Məlum olduğu kimi Ermənistan XİN-in KİV və İctimai diplomatiya idarəsinin 19 iyul 2021-ci il tarixli açıqlamasında Hərbi Qənimətlər Parkını “revanşizm abidəsi” adlandırılıb. Bir sözlə, revaşizmi, separatizmi dövlət siyasətinə çevirən, faşiştləri qəhrəmanlaşdıram Ermənistan öz adını bizə qoymağa cəhd göstərib, amma unudub ki, revanşist damğası əbədi olaraq onun alnındadır.
Azərbaycan Xarici İşlər Nazirliyinin Mətbuat xidməti idarəsinin rəisi Leyla Abdullayeva Ermənistan XİN-in KİV və İctimai diplomatiya idarəsinin 19 iyul 2021-ci il tarixli açıqlamasını şərh edərkən onların cavabını layiqincə verib: “…Qənimətlər Parkı ilə bağlı iddialara gəldikdə, Bakı şəhərindəki Qənimətlər Parkı hüquq və ədalətin təcavüzkar üzərində qələbəsinin rəmzidir. Parkda nümayiş olunan, Ermənistanın Azərbaycanın işğal olunmuş ərazilərində qurduğu istehkamlar, bu ölkənin onilliklərdir ki, münaqişənin həlli üzrə danışıqlarda riyakarlıq nümayiş etdirdiyinin sübutudur. Parkı “revanşizm abidəsi” adlandıran Ermənistan XİN-i, unudur ki, Azərbaycandan fərqli olaraq Ermənistanda çoxsaylı terrorçu və müharibə cinayətkarlarına abidələr ucaldılıb. Maraqlıdır ki, niyə bu abidələr deyil, məhz Holokost və Mahatma Qandinin Ermənistandakı abidələri vandallığa məruz qalıb?!...”
“Azərbaycanın zəfərinin simvolu olan Hərbi Qənimətlər Parkı Ermənistan rəhbərliyinin huşunu başından alıb və ona görə də bu cür sərsəm fikirlər səsləndirirlər”
Qarabağ Azadlıq Təşkilatının (QAT) rəhbəri Akif Nağı “Bakı-Xəbər”ə bildirdi ki, Ermənistan aqoniya vəziyyətindədir, bu ölkəyə rəhbərlik edənlər nə danışdıqlarını bilmirlər. A.Nağının sözlərinə görə, Baş nazir adlandırdıqları Nikol Paşinyandan tutmuş “şərhçiləri”nə, “siyasi icmalçıları”na qədər belə təsəvvür yaradırlar ki, kələfin ucunu itiriblər, Azərbaycana qarşı hansı ifadələr işlədəcəklərini bilmirlər: “Səsləndirdikləri hər bir fikirlə özləri özlərini ifşa etmiş olurlar. Bir neçə gün əvvəl Avropa İttifaqı Şurasının prezidenti Şarl Mişel regionda səfərdə oldu, Ermənistana getdikdən sonra isə Azərbaycana gəldi. Ermənistanda olanda Paşinyanla görüşü, Paşinyan bu görüşdə Azərbaycana qarşı sayıqlama xarakterli ittihamlar səsləndirdi ki, guya “Azərbaycan qonşu ölkələrə qarşı ərazi iddiasındadır”. Yəni bu reallığa uyğun olmayan bir sözdür. Məsələ burasındadır ki, Ermənistan rəhbərliyi o qədər çaşıb ki, özlərinə xarakterik olanları Azərbaycana yapışdırmaq istəyirlər. Amma belə şeylər Azərbaycana yapışmaz.
Bu cür sərsəmliklərə yalnız ağlını itirmişlər yol verir, onlar güzgüyə baxırlar orada özlərinin eyiblərini görürlər, öz eyiblərini isə başqasına yapmaq istəyirlər. Yəni bu dəliliyin əlamətidir.
