Müharibənin başa çatmasndan 8 aydan çox bir zaman keçib. Müharibədən sonrakı müddət ərzində Azərbaycan regionda bir sıra mühüm məsələlərin həlli üçün regional gündəmi müəyyənləşdirməkdə davam edir.
Azərbaycan həm müharibə, həm postmüharibə dövründə hədəflərinə doğru inamla irəlləyir. Ermənistanın siyasi gündəliyini müəyyən dərəcədə rəsmi Bakı tərəfindən formalaşdırılır. Azərbaycanın Zəngəzur Dəhlizi, Şərqi Zəngəzur, statusun tarixdə qalması kimi ifadələri siyasi leksikona daxil etməsi, dünyanın aparıcı mediasının da diqqətini bu istiqamətə yönəldib. Hazırda Azərbaycanın sülh sazişi, sərhədlərin delimitasiyası və s. məsələləri əsas gündəmə çevirir. Proseslərin üzunmüddətli sülhün bərpa edilməsi istiqmətində aparılmasında maraqlı olan Azərbaycanın ciddi səylərinə baxmayaraq, məğlub Ermənistan revanşizmdən dəm vurur. Hansı ki, 44 günlük müharibə iqtisadi baxımdan bu ölkəni çökdürüb. Təkcə işğaldan azad edilən ərazilərdə inşa edilən yolların smeta dəyəri Ermənistanın illik hərbi büdcəsindən çoxdur. Qeyd edək ki, işğalından azad edilən ərazilərdə ümumi uzunluğu 700 kilometr təşkil edən 9 yol-nəqliyyat infrastrukturu layihəsi paralel şəkildə həyata keçirilr. Ermənistanın bu ilki müdafiə və hərbi xərcləri 597 milyon dollar olduğu halda, Azərbaycan sözügedən layihələrə 631 milyon dollar ayırıb. Nəzərə almaq lazımdır ki, təkcə bu il dövlət büdcəsindən işğaldan azad olunan rayonların bərpasına 1,2 milyard manat vəsait ayrılıb.
Belə bir vəziyyətdə hansı revanşizmdən söhbət gedə bilər?
“Hansısa revanş cəhdi qarşı tərəfi büstbütün çökdürəcək”
Məsələyə münasibət bildirən şərqşünas Seyid Camal Əzimbəylinin sözlərinə görə, bütün bunlar ermənilərin mənfur xislətindən irəli gəlir: “Çünki bunlar qədər alçaq millət yer üzündə yoxdur. Ermənilər 44 günlük müharibədə acınacaqlı məğlubiyyətə uğrasalar da, daxilən bunu həzm etmək istəmirlər. Çünki iki ay ərzində işğal altında olan ərazilərin böyük hissəsi azad edildi. Müharibə 27 sentyabrda başladı, 1 dekabrda 10 noyabr razılaşmasına uyğun olaraq işğalçı tərəf Laçını tərk etdi. Bu gün Azərbaycan işğaldan azad edilmiş rayonlarda böyük tikinti və quruculuq işləri aparır. Özü də bütün bunları öz daxili resursları hesabına həyata keçirir. Bu məqsədlə 1 manat da olsun xaricdən Azərbaycana yardım olunmayıb. Əksinə, Azərbaycanın vəsaiti hesabına xarici şirkətlər podratçı olaraq bu prosesdə iştirak edirlər. Ordumuz qarşı tərəfin belini elə qırıb ki, onların özünə gəlməsinə illərlə vaxt lazımdır. Azərbaycanın iqtisadi imkanları həm azad edilən rayonların bərpasına, həm də bundan sonra ən müasir silah komplekslərinin alınmasına yetər. Azərbaycanın valyuta ehtiyatları ölkənin xarici borcundan 6 dəfə çoxdur. Bu gün Ermənistanın xarici borcu 8 milyard dollar, valyuta ehtiyatları isə 1 milyard dollardır. Belə olan halda əlbəttə ki, qarşı tərəfin avanturist açıqlamaları ciddi əsaslara söykənmir”.
Şərqşünas hesab edir ki, hansısa revanş cəhdi Ermənistanı büstbütün çökdürəcək.
Vidadi ORDAHALLI
