Warning: opendir(/home/sites/bakixeber/cache/): failed to open dir: No such file or directory in /opt/php7/lib/php/Cache/Lite.php on line 642
Baki Xeber - News
23/09/2019 05:37
728 x 90

Keçmiş ərləri şou müğənnilərinə xəyanət etdiyi üçün onlar boşanıb, yoxsa onları xəyanətlərinə görə boşayıblar?

img

Boşanma bir sosial-psixoloji bəladır. Bu epidemiya bütün cəmiyyətlərə yayılıb və günü- gündən miqyası daha da genişlənir. Bizim cəmiyyətə elə də xas olmayan, ümumiyyətlə, milli mentalitetimizə yad olan boşanma aktlarının bu qədər genişlənməsində payı olanlar var. Onların kimlər olduğunu soruşmaq istəyirsinizsə deyim. Boşanma, xəyanət virusunu bizim cəmiyyətə, ailələrə yeridənlərdən biri şou-biznesçilərdir. Birdən deyərsiniz ki, boşanma fərdi məsələdir, insanların şəxsi işidir, bura şou-biznesçilərin nə dəxli var? Dəxli var, özü də çox. Onların yaşadıqları həyat tərzi ilə bağlı apardıqları təbliğat gənclərin əxlaqına, mənəviyyatına mənfi təsir göstərir.

Bu insanlar ya bilərəkdən, ya da bilməyərəkdən öz davranışları ilə boşanmanı təbliğ edirlər. Məsələn, bir şou-biznesçi çıxıb efirdə deyir ki, ərim pul qazana bilmədiyi üçün, ona təpik vurub qapıdan bayıra atdım. Başqa biri deyir ki, mənim istədiyim həyatı mənə yaşatmadığı üçün, ərimdən boşandım, niyə zülm çəkməliydim ki? Yaxud bir başqası “ölərəm, ər corabı yumaram, qaynana-qaynata qulluğunda durmaram” deyir. Onlar daha nələr demirlər ki? Şou müğənnilərinin boşanması məsələsini həmişə bəzi saytlar xüsusilə işıqlandırırlar. Hansı müğənnidən “niyə boşanmısınız” deyə soruşduqda “ərim rəfiqəmlə mənə xəyanət etdi” deyir. Özü də elə iddia edir ki, onları tanımayanlar dərhal inanırlar. Daha demir ki, ərim mənə rəfiqəmlə xəyanət etmədi, mən rəfiqəmin əri ilə ərimə və rəfiqəmə xəyanət etdim. Onların belə bir etirafını gözləmirəm də...   

Bəzən deyirlər ki, gəlin gəlin olmaz, düşdüyü yer gəlin olar. Bu sözdə həqiqət olsa da, çox vaxt gəlinlərin özləri yaxşı ailələrdə də gəlin olmaq istəmirlər. Düşdükləri ocağı şölələndirmək əvəzinə, boşanırlar. Elə götürək bizim bir çox şou müğənnilərini və aktrisaları. Hamısı boşanmalarına səbəb kimi eyni motivi göstərir - xəyanəti. Öz şəxsi həyatları ilə gündəmdə olan şou müğənnilərinin çox böyük əksəriyyəti iddia edir ki, ərlərinin xəyanətinə uğradıqları üçün, boşanma barədə qərar veriblər. Əslində isə çox zaman onlar tərəfindən boşanmanın həqiqi motivi ciddi şəkildə təhrif edilir.

Araşdırıb görürsən ki, bu gün müğənnilik edənlərin çoxu özü boşanmayıb, onları əxlaqsızlıqlarına, xəyanət etdiklərinə görə boşayıblar. Bu adamların çoxunun səhnəyə gələn yolu elə ərlərinə xəyanətdən başlayıb desəm, heç də yanılmaram. Çünki müxtəlif qalmaqallar, dedi-qodular törətməkdə pərgar olan şou əhli keçmiş ərlərinə də asanlıqla şər atırlar. Guya bunlar o qədər qürurlu olublar ki, ərlərinin xəyanətini bağışlaya bilməyiblər. Ocağına, ailəsinə sədaqətli olan qadın heç zaman milyonların qarşısına çıxıb başqasını təhqir etməz, nədəsə suçlamaz. Etiraf etmirlər ki, bizim xarakterimizlə, yaşamaq istədiyimiz həyat tərzi ilə ailə həyatı tutmur. Demirlər ki, biz gecə həyatı yaşamaq, günümüzü barlarda, əyləncə yerlərində keçirmək, qızıl-brilliant içində üzmək istəyirdik, amma ərimiz kasıb olduğundan, ona xəyanət edib pul qazanmışıq, bilib boşayıblar. Özü xəyanətkar olan birilərinin başqalarını xəyanətdə suçlaması həqiqətən də gülüncdür.

Ay şou əhli, sizin əsaslandırmalarınıza, buna əsaslandırma demək mümkündürsə, nəinki insanların, hətta “bişmiş toyuğun da gülməyi gəlir”. Bu günlərdə gənc şou-biznesçilərdən biri ağızıdolusu ərinin “xəyanətindən” danışdı. Sonra məlum olur ki, onun həmin zaman sevgilisi olub və əri də onu boşayıb. Bu şou müğənnisi demir ki, hansısa bir iş adamı ilə eşq yaşadığına görə iş adamının həyat yoldaşı onu yüzlərlə insanın qarşısında döyüb rüsvay edib, əri isə əlini qana bulamamaq üçün sakitcə boşayıb. Bu gün şou müğənniləri öz populyarlıqlarından istifadə edərək heç kəsin tanımadığı keçmiş həyat yoldaşlarına qarşı ağlasığmaz ittihamlar irəli sürürlər. Onlar da balalarının xatirinə susurlar... Amma danışsalar, ortaya elə dəhşətli faktlar çıxar ki, bu da sözügedən iddiada bulunan şou müğənnilərinin xeyrinə işləməz. Şou müğənnilərin ailə həyatını da, öz talelərini də şouya, şit bir tamaşaya çevirdiyi məlumdur. İstərdim ki, sadə insanlar onların yaşadıqları süni, ruhsuz, saxta həyat tərzindən nümunə götürməsinlər. Çünki gerçəkdən də onların çoxunun həyatı yaxşı deyil, pis nümunədir...

Leyla QARAXANLI

Son xəbərlər