyəndə ermənilər hansı əraziləri nəzərdə tuta bilər?

Tarix üzrə fəlsəfə doktoru Səyyar Əliyev “Bakı-Xəbər”ə açıqlamasında bildirdi ki, XX əsrdə I Dünya müharibəsi, keçmiş çar Rusiyasının süqutu və onun yerində yeni Sovet imperiyasının yaranması ermənilər üçün belə bir əlverişli şans yaratdı:

“XVIII  əsrdən Qafqazı, o cümlədən Güney Qafqazı ələ keçirmək üçün geniş hərbi fəaliyyətə başlayan çar Rusiyası artıq XIX əsrin birinci yarısında öz istəklərinə tamamilə nail ola bildi. Çar Rusiyası ilə İran arasında gedən müharibələr nəticəsində bağlanan 1813-cü il 12 oktyabr tarixli Gülüstan və 1828-ci il 10 fevral tarixli Türkmənçay müqavilələri nəticəsində Güney Qafqaz tamamilə Rusiyanın əlinə keçdi. Ermənilərin Güney Qafqazda çoxalması və möhkəmlənməsinin əsas səbəbi rus çarizminin bu ərazidə yeritdiyi xristianlaşdırma siyasətinin nəticəsi idi. “Böyük Ermənistan”ın yaradılması kimi sərsəm ideyalar mövqeyindən çıxış edən “Daşnaksütyun” ciddi cəhdlə öz qüvvələrini erməni millətinin bütün zümrələri arasında millətçilik meyllərini qızışdırmağa, ermənilərdə başqa millətlər, xüsusilə türklərə qarşı düşmənçilik və nifrət hissi aşılamağa yönəltmişdi. Bu işdə “Daşnaksütyun” partiyası ən iyrənc mübərizə və təbliğat üsullarından belə çəkinmirdi.

Ermənilərin məharətlə işlətdiyi bir siyasət də başqa xalqların torpaq və mədəniyyətini qəsb etməyə yönəldilmiş üsul - mifologiya yaratmaq, sonra isə bu uydurulmuş tarix əsasında öz iddialarını gerçəkləşdirməkdən ibarət olub. Mifologiyaya əsaslanan “böyük torpaqlar” stereotipi qonşularına qarşı ərazi iddiaları, müxtəlif növ əsassız iddialardan irəli gələn “böyük erməni mədəniyyəti”,  “sivilizasiyanın ilk erməni ocağı” kimi mədəni oğurluqlardan ibarət olub.

Hər bir xalqın özünəməxsus tarixi var. Millətin keçmişində baş verən olaylar, hadisələr, uğurlar və məğlubiyyətlər gerçəkliyin ayrılmaz bir hissəsidir. Tarix elmi sübut edir ki, ermənilərin özləri hazırda dövlət qurduqları Cənubi Qafqaza gəlmə xalqdır. Gülməlidir ki, onlar buna baxmayaraq, bu ərazilərdə güya itirilmiş torpaqlarla bağlı iddialar ortaya qoyurlar. Regiondakı sovetləşmədən öncə Ermənistanın indiki paytaxtı İrəvanda əhalinin əksəriyyətini azərbaycanlılar təşkil edirdi. Zaman-zaman zorla deportasiya siyasəti nəticəsində onlar öz doğma yurdlarını tərk etmək məcburiyyətində qaldılar".

Tarixçi alimin sözlərinə görə, Ermənistan əhalisinin yarısı artıq ölkəni tərk edib: "Çünki Ermənistan bütün qonşularına - Türkiyəyə, Gürcüstana, Rusiyaya ərazi iddiaları irəli sürür, uzun müddət Azərbaycan torpaqlarını işğal altda saxladı. Onların xislətində bu var: kim bir az zəiflədisə, onun mirasına sahib olmaq. Ola bilmirsə, iddia etmək. Ermənilərin “Böyük Ermənistan” mifi dənizdən-dənizə də adlanır. Həmin saxta iddialara görə, Xəzər dənizindən Qara dənizə kimi bütün ərazilər “Böyük Ermənistan”a aid olmalıdır. Həmin coğrafiyaya da Rusiyanın əhəmiyyətli hissəsi düşür. Qeyd edim ki, məhz həmin ərazilərdə ermənilər kompakt yaşayır. Əslində  hazırda baş qaldıran çağrışlardan Rusiya ciddi nəticələr çıxarmalıdır”.

Məhəmmədəli QƏRİBLİ

Son xəbərlər