Azərbaycanın zəfərinin simvolu olan Hərbi Qənimətlər Parkı Ermənistan rəhbərliyinin huşunu başından alıb və ona görə də bu cür sərsəm fikirlər səsləndirirlər. Çünki bu park ilk növbədə Azərbaycanın qələbəsini nümayiş etdirir, həm müharibənin ağrı-acılarını, dəhşətlərini əks etdirir, həm də ermənilərin əlacsız vəziyyətdə olduqlarını, Azərbaycana heç bir müqavimət göstə bilmədiklərini ifadə edir, göstərir. Yəni Hərbi Qənimətlər Parkı bütün cəhətlərdən Azərbaycanın qələbəsini dünyaya təqdim edir və dünya da bunu qiymətləndirir. Bu park dünyaya müharibənin dəhşətlərini göstərmək üçün yaradılıb. Müharibənin dəhşətləri nümayiş etdirilir ki, başqa xalqlar da, başqa millətlər də müharibə etməsinlər, müharibə dağıntı, ölüm-itim deməkdi. Azərbaycan 30 il bunu Ermənistana başa salmağa çalışdı ki, biz səni hərb meydanında məğlub edə bilərik, amma müharibə ölüm-itim, qan-qada deməkdi. Azərbaycan 44 günlük mübaribədə 3 minə yaxın əsgər və zabit şəhud verdi, dinc əhalmiz həlak oldu, minlərlə insanımız yaralandı, sağlamlığını itirdi, nə qədər dağıntılar oldu. Bütün bunlar müharibənin acı nəticələridir. Yəni bunlar hamısı faciədir, Azərbaycan bu parkı yaratmaqla bu faciəni dünyaya nümayiş etdirir”.
A.Nağının bildirdiyinə görə, Azərbaycan Hərbi Qənimətlər Parkını yaratmaqla həm Ermənistana, həm də dünyaya müharibənin baiskarının Ermənistan olduğunu sübut edir: “Azərbaycan həm Ermənistana, həm də ermənipərəst qüvvələrə sübut etdi ki, bu sizin cinayətlərinizin nəticəsidir. Hərbi Qənimətlər Parkı Ermənistanın cinayətkar siyasətini alt-üst etdiyi üçün bu ölkənin rəsmiləri sayıqlayır. Ermənistanın arxasında dayanıb ona “qorxma-qorxma” deyən dövlətlərin, Ermənistanın cinayətlərinə göz yuman beynəlxalq təşkilatların bu məsələdə məsuliyyəti var. Yəni Azərbaycan dünyaya çatdırmaq istəyir, başqa bir tərəfdən isə qələbəsini dünyaya nümayiş etdirir. Bütün dünyada qəbul olunub ki, qalib gələn tərəf, ölkə özünün qələbəsini ən müxtəlif formalarda təqdim edir. Bu da qələbənin nümayişdir ki, biz zəif hərbi texnikası zəif olan ölkəyə qalib gəlməmişik, biz hərbi texnikası bu qədər çox olan, müharibəyə ciddi hazırlaşan, bu qədər silah-sursat toplayan bir ölkəyə qalib gəlmişik. Bu cür hərbi arsenala qarşı döyüşdə qalib gəlmişik, Azərbaycan bunu nümayiş etdirməlidir, dünya da qəbul etməlidir. Ermənilərin hay-küyünə görə bəzi beynəlxalq təşkilatlar, ayrı-ayrı dövlətlərdə Azərbaycana nə isə çatdırmaq istəyirlər, amma təbii ki, üz-üzə oturub söhbət edəndə Azərbaycanın haqlı olduğu təsdiqlənir”.
Öz addımlarını davamılı şəkildə atdığını deyən A.Nağı hesab edir ki, Azərbaycan düşünülməmiş addım atmır, düşünüb atdığı addım isə hədəfinə çatır. Ermənistanın atdığı addımlar isə düşünülməmiş addımdır: “Terrorçuya abidə qoymaq nə deməkdi? Ermənistan Njdeyə abidə qoymaqla özünü ifşa etdi. 1918-1920-ci ildə Azərbaycanın daxili işlər naziri olmuş Behbud xan Cavanşiri qətlə yetirən caniyə, terrorçuya Ermənistanda abidə qoyulması nə deməkdi? Tələt paşanı qətlə yetirən terrorçuya da İrəvanda abidə qoyublar, terrorçunun da ayağı altında Tələt paşanın başını əks etdiriblər. Bütün dünya Ermənistanın ağılsız mövqeyini görməlidir, bu ölkənin etdiklərinin izahı yoxdur. Sən bir ölkə olaraq konkret tarixi bir şəxsiyyətin öldürülməsi səhnəsini bu şəkildə təbliğ edirsən, terroru, irqçiliyi yayırsan, bu abidə ilə türkə, müsəlmana nifrətini ifadə edirsən. Addım atılırsa gərək onun izahı da olsun. Ermənistanın terrorçulara abidə qoymasından Rusiya da narazı qalıb, xüsusən də faşist Njdenin abidəsi bu ölkəni narahat edir. Ermənistan faşistə abidə qoyub, amma bunu izah edə bilmir, izah etmək istəsə belə, dünya onun izahını qəbul edə bilməz. Başdan-başa terrorçuların abidələrinə bürünən Ermənistan revanşizmin alovlandığı bir ölkədir, odur ki, öz adını başqasına qoymasın”.
İradə SARIYEVA
