Azərbaycan cəmiyyətinin baş bəlasına çevirilən, insanlarımızın həyatını hədəfə alan “patı” adlanan narkotik vasitənin ölkəmizə hansı yollarla gətirildiyi hələ də sual olaraq qalmaqdadır. “Patı”nın harada istehsal edildiyi, hansı ölkələrdən gətirildi daim müzakirə edilir.
Mətbuatda qeyd edilir ki, Dünya Azərbaycanlıları Assambleyasının rəhbəri Rəşad Quliyevin Almaniya hökumətindəki mənbələrdən əldə etdiyi məlumata görə, Azərbaycanda bəlaya çevirlən “patı” Xankəndidə hazırlanır.
Alman kəşfiyyatının bununla bağlı dəqiq informasiya əldə etdiyi bildirilir. Ermənilər 44 günlük Vətən müharibəsi zamanı Azərbaycan gəncliyinin döyüş ruhu qarşısında rüsvayçı şəkildə məğlub olduqlarını həzm edə bilmirlər. Bu səbəbdən də gəncləri zəhərləməklə qisas almaq planını işə salıblar.
Mənbənin bildirdiyinə görə, Xankəndidə “Patı” istehasl edib Azərbaycana ötürürlər. Bunu isə İran vasitəsilə həyata keçirirlər.
Mənbə bildirib ki, əvvəllər “patı” istehsalını Zəngilanda həyata keçirirmişlər. Zəngilan işğaldan azad edildikdən sonra isə, bu işi Xankəndidə davam etdirirlər.
Qeyd olunur ki, Xankəndiyə xarici ölkələrdən tez-tez maşınlar gəlir, bəzi hallarda nömrələr dəyişdirilir.
“Burada çox böyük həqiqət var ki, hazırda bizim nəzarətimizdə olmayan...”
“Polisə Dəstək” İctimai Birliyinin rəhbəri, tanınmış hüquqşünas Şəmsəddin Əliyev “Bakı-Xəbər”ə şərhində bildirdi ki, “patı”nın Xankəndində hazırlanması və oradan da Azərbaycana gətirilməsi ehtimal edilə bilər. Ş.Əliyev hesab edir ki, bu informasiyanın kifayət qədər əsası var: “Mən də ehtimal edirəm ki, “patı” Xankəndində istehsal oluna bilər. Çünki hələ torpaqlarımız erməni işğalında olduğu dövrlərdə Ermənistan tərəfindən Azərbaycan torpaqlarında narkotik bitkilər yetişdirilirdi, bizim ərazilər narkoticarətçilərin, narkobaronların məskəninə çevirilmişdi. Narkoticarətçilər ora çox sərbəst gəlib gedirdilər. Ermənilər bizim torpaqlarda narkotik vasitələr əkib becərirdilər. Bu faktdır. Burada çox böyük həqiqət var ki, hazırda bizim nəzarətimizdə olmayan ərazidən İran vasitəsilə narkotik vasitələr gətirilir. Hətta biz şahidi oluruq ki, sərhəddələrimizə ciddi nəzarətin olmasına baxmayaraq yenə də qorunan sərhədlərimizi qanunsuz keçməyə cəhdlər edilir, onlar arasında narkoticarətçilər də çoxdur. Bilirsiz ki, indiyə qədər sərhəddi keçmək istəyən narkoticarətçilərlə bağlı insidentlər yaraşanıb, bu da KİV-lərdə, sosial şəbəkələrdə işıqlandırılıb.
Burada İranın əlinin olmasını da ehtimal edirəm. Bunun İran dövlətinin siyasi bir kursu olduğunu deyə bilmərəm, amma o ölkədə də bir qrup narkobaronlar, narkotacirlər və onları himayə edən qüvvələr var. Biz müharibə dövründə də İranın Ermənistana münasibətini gördük... Bu öz yerində 44 günlük müharibəyə qədər digər ərazilərimizdə də narkotik vasitələrin istehsalını həyata keçiriblər. Bu gün o ərazilər işaldan azad edilib, amma Xankəndi hələ də Azərbaycanın nəzarətindən kənardadır. Azərbaycanın nəzarətindən kənarda olan Xankəndində “patı” və digər narkotik vasitələrin hazırlanması və onların qansuz dövriyyəsi ilə bağlı hərtəkətlərin mövcudluğu istisna deyil”.
Ş.Əliyevin sözlərinə görə, bu gün Azərbaycanda “patı”nın yayılmasında, təbliğatında rol oynayan qruplar var. Ş.Əliyevin sözlərinə görə, “patı” insanda kifayət qədər güc yaratdığı üçün hətta bəzi idmançılar da bundan istifadə edib saatlarla məşq ediblər, əylənmək istəyən gənclər də bunu qəbul edərkən səhərə qədər dayanmadan əyləniblər. “Düşünürəm ki, burada bir məqsədli bir kurs vardı, amma Daxili İşlər Nazirliyinin, Azərbaycan dövlətinin buna ypnəlik siyasəti bu kursu alt-üst etdi. Təxminən son 4-5 aydır ki, hər gün Bakıda və regionlarda “patı” ticarətçiləri aşkar olunur. “Patı” və digər narkotik vasitələrin dövriyəsinə qarşı sərt əməliyyat tədbirləri davam edir və hər bir əməliyyat tədbiri də özünü doğruldur. Tam səmimi deyim ki, ortada DİN və onun bu sahədə mübarizə aparan əməkdaşları prinsipial mövqeyi var...”
Ş.Əliyev hesab edir ki, DİN bu hala qarşı mübarizəsini uğurla davam etdirir. “Azərbaycan əhalisinin həyat və sağlamlıqlarının qorunması, həm də bu sosial bəlanın qarşısının alınması üçün qarşıya məqsəd qoyulub. Eyni zamanda konstision müddəa ilə çıxış edəndə Azərbaycan dövlətinin ali məqsədinin həyata keçirilməsinin canlı təzahürüdür...”
Ş.Əliyevin sözlərinə görə, narkoticarətin qarşısını almaq üçün təkcə Azərbaycan dövlətinin prinsipial mövqeyi kifayət etmir, dünya da bu işə dəstək verməlidir: “Dünyada, beynəlxalq aləmdə narkotik bazarı bağlanmalıdır. O bazara nəzarət edən iri dövlətlər var, onların orada məqsədləri olduğuna görə bazarı bağlamırlar. Biz mübarizəmizi davam etdirməliyik, cəmiyyətin dəstəyi var, mediada bu işə töhfə verməli, mübarizədə həmrəy olmalıyıq”.
İradə SARIYEVA
