19/09/2020 04:06
728 x 90

Separatçı Qarabağ rejimi Suriyadan, Rusiyadan, İraq və Livandan açıq erməni köçlərinin təşkilinə başlayıb...

Məhəmməd Əsədullazadə: “Azərbaycan bu istiqamətdə Minsk Qrupu həmsədrlərinə etiraz etməlidir”

img

Ermənistan hakimiyyəti Livanın paytaxtı Beyrutda baş vermiş dəhşətli partlayışdan və sonrakı günlərdə yaşanan gərginliklərdən də özünün məkrli məqsədləri naminə istifadə etmək istəyir. Söhbət Livan ermənilərinin Ermənistana və təbii ki, oradan da işğal altındakı Azərbaycan ərazilərinə köçürülməsi planından gedir.

Qarabağ separatçılarının lideri Araik Arutyunyan Livandan 100-150 erməni ailəsinin köçürülməsini təklif edib. Arutyunyanın “beynəlxalq məsələlər üzrə müşaviri” David Babayan deyib ki, bu məsələnin həyata keçirilməsi zaman və səy tələb edir:“Onlar gələnə, yerləşənə qədər iş yerləri məsələsi həll edilməlidir, bütün bunlar hazır olmalıdır. Yaxşı hazırlanmış proqram olmalıdır”.

Avqustun 11-də isə Livandakı erməni icmasının təmsilçisi Misak Nadjaryan deyib ki, Ermənistan Livandakı diaspor üzvlərinin kütləvi köçürülməsinə, qaçqın axınını qəbul etməyə hazır olmalıdır. Ölən 150 nəfərdən 13-nün, yaralanmış 5 min nəfərdən artıq livanlıdan 250-nin erməni olduğunu xüsusi vurğulayan Nadjaryan deyib ki, ən əsası insan həyatıdır, amma maddi itkilər kifayət qədər böyük həcmdədir.

Hazırda rəsmi rəqəmlərdə 140 minə yaxın göstərilsə də, faktiki olaraq bütün Qarabağ ərazisində 60 min civarında erməni yaşayır. Ermənilər Qarabağın demoqrafik vəziyyətini özlərinin xeyrinə çevirmək üçün Yaxın Şərqdəki münaqişələrdən istifadə edir. Belə ki, bir müddət əvvəl Suriyadan bir qrup erməni Qarabağa yerləşdirilib. Həmçinin Rusiya və digər ölkələrə gedən ermənilərin Qarabağa qaytarılması üzrə bir neçə proqram işlənib hazırlanıb. Erməni tərəfi açıq şəkildə Qarabağda qanunsuz məskunlaşma apardıqlarını bəyan edir, amma ATƏT-in Minsk Qrupu buna hansısa formada münasibət bildirmir. 10 ildir sözügedən ərazilərə faktaraşdırıcı missiya göndərmir. Niyə?

  • “Livan ermənilərinin Qarabağa köçürülməsi birbaşa hazırkı situasiyada müharibə variantının işə düşməsinə gətirə bilər”

Sözügedən məsələni “Bakı-Xəbər”ə şərh edən politoloq Məhəmməd Əsədullazadənin fikrincə, Ermənistanın Azərbaycanın işğal olunmuş ərazilərində məskunlaşma siyasəti aparması ilk növbədə aparılan danışıqlara zərbədir:“Bu, demək olar ki, danııqlar prosesinin sabotaj edilməsi deməkdir. Faktiki olaraq, Ermənistan bu siyasətlə gedir. Livanda məlum partlayışdan sonra orada yaşayan erməni ailələrinin Qarabağa köçürülməsi barədə qərarın verilməsi mahiyyət etibari ilə İrəvanın demoqrafiq vəziyyəti öz lehinə dəyişmək cəhdidir. Hesab edirəm ki, Azərbaycan bu istiqamətdə Minsk Qrupu həmsədrlərinə etiraz etməlidir. Eyni zamanda, faktaraşdırıcı missiyayanın işğal olunmuş ərazilərə gəlməsini tələb etməlidir. On ildir ki, faktaraşdırıcı missiya işğal zonasına gəlmir. Çünki deməyə sözləri yoxdur. Ermənistan burada məskunlşama və infrasturuktur qurub. Onlar bunu gəlib elan etmək istəmir. Bu da ikili standartların təzahürüdür. Hesab edirəm ki, Livan ermənilərinin Qarabağa köçürülməsi birbaşa hazırkı situaiyada müharibə variantının işə düşməsinə gətirə bilər. Azərbaycan qəti şəkildə bununla razılaşmayacaq və bundan sonra Ermənistanın danışıqlarda iştirakını imitasiya kimi qəbul etməlidir. Vəziyyəti Ermənistan təhlükəli vəziyyətə aparmaqdadır. Bu ölkə sülhdə və ərazilərin qaytarılmasında maraqlı deyil”.

Politoloqun fikrincə, Azərbaycan davamlı olaraq bu məsələni gündəmə gətirməlidir.

Vidadi ORDAHALLI 

Son xəbərlər