Ermənistanda böyük anti-Rusiya planının əlamətləri göründü - hələlik media dili ilə...
“Çox təəssüflər olsun ki, ruslar bunu anlamır və o üzdən, onlar üçün bunun nəticəsi yaxşı olmayacaq”
Hər keçən gün ermənilərin Rusiya ilə bağlı əsl niyyətləri ortaya çıxır. Bir daha məlum olur ki, bunlar üçün müqəddəs heç nə yoxdur. Hansısa dövlət zəifləyən kimi, öz çirkin niyyətlərini həyata keçirməyə başlayırlar.
Bu baxımdan erməni siyasi şərhçi Ramella Mnatsakanyanın fikirləri bir daha bunu təsdiq edir. R. Mnatsakanyan erməni mediasına açıqlamasında bildirib ki, yaxın gələcəkdə Rusiyanı qaçılmaz tənəzzül gözləyir. Biz münasib anı gözləməli və ruslardan ermənilərə aid hər şeyi götürməliyik: “Rusiya klassik “baş tutmayan” dövlətə çevrilir. Vladimir Putin üçün geriyə sayım başladı. Artıq yaxın gələcəkdə Rusiya Dövlət Dumasına seçkilər keçiriləcək və bundan sonra Moskvada çox maraqlı hadisələr baş verəcək. Rusiyanı qaçılmaz parçalanma gözləyir. Bu dövlət xəritədən silinəcək. Biz bu dövrdə uyğun vaxtı gözləyib Rusiyadan ermənilərə aid olan bütün torpaqları geri götürməliyik. Bunun üçün bizə demokratik Qərbin köməyi lazım olacaq. Bu proses artıq başlayıb. İrəvan anlayır ki, artıq Rusiya simasında “strateji müttəfiqi” yoxdur. Biz artıq Qərbə doğru yolu seçdik. Bir sözlə, Rusiya ilə bizim yolumuz eyni deyil”.
Göründüyü kimi, ermənilər məqam gözləyirlər ki, Rusiya dağılsın və kompakt yaşadıqları ərazilərdə separatçı fəaliyyətə başlasınlar.
Sözügedən məsələ ilə bağlı fikirlərini baki-xeber.com-la bölüşən AVCİYA-nın vitse-prezidenti, professor Məhərrəm Zülfüqarlı hesab edir ki, bunun müxtəlif səbəbləri var: “Belə yanaşmanın səbəbi erməni toplumunun bir xalq, onların tarixən dövlət olmaması ilə bağlıdır. Eyni zamanda, ermənilər tarixən böyük dövlətlərin əlində oyuncağa çevriliblər. Özü də erməni toplumu hər zaman əsrlərlə yaşadığı dövlətə xəyanət edib. Qarşı tərəf güclü olan kimi, onun tərəfinə keçiblər. Bu, Bizans imperiyası dövründə də belə olub, Osmanlı imperiyası dönəmində də. İndi də bu, Rusiyanın başında çatlayır. Ağıllı rus tarixçiləri tarixi analiz etsələr görərlər ki, ermənilər əvvəlki 2 imperiyaya xəyanət ediblərsə, Rusiyaya da xəyanət edəcəklər. Nəzərə almaq lazımdır ki, SSRİ-nin dağılmasında erməni separatizmi mühüm rol oynadı. Bütün bunlar o deməkdir ki, bənzər hadisələr Rusiyanı da gözləyir. Çünki Paşinyanın hakimiyyətdə qalması və Qərbə meylli olması da bilavasitə onu göstərir. Ermənilərdə yaşadıqları dövlətin zəifləməsini hiss etmək qabiliyyəti var. Onlardan fərqli olaraq Azərbaycan xalqı hər zaman dövlətə bağlı olub. Ancaq ermənilərdə sanki bir barometr var. Hiss edirlər ki, dövlət zəifləyir və dərhal ona xəyanət etməyə başlayırlar. İndi də Rusiya zəifləyir və görürlər ki, Ukrayna kimi böyük bir slavyan ölkəsi bu ölkəyə düşmən olub. Gürcüstan, Moldova Rusiyanın təsir dairəsindən çıxıb. Rusiya iqtisadi baxımdan çökür, Qərb bu ölkəni sıxır. Bütün bunların fərqində olan ermənilər öz məkrli niyyətlərini həyata keçirmək üçün məqam gözləyirlər. Tez Qərbin qucağına atılıb dağılmaqda olan Rusiyadan pay qoparmaq istəyirlər. Bax məsələnin kökündə bu amil dayanır. Ancaq ermənilər həmişə unudurlar ki, kiminsə vasitəsi ilə icraçı rolunu oynayanda nəticəsi pis olur. Nəticədə ara yerdə qazanan böyük dövlətlər olur. Ona görə də xəyanətkarlıq ermənilərin xislətindədir. Çox təəssüflər olsun ki, ruslar bunu anlamır və o üzdən, onlar üçün bunun nəticəsi yaxşı olmayacaq. Rusiya zəifləyən kimi, Şimali Qafqazda erməni separatizmi baş qaldıracaq”.
Bu səbəbdən professor hesab edir ki, Azərbaycan hər zaman öz işini ehtiyatlı tutmalıdır.
Vidadi ORDAHALLI
